@rwhaalamarat
ردود العضو
-
المشاركات
-
احييكم ياشباب على الروح الرياضيه ,واتمنى لجميع الفرق بالتوفيق ,وانشاء االه كل واحد بيعدل من نتيجته في المباريات القادمة
اشكر الاخت بدور على موضوعها الجميل والى جميع من شارك في تفي تهنأت صاحب السمو الوالد الشيخ زايد بن سلطان ال نهيان رئيس الدولة حفظه الله والشعب الاماراتي بمناسبة العيد الوطني للبلاد ,ادام الله في عمر واليكم ورزقه الصحة والعافية انشاء الله .
تحياتي للجميع
هاهاهاهاهاهاهاه شباب شفتو الانتقاد اللى وجهه شارون حق قناة ابوظبي ,هذا يدل على ضعفه واتحد شارون لو وقفوا البرنامج والله ياشباب ان اضعف شعب ترى هو الشعب اليهودي .
شكرا اعزائي على تفاعلكم معي واخص بالشكر الى امير القلوب على التوضيح بس في شغلتين بغيت اخبرك اياها يا امير القلوب وهي 1-الاند اللى شفته انت في تلفزيون هذا الوارد ياباني اللى ينزل عدنا بعد الطلب عليه.
2 -انا عندي كروزر1999 VXR فل مواصفات ماخذنه من دبي وبعدي بكم من شهر ولد عمي ظهر كروزر1999 VXR بس من البريمي ولاحظ الفرق اللى شفتها اولا هو عنده نظام منع انزلاق السيارة لكن سيارتي مافيها مثله ,ثانيا لما دعست معاه مع اني سرقت القومه الى انه روح عني في الخط رغم ان كل واحد منا سيارته مقفولة عند195 كم………؟
وللعلم ان مانع الانزلاق ماوصل عدنا الى في موديل 2001 .
الف مبروك يا عزيزي الندابي على الشهر الفضيل اعاده الله علينا وعلي الجميع بالخير والبركة ,اسأل الله ان يتقبل طاعتنا بالصيام وان يوفقنا اللى مايحبه ويرضاه .
وشكرا.
مشكور يااخوي الامبراطور على المعلومات الشيقة ,بس شرايك في تقنية استخدام الماء كوقود بدلا من البترول ………………..؟
اهلا عزيزي الامبراطور ,اتفق معاك ان الجيب اقوى وطبعا له الاولوية في الصعدة لاكن بعد ماشاء الله النيسان كفو عليه وصل قريب نهاية الصعدة. اخي الكريم ,من خلال رؤيتي للفريق خلال التصفيات فا ني اعده من افضل الفرق العربية ,ولكن السبب وراء الفشل يعود الى المدرب السابق الذي لم يقدر كفاءة الاعبين وتعامل معاهم بدون تركيز وكانه كان يبغي الاداره تفصله وبلفعل فصلته لكن شو النتيجة ارتباك الاعبين من المدرب الجديد لأنهم لم يعتادوا اسلوبه بعد لأن هذا يحتاج الى وقت كي يتاقلم الاعبين تماما مثل ماحدث لمنتخبنا الوطني عندما استقال المدرب عبدالله صقر وحل محله ريخس الذي يكره الاعبين المنتخب العيناوي ,ملاحظتوا يا شباب هومدرب فريق الوحدة والمباراة النهائيه كان كل للى يلعبون من فريق الوحدة والاحتياطيين من فريق العين اللهم في الدقائق الاخيرة بس نزل سبيت خاطر من نادي العين.
واسفين على الاطالة
اسمحولي يا شباب اني اتكلم من باب الاخوة ترى الموضوع حساس شوي .في الحقيقة احنا دوم كل شهرين نروح عند اهلنا في صحار في منطقة صلان بالتحديد ,وكل سنتين نروح محافظة ظفار(صلالة) ولازم وكل مره نشوف حادث قوي لازم حد يموت فيه واخر واحد الحادث اللى صار للعائلة الاماراتية في عبري وراح ضحيتها الجميع اسأل الله العافية للجميع ,اللى ابغي اوصله هو ليش ما يسون شارعين بدال شارع واحد ………..؟
لأن الواحد مايدري شو اللى بيصير مثل سالفة العائلة الاماراتية راع التريلة بنشر عليه التاير وماقدر يسيطر على سيارته فطلعة سيارته على الخط الثاني في نفس الوقت العائلة جاية وعلى سرعة اكيد مابيقدر يتفادى خصوصا ان المسافة كانت وايد قصيرة حسب افوال الشهود اللى شافوا الحادث.
مأساة الصراحة ولاحظوا صارالحادث في اليوم الثاني من وصولنا صلالة.
واسفين على الاطالة
والله الحقيقة العيب مب من اللعييبة,لكن العيب من هذا المدرب الفاشل اللى ما قدر يوصل منتخبنا الى نتيجة ايجابية,لأن مباراة امس كنا في امس الحاجة الى حارسنا المتألق جمعة راشد ,وبخيت سعد,وغريب حارب ,هذيل الشباب هم اوراقنا الرابحة ,وصدق الى قالوا :العيب مب قي الخيل العيب في الخيال.
