التاريخ : يوم اسود مش فايت
المكان : مكتب خالد براءة المحامى
بند تمهيدى : يقر الطرفان انهما فى غير كامل وعيهما وانهما واقعان تحت سيطرة الشهوة وكلام العيال اصحابهم وانهما غير واثقين فى صحة قواهما العقلية يعنى من الاخر الضياع مش فارق معاهم
بند 1 : يعتبر العقد بمثابة ورقة لا اهمية لها اطلاقا لانها من الاساس على سبيل الاشتغالة ” ومن باب الضحك على الدقون ” ” عديها الناس لبعضيها “

بند 2 مصير هذة الورقة هو التمزيق حيث انة من المرجح ان يتشاجر الطرفين قريبا جدا وسو يتنازعان امام المحكمة قريبا جدا على وجود هذة الورقة من الاساس

الطرف الاول :
بنوتة امورة مضحوك عليها
او مبسوطة من الضحك عليها

الطرف الثانى:

شاب طيب خالص بيحب يتسلى
او يلعب ببنات الناس

اتفق الطرف الاول ” البنوتة الامورة ” على ان تعيش مع الطرف الثانى ” الشاب الطيب ” ولو مافيش شقة يعنى الطرف الثانى فلوسة مقصرة حبتين ولم يجد شقة مناسبة هتبقى ساعتين كل ما الظروف تسمح وهى اتفقت على ذلك وهى سرحانة فى كلام الحب والوعود ولا تدرى الفرق بين الليا والنهار وواثقة 24 قيراط من الطرف الثانى ” ايوة طبعا واثقة فى الشاب الطيب الى بيعلب ببنات الناس ” والطرف الثانى اشترى خاتم ذهب بتحويشة العمر التى كان يتدخرها من المصروف اليومى الذى يتقاضاة من بابا نظير اقامتة فى منزل بابا ونظير انو ابنة وكمان بعد ان وافق الطرفين قام الاصدقاء بعمل زفة محترمة للطرفين لما كانوا على البحر من بابا الاشهار بردو …….
واتفق الطرفات على انهما لن يلجأ للمحكمة فى حال انهما اتخنقا من العلاقة والعيشة بقت زفت بل سيخرجان بالعرفى كما دخلا بالعرفى وقد تعهد الشاب الطيب امام الشهود بان دفنة الطرف الاول وخرجتة على نفقتة الخاصة وسوف تليق بها وذلك عندما يعلم اهلها بامر هذا العقد يتولها ابوها بالسكينة الحامية او تبقى زى هنادى وياخذها الوبا وبالطبع فان الطرفين متفقين على نتاج هذه العلاقة مصيرها الاجهاض السريع ومش طالبة صداع ولو مالحقوش يبقى هيترمى فى الشارع امام اى جامع زى القيلم بتاع فيروز و انور وجدى
وتعهد الطرف الثانى انة يسلم مصروفة كامللا للطرف الاول دون ان يخصم مليما منة وتعهد انة سوف يتحيل على بابا حتى يزود المصروف بحجة انة هياخد كورسات ” كدبة بيضة”

شاهد اول
أحمد مزجنجى
وقعت وانا عامل دماغ

شاهد ثانى :
قرنى المتولى
ومالة يا عم بكرة يشهد ولى العهد على عقدى

مكتب : خالد براءة المحامى
زواج عرفى ــــ اثبات نسب __ اجبلك الواد لو غطسان فى البحر ـــ معمل تحليل DNA

الطرف الاول :
واحد اهبل

الطرف الثانى :
واحد اهبل منة