- This topic has رديّن, مشاركَين, and was last updated قبل 16 سنة، 5 أشهر by
.
-
المشاركات
-
يبه شلونك…
ملل هالــكــون من دونك ..
يبه شلونك ؟؟
وتمضي رحلة الدنيا ..
بليا طلة عيونك..؟؟!!
يبه شلونك ؟؟
وشلون المرض وياك ؟؟
بعد ماهدك بدنياك .. عساها تغمض جفونك ؟؟
تبي تدري عن احبابك ؟؟ عن عيون تغنا بك ؟؟
عن قلوب دفنها الشوق .. واذا جاها الغفا جابك ؟؟ ..
يبه امي تتخيلك دايم … تغني لك مع القمرا ..
يبه واللي خذاك بيوم … عسا ياخذني معك بكرا ..
خذا .. ويا ما خذا .. ويا ما.. خذا ناس يحبونك !!
يبه حنا صرنا كبار .. توفقنا وتخرجنا ..
يبه ما عاد فيه صغار ..
يموج بهالزمن كل شي .. وحنا ما تموجنا ..
على ذاك العهد نسري..
نبيع العمر والدنيا .. ولا تخلف بنا ظنونك ….
يبه شلونك ؟؟ تبي تدري عن اخباري ؟؟
عن افكاري وتذكاري ؟؟
اشيل بداخلي جمره .. وبعيون الحزن عبره .. تغرقني .. وتحرقني ..
اشوفك نجمة الدنيا .. تراعيني .. واراعيها ..
واشوفك للرجوله اسم .. اذا شد الزمن تقسى ..
واحلم من معاني الحلم .. احسك مقبل بكرا .. وعيا لا يجي بكرا !!
يبه تذكر زمان مر ؟؟
يبه تذكر مجالسنا ؟
وشوارعنا ومسجدنا ؟
يبه تذكر هدايا العيد ؟
وصلاة العيد ؟ وبشت العيد ؟
يبه تذكر سوالفنا ؟
لاجل هذا ..
وكل هذا ..
اقول اليوم يا يابه ..
ملل هالكون من دونك !!…
يبه وينك ؟؟ …
ولهت لنظره من عينك ….
يبه وينك ؟؟
اشوفه طوّل غيابك !! … و من ودّاك …. ما جابك !!
قالوا ما يدوم الزين !! … و انا عندي امل للحين ..
ولكني اعرفك وين !!
يبه وينك ؟؟
عسى الداعي يبه بس خير ؟!!
عساك بخير …. مداين تكرم لعينك …
بس ارجوك علمني …
علمني .. يبه وينك ؟؟
سألت امي عن رجوعك … ولكني اعرفك وين !!
و قالت .. ما يدوم الزين !! … و انا .. عندي امل للحين ..
في رجوعك !! ….
يبه بس تكفى علمني ….
متى رجوعك ؟؟ ….
يبه بس تكفى علمني ….
وش احلى من طلوع اثنين ؟؟
طلوع الشمس …. و طلوعك !!!
يبه وينك ؟؟
سألت امي …… غيابك طال ؟؟
ولكنّي اعرفك وين !!
و قالت مثل ما قالت ..
حسافه … ما يدوم الزين …
مع كل هذا صدقني .. انا عندي امل للحين !!
سؤالي عنك يالوالد .. صار كما الموال
و اشوفه طال … والله طال ..
حزين .. بلحنه وحروفه … يخاف .. يموت من خوفه …
وقلبي كان اقوى قلب … ضعف .. من قسوة ظروفه ..
يبه ..
ارجوك علمني …
تشوف اللي انا اشوفه ؟؟
انا اشوفك نهار وليل …
في وسط المجلس تصلي .. و تدعي الرب ييسر لي ..
يبه ..
ما عاد فيني حيل .. وين الحيل ؟؟
و انا اشوفك نهار وليل .. مع اني ادري ما ترجع !!
غريبه .. بعدها تدمع .. عيوني من هموم البين !! ….
و ادريبه مكانك وين !! … مع َ هذا .. ارد و اسأل !!
يبه …. وينك ؟؟
و لكني اعرفك وين !!
شبكت العشر في غيابك …
على راس ٍ كساه الشيب .. و من وداك … ما جابك ..
و لا ادري وش يخبي الغيب !! …
وجرح ٍ عذب احبابك ….
يبه .. عيّا يخف و يطيب !!
يبه .. كل جرحٍ في هالدنيا .. مصيره بالدوا يلتم …
ولكن البلا من جرح ..
نزف فرقاك … بليّا دم !! …
و هذا الفرق في جرحي … عجز يلقا الدوا دكتور .. انا جرحي غريب الطور !!!
ينزف … بس بليّا دم .. وزاد الهم فوق الهم … ودام انك يبه غايب …
جروح الغيبه ما تـلتم ..
بس عندي امل للحين !! … و لكنّي اعرفك وين !!
يبه ..
ذكراك تفرحني …. في نفس الوقت تجرحني !! …
لا من جيت في طاريك … دموعي غصب تفضحني ….
يبه .. تتذكر ليالي الصيف ؟؟
عرس هالحي .. و رقص السيف ؟؟
و كرم قلبك معَ هـالناس .. انٍ كان في بيتك ضيف ..
الا يا حيف …. الا يا حيف ..
زمن قاسي .. زمن قاسي …
اخذ مني بلا رحمه … اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !!
يبه وينك ؟؟
يبه وينك ؟؟…
تعال و شوف …
كبرنا مثل ما تمنيت …
درسنا كل ما حبيت ..
نصلي مثل ما وصيت ..
و يدعيلك كل البيت ..
يبه وينك ؟؟
تعال و شوف .. صحيح الدنيا ما ترحم ..
تجرعنا التعب انواع … و لكن الأمل ما ضاع ..
و انا عندي امل للحين !! … و لكني اعرفك وين !!
يبه سامحني بترخّص … قبل ينشف حبر الأقلام ..
كلامي بعده ما خلّص ..
و لكن موعد الأحلام .. حان .. حان .. حان ..
ولازم اوفيله.. بعد ما ضاعت الحيله ..
اشوفك والوعد باجر !!
اذا فكّر يجي باجر ..!! .. و برجع اسألك وينك !!
بس لازم تجاوبني ..
ترى عندي امل للحين !! .. و لكني اعرفك وين ..!!
يبه شلونك ؟
ملل هالكون من دونك !!…
يبه شلونك ؟
وتمضي رحلة الدنيا … بليا طلة عيونك !!
لاجل هذا … وكل هذا … اقول اليوم يا يابه..
ملل هالكون من دونك ..
ملل هالكون من دونك ..
ملل هالكون من دونك ..
ما أصعب فقدان الأب
فقدان عطفه وحنانه
فعلاً ملل هالكون من دونه
حروفك نبشت جرح ،، كنت أعتقد بأنه قد إندمل ،
وقلمك الشاكي ،،
حروفك أدمعت العين ،، ومزقت القلب إرباً ،،
أسعد الله أيامك وفرح قلبك ،
تقبل تحياتي وودي
،
،/
انهار الامل
- يجب تسجيل الدخول للرد على هذا الموضوع.