كنت اكتم بصدري سواليف واحزان
خبيتها كنت احسب انها زغيره

ثاريها تكبر داخل القلب باتقان
لمن دريت ولنها صارت عشيره

عشيرة احزانا شيوخا وفرسان
قائدها من سلمته قلبي يديره

قائدها غرا كان للقلب عنوان
كنت احسبه روحي ودوم استشيره

كان لحياتي نورها وكان ما كان
حلو السوالف والوصوف المثيره

جماله فاق الوصف ما يوصفه انسان
قلبي تعلق فيه ما شاف غيره

شيطلب انفذ- امره ماشي ولا هان
يطلب الروح وروحي عنده اسيره

فنان صرت بعشرته وماني فنان
صارو يسمونه الامير واميره

قلت قليل المال والحال تعبان
قال الهنا وياك لو عالحصيره

الحب عندي من الذهب يسوى اطنان
حبك هنا روحي ومعك مستنيره

اسمك رياض العاشق وهذا برهان
واسمي منيره وقلبك يحب منيره

كانت تلقاني وتضمني بالاحضان
وان برد خدي لفته بالضفيره

كنا بلابل غردت فوق الاغصان
وكان البعد بيناتنا ماله سيره

خططنا للمستقبل بكل اتقان
تالي طلعت بالحب ماهي قديره

قالو عن الاحسان جزاه احسان
وانا جزى احساني مصايب كثيره

هجر وبعد هم والم فوق نسيان
زائد فراق الما لفاني نظيره

خان العهود ويبتسم ماهو خجلان
يضحك وانا ابكي دموعا غزيره

—-بقلم–رياض العاشق—-