آخر مآكتبت…آضعه بين ايديكم…لعله يرتقي لذآئقتكم…

تـدرون ليـه أكتـب قصايـد حزينـه
لأني عرفت ان البشر ( غير وافي ) !!
النـاس لـو فيهـا رجاجيـل زيـنـه
تلقى بها بعـض الرجـال الضعافـي
بعـض الحبـال القاسيـات المتيـنـه
لو تحتزم به مـا رجيـت العوافـي !
لا مـدّ لـك بعـض الرفاقـه يمينـه
لا قدمّك خطوه .. رجع بـك خلافـي
صـار الوفـاء مثـل القبـور بمدينـه
في عولمة .. دفن الزمـان الخرافـي!
خـلاص انـا كلـي جـروح ٍ دفينـه
أعيـش بالعالـم واحـس ارتجـافـي
أنسـان بيـن احسـاس قلبـي وعينـه
و آخر حقيقه فـي نهايـة مطااافـي !
بأوفـي لنفسـي .. والعبـاره حزينـه
عجزت الاقي بالزمن شخص وافي !!

00000000000000000000000000000000000000000000000000 0000000000000000000000

بآخر خيوط الليـل .. تدفـن تفاصيـل
يوم الوداع.. اللـي خـذا العمـر كلـه
وبأول ضفاف الشوق .. وقّف بي الحيل
كني شربت من اخطـر السـم .. دلـه
تايه .. وحيد .. وبسمة اشفـاي تمثيـل
مصدوم .. عفت الحب .. دقّـه وجلـه
راحل مع الديجور .. والحزن .. والويل
وكلي ضياع .. وسيف هجـري يسلـه
وده .. ولا وده .. بقطـع المواصـيـل
ودي .. ولا ودي .. مفـارق محـلـه
حزني على دربي .. يجـر المواويـل
وهجره على دربـه .. يطـول و يتلـه
الحزن ليل .. وشوف الاحبـاب قنديـل
والهجر لغز .. وعلقم الصبـر .. حلـه
يا صبح .. دام الخيـر معقـود بالخيـل
والناس سبت .. وجمعة الليل .. زلة!!!
يا صبح لطفا ً .. فـي يـدي المناديـل
والرمش سجن .. وجفن عيني .. مظله
يا صبح لطفا ً .. تنسف الحزن والليـل
قبل اطلـق الدمـع بعيونـي.. واهلـه
ولأجل الوفاء قله .. قبل دمعـي يسيـل
يا صبح لطفا ً .. يا ابيض الوجه .. قله
اليا انتثر .. يبشـر بقطـع المواصيـل
دمعة فـراق .. ولا انتظـار .. ومذلـه

00000000000000000000000000000000000000000000000000 0000000000000000000000
اختر من الجوال .. ( فتـح الرسايـل )
واختر بعد ذلك .. ( رسالـة قصيـره )
واكتب ما اقول .. ومعك رقم الموبايـل
ارسل عليـه اول .. وبعديـن غيـره!!
كم لي!! وانـا مشتـاق لفيـاض حايـل
لا فـاح فيهـا .. القحويـان بعبـيـره
ابـذل علـى نسمـة هواهـا الوسايـل
في غربة ٍ .. صـارت عليّـه خطيـره
سادس سنة .. فرقـى وبعـد وهوايـل
واللي حصل بأيامهـا .. اشيـاء مثيـره
ضيعّت في مبـدا السنيـن .. الدلايـل
و ضيعّت بآخرة السنيـن .. البصيـره
بالعـام الاول مـن رحيلـي.. تمـايـل
في جسر.. لحظات الوصـال الكثيـره
كـان يتماسـك.. بالشهـور الاوايــل
حتى انحدر .. واقوى الدعايـم فقيـره!
وكنت متماسك .. مـا لحقنـي زمايـل
وأتلمـس اخبـار البلـد.. والعشـيـره
كريـم لفراقـي.. وازيــد الجمـايـل
لان الوصل.. يعكـس فراقـي مسيـره
مرت ثلاث شهور.. والوصـل زايـل
والوقـت.. يدفـع للمواصـل بشـيـره
ويوم الوصال.. وتحت شمـس القوايـل
هلّت علـي.. اعنـف مصيبـة كبيـره
اعنف مصيبة.. مـا احتوتهـا فصايـل
فجأة!! بـلا تقديـم .. هلّـت غزيـره
لـو بيّـن بوجـه الطليـب.. الفضايـل
مـا ردّ .. صيحـات النذيـر لنـذيـره
مصيبـة ٍ .. هـدّت حميـد الخصايـل
والصدق ميّت .. والوفـاء جـف بيـره
مصيبـة ٍ .. منهـا تضيـق القبـايـل
ومنهـا .. يضيقـون الوجيـه السفيـره
ومنها .. بقـى لـي بالزمـان القلايـل
لكـن تلاشـوا .. بالجمـوع الغفـيـره
ومنها .. خسرت اوفى اصدقاي الاصايل
اللـي علـى يديـه .. وقفـة جديـره
يقدر على الوقفة.. وخـوض النزايـل
لكن تخاذل.. والخبر طـار طيـره!!!!!
اقفـى.. وهـو حولـه تثـار الجدايـل
وبالصمت زاد الامر .. شـك ٍ وحيـره
وقفّت .. ولسانـي مـن الجـرح قايـل
يا الله .. عسى في تالي الامـر خيـره
وما دام حلمي ضاع .. غـدر وتحايـل
وسبب قهـر .. يكفـي ثمانيـن ديـره
صديت في صمتي .. لو املـك فعايـل
صدة .. عزيز ٍ عاف حاجـة صغيـره
ما اطلب حقوقي .. في زمان الرذايـل
ولا اسعى ورى شـي ٍ تبـدّل مصيـره
ولأنـي .. حقـرت الناكريـن الذلايـل
بأرحل .. ولو عينـي ظـلام وسهيـره
اوجس من الغربة .. واشـد الرحايـل
وامشي وانا الرحلة .. حزن قمطريـره
وفي غربة الغربة .. تمـوت الهزايـل
والحزن .. سيفه جـرده مـن جفيـره
يعمل علـى كيفـه .. جميـع العمايـل
كاسه من ضلوعي .. ودمـي عصيـره
يدري.. وش اللي داخل القلـب شايـل
ردة فعل صدمة .. وقصـة .. وسيـره
صار النديـم اللـي.. وصالـه نفايـل
دايم .. وانا اسبح فـي بحـره وغديـره
ريشة قلم شعري .. بها الحـزن سايـل
يسكب من احزاني .. قصايـد شهيـره

:

فارقت نفسي .. في كتـاب المسايـل
وتحديد بالصفحة .. ما قبل الاخيره!!
فيها .. كتبت ابيـات شعـر ومثايـل
بأقول منها .. بعض الاشياء المنيـره
العمـر رحلـة .. والبنـادم سلايـل
والطيب .. يبغى له مواقـف عسيـره
والكذب خيبـة .. والخيانـة رذايـل
تبدأ شرار .. وتحرق اكبـر جزيـره
والشعر وهبة .. واكثر الناس عايـل
والمشكلة .. بعض البيـوت الكسيـره
وقوة غموض الحرف .. مبدأ الجزايل
لا صار من سبك .. العقول الخبيـره
وانـا لـو انـي للتفاصيـل قـايـل
كان اختلف .. قول الشوير لشويـره
احد ٍ .. يحسب انه على القصد طايل
واحد ٍ .. وقف لأجل الملك والاميـره
ومسك الختام .. وبأختتـام الرسايـل
بيت ٍ نسجته .. من تجـارب وفيـره
ما كل شـي ٍ .. لـه مثيـل وبدايـل
ولا كل شخص ٍ .. يفهم احساس غيره

00000000000000000000000000000000000000000000000000 000000000000000000000

يا اغلى بشر .. واسمك مع الدم جـاري
انت الوفاء؟ .. والا الوفاء .. من عيوبك؟
ليت الغيـاب .. يكـون شـي اختيـاري
و ا شطب على غيابك .. واعانق هبوبك
ليته .. ماكان امر .. وغياب اظطـراري
يفرض رحيلـك .. للظـلام .. وهروبـك
لحظة .. قبل ترحل .. ويرحـل نهـاري
عندي كلام .. ونظـرة العيـن صوبـك
ما دمت راحل .. والسبب ظرف طـاري
قلبـي معـاك .. وسهّـل الله دروبــك
ودي معاك ارحـل .. مسـارك مسـاري
لكن .. كذا حكـم الغيـاب .. وغيوبـك
ارحل .. وانا بأبقى .. واعيش انتظـاري
واهمس .. متى ترجع لعيـن امحبوبـك؟
بالـك .. تكـدر خاطـرك .. بأعتـذاري
ولا تذرف ادموعك .. ولا تشـق ثوبـك
لا تعتـذر .. لأنــي بالاسـبـاب داري
وارجوك من عذرك .. تنفّـض جيوبـك
أمنـتـك الله .. لا تـكـون انتـحـاري
خلّك على دوبك .. ودوبـك .. ودوبـك
بأبقى على عهدك .. واعيش انتصـاري
وآقدّر اظروفـك .. واخـوض بحروبـك
وانزف وفاء .. وآقف علـى بـاب داري
عيني على شروقك .. واسامر غروبك!!
ودامك .. على باب الرحيل .. اظطراري
قلبـي معـاك .. وسهّـل الله دروبــك

وسلأمتكـم ولآهنتمـ وابي ردودكم يألربع

يعني اذا مآعليكم امر