- This topic has 7 ردود, 5 مشاركون, and was last updated قبل 16 سنة، 7 أشهر by
.
-
المشاركات
-
خيطي.. ميطي..
بقلم/ دبّـــور
هادا يقول ايوا.. وهادا يقول لا.. وهادا يفتي بالحرمة.. وهذا يفتي بالجواز..
وطبعا غير الناس اللي قاعدة تتفرج لا مع هادول ولا مع دولاك.. يعني مع اللي يفوز في الآخر.. معاهم معاهم عليهم عليهم..
يالهوي..
كأني شايف هادا الفيلم امبارح..
اتنين يالهوي..
معقولة كل يوم أنا أشوف هادا الفيلم..
ثلاثة يالهوي وحتة..
ياناس ايش الحكاية.. معقولة جماعتنا سايبين كل الهروج وما عندهم غير هادي الهرجة..في اليوم الخامس.. خلاص جاتني هادي العدوى.. ما قدرت اقاوم هادا المرض بصراحة..
وانا جالس مع بشكة شباب.. طبعا اغلبهم من المتزوجين..
قلت ياجماعة ايش حكاية سواقة الحرمة هادي اللي ننام ونصحى عليها.. معقولة الموضوع هادا معقد لهادي الدرجة يعني.. يمكن يكون (سواقة الحرمة) هادي اسم قنبلة ذرية نبغى نخترعها ونصير من الدول النووية؟!طبعا سيرة وانفتحت.. الجماعة ما صدقوا يبغوا يطبخوا زيهم زي غيرهم..
وخذ ياصاحبي من اللت والعجن.. هادا يحرم.. وهادا أبو شخصية قوية يقول ما اخلي حرمتي تسوق على جثتي (وصاحبنا شغال عند حرمتو حنطور).. وهادا يقولك محنا ناقصين فساد وهوا (الفساد نفسه).. وخذ يا خرابيط..في هادا الوقت وكل واحد فيهم مسوي فيها (أبوالعرّيف) سرحت شوية ورجعت زاكرتي لورا..
اتزكرت جماعتنا في كل شي يدخل جديد ايش يسووا..
لمن دخل التلفزيون.. صاحبنا جهيمان احتل الحرم.. وسوّى اللي ما يتسوّى.. وفي النهاية برضو دخل التلفزيون..
ولمن دخل الدش (الستلايت).. برضو جماعتنا سووا غلبة وقاموا وقعدوا.. ودحين مافي بيت وما فيه دش..
ولمن دخل الجوال أبو كاميرا.. حدث ولا حرج.. طاخ طيخ طوخ.. وكله على فاشوش.. واللي كان معترض على الكاميرا معاه دحين جوال أبو كاميرتين..
مادري ليش جماعتنا كل ما جا شي قالوا وعادوا.. وفي النهاية.. اللي كان ما يبغى هادا الشي.. هوا اول واحد يستخدمه..
ارجع واقول.. اللي اليوم قاعدين يقولوا ويعيدوا ومعترضين.. مدام الشي حاصل حاصل وراح تسويه اليوم ولا بكره ليش هادي البعبعة اللي ما تودي ولا تجيب؟؟
بدال ما نطحن ونعجن في كلام فاضي ياجماعة.. خلونا ناخد المسألة بجد.. فكروا في الفايدة اللي راح نستفيدها من هادي المسألة..
لا يكون دايما تفكيرنا في الشي السيء.. وننسى حسنات الشي..
مادري ليش دايما نقدم حكاية الضرر على المصلحة..
يعني لمتى راح نقعد على هادا الحال؟!
الناس سبقونا في كل شي.. واحنا برضنا قاعدين نلت ونعجن.. وألين ما نقرر.. نلاقي غيرنا دخل في اختراع جديد..
يالهوي على عقولنا.. زي مكاين الديزل.. عبال ما تسخن.. يكون الناس وصلوا بيوتهم.. واحنا ما تحركنا من مكاننا..
تحياتي عزيزي الفاضل / أبو الدبابير
طنينك جميل وروايتك رائعه
أخي الفاضل لو قيادة المراة للسيارة هي الفساد لكــنّا بألف خير ونعمه ,, لأنــه فساد محمود ( عذرا لا أفتي ولا يوجد هناك فساد محمود وفساد مذموم) … على العموم أصــبح هذا الموضوع-على ما أعتقد – قد حسم أمره ومن تتــربّى على الفضيلة والأخــلاق لا تفسدها قيادة سيارة أو غيرها…
تحياتي المشتاقة لك..
°ˆ~*¤®§(* أخووكم …نوور البدر *)§®¤*~ˆ°
سبحان ربي العظيم،،،
اعتقد اكتر وقت لابد للمرأه فيه من قيادة السياره هو الان، نظرا لان ظروف الدراسه وخلافه ترغمها على الخروج من البيت ، ولا يعقل ان محرم سيصحبها في كل خروج من البيت ( وياريت يُعقل هدا )
فقيادة المرأه للسياره اكثر امانا واعتقد افضل من جهة الشرع، لانه لا يصح سيارة الاجره ركوبها مع سائق ليس بمحرم، فضلا عن المخاطر.
والموصلااات العامه وما ادراك ما الموصلااااااااات العاااااامه ( منظمة البهدله العالميه للمراه ) لا تستطيع امراه ركوبها او تحملها الا من قدر الله لها.
انا مع قيادة السياره للمرأه مائه في المائه ( هدا إن كان لا يوجد بها أثم من الناحيه الشريعه، لاني لا اعلم )
بس هو مين بيتكلم عن قيادة المراه للسياره. ما سمعت عن هدا الموضوع
احم احم ( الفاضي يعمل قاااااااااضي ).
تسلم يا دبور ع الموضوع
بس هو يعني ايه خيطي ميطي ..؟؟
بارك الله فيك
نوور البدر
أعتقد بأن طريقتك في التفكير تختلف عن جماعتنا ياصاحبي..
فمسألة تقديم الضرر لدينا هي مسألة تؤرق الجميع.. مع أن هناك الكثير ممن أجازها شرعاً واستدل بأن الصحابيات كن يركبن الدواب.. ولكن فيما يبدو بأننا نسير عكس التيار.. ليس لشيء.. ولكن فقط لنظهر بأن هذه المسألة هي مسألة عظيمة وجسيمة وقد حللناها بشق الأنفس
مرورك اسعدني نوور وفيما يبدو بأن طائرتك تأخرت كثيراً
جنات الأمل
اختصرت علي الرد لأنك تحدثت في صلب الموضوع..
وبالتأكيد انك ما تسمعيش عن قيادة المرأة لأنها مشكلتنا عزيزتي.. وهي من أكبر المشاكل على وجه الأرض
احنا بننام ونصحى على هيدا الحكي..وبالمناسبة (خيطي ميطي) بنفس معنى (اللت والعجن) أو (القيل والقال) ولكن باللهجة الحجازية.. لأنه جماعتنا يحبوا الطبيخ والنفيخ والمعارضة في أي شي وفي النهاية من كان يعارض بالأمس هو أول المتسلقين اليوم..
وعلى فكرة هؤلاء الناس يحسبون أن الشعب جميعه لا يريد.. ولو نظرت إلى أرض الواقع لوجدت بأن هناك الكثير ممن يريد.. ولكن لا يظهر صوتهم لاعتبارات سياسية غالباً.. وسوف نرى ذلك عندما يسمح بقيادة المرأة كم من النساء سوف يقدن.. وما حصل في عيد الفطر الماضي لهو أكبر دليل عندما رفع أكثر من ألف رجل وامرأة برقية إلى الملك عبدالله يطالبون بالسماح بقيادة المرأة.. ومثلهم في عيد الأضحى المبارك..
مرورك اسعدني..
دبوووووور “حاسب! بف باف” 
ارجع ارجع امزح هههههههه
إقتباس الرد:”ubbcode-body”>يالهوي على عقولنا.
فعلا يا لهوي على عقولكم صراحة السعوديين من اغرب خلق الله. يحطوا لحريمهم وبناتهم سواق هندي طول الوقت معاهن يعني طول الوقت مع رجل غير محرم ويقولوا أصله هندي وكأنه الهندي مخلوق غير عن بقية الرجال . ماهو رجل حاله حال بقية الرجال يعني جات على الجنسية يمكن واحد سعودي يروح يعيش في الهند ويجي بجنسية هندية بدون ما يعرفوا أصله عادي بيشغلوه سائق لحريمهم لكن إذا عرفوا انه سعودي راااح فيها – ولله في خلقه شؤون- ولما جابوا لهم فكرة انه أحسن للمرأة إنها تقود سيارتها بنفسها قالوا لا وألف لا إحنا ما عندنا حريم تسوق ووووو ولت وعجن. طيب انتوا شوفوا الدول الثانية مثلا بلدنا إحنا عمان المرأة تشتغل في كل المجالات وتسوق وتروح وتجي شو صار علينا يعني؟ الفساد لما يجي ما يجي من الشغل والسواقة ، الفساد يجي من الشخص نفسه من التربية من ضعف الوازع الدين يعني في السعودية رغم التشدد على حبس النساء في البيوت وانهن ما يشتغلن وكذا وكذا ولكن تحصل فيه فساد أخلاقي يعني أنا مرة سمعت شريط محاضرة دينية يتكلم تقريبا عن الفساد الأخلاقي وهو سعودي بصراحة تفاجات من الكلام اللي قاله عن الانحلال الأخلاقي اللي صاير في السعودية ودهشت من الإحصائيات والأرقام يقول لك تقريبا عدد اللقطاء في المنطقة الشرقية في احد السنوات وصل 5000 لقيط في سنة وحدة استغربت صراحة وقلت كيف صار هذا على كثرة تشدد السعوديين وتغطي وتغطي ولا تشتغلي وحبس وحبس ” جات على بالي عبارة الكبت يولد الانفجار ” فعلا إن الكبت يولد الانفجار وهذا اللي صاير في السعودية كبت وكبت وحرام وحرام حتى السواقة؟ ولما تسال ليش يقولوا الدين والدين . الدين لما جاء جاء دين يسر “يسروا ولا تعسروا” (لو كنت فضا غليظ القلب لنفضوا من حولك)
- يجب تسجيل الدخول للرد على هذا الموضوع.