ردود العضو
-
الكاتبالمشاركات
-
12 أبريل، 2007 الساعة 5:12 م #805960
زينه العراقي
مشاركعاتبني ابعتابك خل ترد روحي
اوهسني . . ابدلالك . . ياشتل شمام
حتى ازهك . . وشوفك وينها اجروحي
بيه اشبع غرورك . .
يا أعز جتال
يتمايل غنج لو بيه . . ثكل نوحي
تعاتبني اعله حالك . .
صار بيك الصار
جاشدل اجروحك هاي وشتوحي
كبل حبك . . جبل مالاح طرفي السيل
هسه اول زخاخ
ايغطن سفوحي !
ومنك ماروت يدعج بعد روحي
ولا رادت . . ولاسمعت . . ولاحبت
لاتحمل ((نجاة)) ابليل لوغنت
اعلمها الورع . . واطبك عليها الباب
تذكر ضحكتك . . واجهرت ماعنت
لا لامتك ليش . . وشوفك اصبح طيف
اشلون ابعدت عنها . .
اشلون ماجنت !
وعيونك ابغير عيونها اتهنت
وجفوفك ابغير اجروحها اتحنت
يا تل الورد . . تل آخر السباح
حته اطفه . . من اشوف ارويحتي انتلت
كلت انجفه الماي . .
وذبل عود الياس
والوادم نست
وبغيرنه اتسلت
وأول ما شفت طولك نسيت الصوت
وروحي بلاسبب بجفوفك افتلت
ياكمرة حياتي البعد ما هلت . .
يا انت . . وكفاني اتوهدنت وياك
تحسبني . . وحسبتي وياك ما فلت
كلمن عرف وشره . . وشال منها الشال
وتعده العمر والوادم اندلت
هسه الراح راح . . وبين ايديك الروح
بس ذمه ابركبتك يوم لو سلت
12 أبريل، 2007 الساعة 5:05 م #805954زينه العراقي
مشارككاسرت عمري اعله عمرك
كطعت ليش . . وحِـركتك
جويه مني وجويه منّك
ونتشيت . . استاهلك . . شهكة عوافي
وخيّبت ظني . . وصدك ويّاي ظنك
ماكلت عنك . . عرك جفّك ابجفّي
ولا كلت جاسك زعل . .
واشتعل دمي ابنار دمّك
أصعر . . وتستسهل . . اتشاغل خيالي
وياخذك غيّك . . خرز خلخال . . تِـطّــشّـر وألمّك
ومدري ليش . . أتمايزك وردة اكرنفل
اِتّيه روحي ابريحتك . .
واحتار من ياصفحه اشمّك
أختلي ابحسنك . . وافج كلبي واطلعك
تلعب ابعمري . . وخاف الغير يندلّـك وأضمّك
خاف تاخذني . . اعله بستانك فرحِتي . .
وخاف تكبر حيرتي . .
وحسنك يغرّك
خاف تِطشّر ولك . . وشلون المّك ! ؟
كالو : ايحبك ! !
كلت من شاف كلبه ؟
وجبّست دمعي . .
وسكن نبض الكلب . .
عن لا يذمّك
تِرسْ جفّي . . اسوالفك وحده اعله وحده
وعرك جيدك زمزمي . .
وخجلان تتعذّر !
واكلّك : لايهمّك
من تجِسني اشفايفك
تاخذني غيبه !
ومن تِرِشْني ابمزنِتَك . . ولهان افز . .
لن روحي يمّك ؟
اختلي ابحسنك . . وأفج كلبي واطلعك
تلعب ابعمري . . وخاف الغير يندلّك وأضمّك
وخاف تطّشّر خرز . .
وشلون المّك ؟
اشجان ضرّك . .
تختصر بعدك عليه ؟
وكلّي شكرات وحمد
للمختصر . . حسنك ابخصرك
تشرب معافي . . حناني ولهفتي
وتسكر ابدمي . .
وتنتشي ابغيّ الشذى . .
وتتعزّل اعزال من اجرّك
من جمعني وياك ؟
من شدني . . ويه طولك . .
طعّمك بيّه
وصرت حلوك ومرّك
لنها ما بالغبشه . . غبشه . . ابغير عينك
خاف اترزبيك .. حد كطع النفس
وازهك واضرك !
خاف تطشر خرز ..
وشلون المك ؟
ومن كبل .. كل شوكه عمري من الطوارف
حسبت مثل الوداد .. الفات ودك
من كبل .. وآنه الورع كحل اجفوني
وجنت اظن :
وكت التهد بيه روحي اهدك ..
لني كلما فززن صبري الليالي ..
وخان وكتي
اتوسلك .. هدوة كت خليني عندك
اوعاذرك .. لو هدل عودك ..
من كدر يحمل حسن مثلك وكدك ؟
عاذرك تغلط ابحكي ..
وتبخل ابظلك على النايم ابسدك
عاذرك تغتاض ..
بس من غير شاره ..
وشارتك هالبينت
ودخيل جدك
عاذرك .. عن لايهم كلبك ابهمي
وتنترس عينك دمع
وتنترس عينك دمع
4 أبريل، 2007 الساعة 5:25 م #801130زينه العراقي
مشاركالسلام عليكم
يبدو اني تعبتك معاي
نعم والله جربت وماكو اي فائده ولو اعرف البرنامج لم اسال احد
ومشكور ويبدو ان مشكلتي ما اله حل3 أبريل، 2007 الساعة 2:02 م #800538زينه العراقي
مشاركاشكرك اخي على هذه المعلومه لاكن الجويستك معرف وفحصته يعمل بصوره صحيحه ولكن عند فتح العبه لا يعمل الجويستك وسئلةاهل الخبره والتجربه يقولون ان هناك برنامج ولك جزيل الشكر
31 مارس، 2007 الساعة 5:36 م #798718زينه العراقي
مشاركاريد العب بليستيشن وال(جوستك ) لا يحرك العبه يعني
العب حاليا بالكيبورد والماوس
هل يوجد برنامج للجوستك
جربت مشغل السوني العربي
وبدون فائده
22 يناير، 2007 الساعة 7:36 م #765762زينه العراقي
مشاركمشكور اخي وبارك الله فيك
18 يناير، 2007 الساعة 7:08 م #763750زينه العراقي
مشاركالسلام عليكم
شكرا اخي وتمنياتي لك بالموفقيه
18 يناير، 2007 الساعة 6:56 م #763743زينه العراقي
مشاركمشكور اخي وانشاء الله الى الامام
12 يناير، 2007 الساعة 3:53 م #760326زينه العراقي
مشاركمشكور اخي ذيب العراق
12 يناير، 2007 الساعة 8:13 ص #760168زينه العراقي
مشاركالسلام عليكم
يا اخي كيف التحميل ممكن ترد ومشكور
12 يناير، 2007 الساعة 8:09 ص #760167زينه العراقي
مشاركمشكوره اختي العزيزه وبالتوفيق
-
الكاتبالمشاركات