الرئيسية › منتديات › مجلس شؤون العائلة › قصه شاب معاكس
- This topic has 9 ردود, 4 مشاركون, and was last updated قبل 22 سنة، 4 أشهر by
أبو لينا.
-
الكاتبالمشاركات
-
13 أبريل، 2002 الساعة 7:42 ص #9788
كتكوته
مشاركبدأت اصابع تتلاعب بارقام الهاتف .. واذا به يدق احد ارقام الهاتف … واذا بطفل يكلمه
فيقول المعاكس: الوو .. الو .. الووووو
الطفل : الوو .. هلا .. منو انت ؟
المعاكس : كم عمرك ؟
الطفل : 6 سنين …
المعاكس : ماشاء الله .. رجال والله … في احد جنبك قريب ؟؟
الطفل : لا … منو انت ؟
المعاكس : انا عمك …!!
الطفل ( بسعاده غامره ) : هلا عم .. انت .. اللي في السعودية ؟
المعاكس ( بنبرة يملؤهها الملل ) : اي .. اي انا اللي في السعودية….. وين خواتك ؟
الطفل : ماعندي خوات …!!!
المعاكس : طيب منو عندك ؟
الطفل : بس الخدامه ؟
المعاكس : حلوه ؟
الطفل : ويع لا مو حلوه
المعاكس: وين امك؟
الطفل : في الحمام تسبح ..
المعاكس : يالله مع السلامه
ويغلق الهاتف ….
بعد دقائق .. يعيد الاتصال ..
المعاكس : الووو
الطفل : هلا .. منو عمي ؟
المعاكس : اي .. وين امك ؟
الطفل : راحت غرفة النوم ..
المعاكس : شنو لابسه ؟
الطفل : ثوب احمر .. كله ماي ( يعني ممتليء بالماء )
المعاكس : يالله مع السلامه ..
يغلق الهاتف مره اخري …
بعد دقائق ….
المعاكس: الووو …
ابو الطفل : الوو .. نعم .. منو معاي ؟
المعاكس (بنبرة استهزاء ) : اييه يا مسكين … اكيد توك راجع من الدوام؟
ابو الطفل : منو انت .. ومو شغلك راجع والا طالع .. خير شنو تبي ؟
المعاكس : ايه لاتعصب زين .. بس تبي الصراحه عندك خوش زوجه .. والله عرفت تختار .. يا الذيب … جسم وجمال علي كيف كيفك .. تصدق توني نايم معاها .. حتي طلبت منها تلبس الثوب الاحمر ..
ابو الطفل : يا نذل ياقليل الادب .. ويغلق الهاتف .. بغضب
ويركض مسرعا الي الدور العلوي .. الي غرفة النوم .. واذا به يرى .. زوجتهه وعليها الروب الاحمر .. وشعرها مبلل .. وجالسة امام التواليت … فيخطفها .. ويضرب رأسها بالمرايا .. ويشبعها ركلا وضربا .. وهو يقول : اطلعي بره بيتي .. يا (…….)
انت مو كفوا بيت العز والنعمه … وتنظر اليه زوجته بنظرات .. المأخوذه علي أمرها .. لاتعرف ماذا تقول .. ومالذي حل بها .. فتسرع تجمع شتات اغراضها .. مسرعة الي بيت اهلها …
ويجلس ابو الطفل بحيرته .. حائرا .. غاضبا .. لايعلم مالذي فعل ومالذي حل به ..
====================
الجزء الثاني …
=====================
فاصبح في حيرة من أمره .. ما يدري وين يروح .. ولمن يشكي أمره …
لانها غريبة …. استمر علي الحال يومين مايعرف .. طعم الراحة .. وخاصتا انه متعود علي انه اول مايرجع
يذكر كيف كانت حياته سعيدةو
تنقلب بين يوم وليله ؟؟!!
اما المعاكس .. فماعاد يقدر يذوق طعم النوم …
ولا عرف الراحة درب .. كل ما بغي ينام يتحلم بشكل المرأة كما تخيلها بثوب أحمر .. وهي تنظر حقه وتدعي عليه .. وتقول فرقتنا الله يفرق بينك وبين الراحة … ضميره صحي .. وراح للاطباء .. يبي بس ينام .. ولو لساعات بسيطه … ما خلي نوع من الحبوب .. لكن بدون فايده … فراح الي احد المشايخ يشكي الحال …فقاله الشيخ : والله مالك الا انك تعترف للزوج والزوجة لعل وعسي يردون وترتاح انت … !!!!!!!
فقال المعاكس: وانا مستعد .. المهم اني انام .. اعصابي تلفت يا شيخ
الشيخ : خلاص روح واتصل بوالد الطفل وخذ موعد معاه .. وانا مستعد اروح معاك ..
المعاكس : اي والله يا شيخ تكفا لاتخليني …
يروح المعاكس ويخلي واحد من ربعه ويتصل بالزوج… وطلب موعد لرؤيته .. فيساله الزوج: منو انت ؟؟!!!
رفيج المعاكس : راح تعرفني اذا شفتني !
الزوج : مادام هذا طلبك هين .. باجر الغدا عندي ..
يجلس الشيخ مع الزوج والمعاكس … في مجلس بيت الزوج المنكوب
فيبدا الشيخ بكلام .. وباحاديث تحث عن .. الاحسان والمغفرة
وبعدها يتكلم المعاكس : ويخبره بالقصه كلها … فيقوم الزوج ويغلق باب المجلس .. ويضربه ضرب الله لايوريك …
والمعاكس .. يون من الضرب اللي جاه من كل صوب ..
وبعدها يقول الشيخ : يا ابن الحلال .. علشان خاطري خلاص ..
فيجلس الزوج .. وهو يلهث من التعب … ويقول : انا مستعد اني اسامحك لكن بشرط !!!
انك تقول هذا الكلام لزوجتي … حتي تقدر ظرفي … وسبب عصبيتي !!
فيقول المعاكس : والدم علي وجهه …..أنا حاضر .. وكل اللي تبيه يصير …
ويذهبون الي بيت الزوجه … ويجلسون في ديوانية البيت … ويجلس معهم اخوان الزوجة … وبعدها يطلب الزوج حضور زوجته لسماع .. كلام من الشيخ والمعاكس … فتحضر … الي الديوانية .. وهيي تستمع الي المعاكس .. فيقوم الاخوة بضربة من كل صوب … لدهشتهم من وقاحته … وانه كان السبب في هدم بيت اسرة كاملة …
فيفرق الشيخ بينهم … ويستطرد كلامه .. بآيات قرأنية .. وأحاديث لعل وعسي ان يغفرو لهذا الشاب الطائش …
فترد الزوجة .. بعد سكوت الشيخ وانتظار وسماع قولها ..
فتقول : يا شيخ … لايمكن .. ومستحيل أن أرجع الي شخص يضربني ويهددني بالطلاق بمجرد مكالمة طائشة .. هذا يا شيخ يعني انه ليس بيننا ثقة .. ولا استطيع العيش مع شخص لايثق بي .. وتنهض من مجلسها .. وترد الي اخوتها … وتقول : هذا آخر رد عندي لهم
فتخرج……
فبعدها .. لم يهنأ هذا الطائش بنوم ولا هدوء … ولا راحة بال واستقرار حال ….13 أبريل، 2002 الساعة 8:13 ص #365942*صهيل الليل*
مشاركصراحه القصة في قمت الروعه و اتمنى كل الشباب يتعضوا يريت و الله
و الله يهديهم و يهدينا معهم
مشكوره اختي13 أبريل، 2002 الساعة 8:59 ص #365946الغشمرية
مشارككتكوتتنا الحبوبـــــــــة ………..
أشكـــــــــــركِ من صميم قلبــــــي على هذه العبـــــــــــرة …
_______________________________________________________________
13 أبريل، 2002 الساعة 10:40 ص #365960كتكوته
مشاركالله يهدي الجميع
13 أبريل، 2002 الساعة 10:44 ص #365961كتكوته
مشاركالعفو
13 أبريل، 2002 الساعة 11:33 ص #365973أبو لينا
مشاركالسلام عليكم ورحمة الله أختي كتكوتة
شكراً لك على هذه القصة الرائعة والتي تحمل معاني كثيرة
ليت الشباب يتعضون
لكن لمين تتكلم ولمين تقول
يالله مشي حالك وخلها على الله
اللهم أهدي شباب ديننا
لكن على ما أعتقد أنه هالقصة طرحت من قبل في مجالسنا
أبو لينا
13 أبريل، 2002 الساعة 11:35 ص #365974كتكوته
مشاركليتهم يتعضون
واذا كانت هذي القصه قد تم عرضها في المجالس فها قد عرضناها من جديد لكل من لم يرها
ام اني قد اخطأت القول
13 أبريل، 2002 الساعة 3:57 م #366136أبو لينا
مشاركاوكي
أنا آسف أني تدخلت
أعذريني
أبو لينا
14 أبريل، 2002 الساعة 3:06 م #366226كتكوته
مشاركلا اخوي عادي وانا استانس لمداخلاتك
14 أبريل، 2002 الساعة 3:11 م #366228أبو لينا
مشاركأوكي
أشكرك
أبو لينا
-
الكاتبالمشاركات
- يجب تسجيل الدخول للرد على هذا الموضوع.