هذه احده القاصائد الى جنوب السودان
الـــســـــــــلام

السلام حُلمنا الأول والأخير ودائماً حديثنا اليومـــية
دى السلام تم ولحرب الجنوب أوقف وخــتو النيــة
الله يرحمك يا زبير رجل السلام الختى ليها البنيـــة
وخشيت للتمرد في الغابة بدون حرس أو شروط رسمية
سياستك وتواضعك جد خلاهم يؤمنوا ويقـدمو هـــدية
يقدموا هدية للسودان وينهـو الحرب الماعليهو الـــدية
سلام عليك يا زبير خليت للسودان بصماتك الدهــبية
تاريخك مدون بالســلام والكرم وشجاعتك الوطنـــيـة
وخلفك علي عثمان الفوق دريبك سار وبي خطط فنية
وراية السلام أخــذا وأتعهّــد يـروح عشانا ضحـية
وبعد صبرا طويل بنيفـــاشا وجـــاب الزهور ورديــة
ووقع للسلام مالكــل بحلم بيهو يشوف ثمارو طريـة
ووفرو للبلاد ملايين النقود ويبنوا بيهو بنيتا التحتية
دي الانغاذ صدق في وعــدو وجاب الســـلام ورديــة
وأتوحد الســـودان وصبح بلد صناعي مية فوق المـية
بعدما كان بلد نامي والحين عنوان للتنميــة الكلــية
وبترولنا أندفق وحيكفي ويفيض لي شعبنا الأصليـــة
وكوفي عنان حسد سودانا وسلامنا وطلع للقرار علنيـة
وينفذ في سياسة الغرب وينسي العهود وقرارا غبيــة
أظن ما سمع للزول البفجر نفسو جوى الدبابة فديـة
وأظــن ما قرئ التــاريخ ويتعظ بي عبرتا المعــنيــة
وأظـن قائل الوطن هــامل ويستسلم للغرب مــتنيــة
دى البشير قائدنا وحلف للعدو لحماية امتنا الأبــية
ونفديك ياسودانا ودائما وأبداً بالجهــاد مــحمــيـــة
وجاهزين لي حمايتو قَسّم وأمام أعدانا بنقيف ردميـة

وضاح

لمـــا الحنين ملك الفؤاد ما أنا نفسي أصلاً بتشبــهِك
وأنا أصلي من زمنا طــويل على من ســواكي أفضلـِـك
التقت النفوس من غير وعد والــريدة عنوان بي رضاكِ
قالو الصدفة أخير من الف وعد وانا مرادي مرة أصدفِك
بادر الهموم وشلتي الحزن والآهة من راشي الله بينصِرك
يا حلوة يا وافية للعهد البينا وصنتها من ضمن وعـــدِك
يا غالية يا اغلى من روحي الفيا وريني كيف أنا أوصفِك
دي الوصفة ذاتها فقدت معانيها محتارة عشان ما تنصفِك
شفت الجمال بكل موازينا من غير نقاص مجتمعة عندِك
مانت أصلا هدفي الوحيد ي لي حياتك أنا عايز أقاســمِك
دى القسمة شايفو جايبك علي وقاومي الظروف عشان ما أحصلـِـك
وكلما كتبت شوقي بتزيد وحتى اليراع اصبح يصيح لما أوصفِك
وحتى المداد أسعارا في اسواقا زادت وانعدم قبل ماتحـــتواكِ
وأيدي التقول شايفــــاك هنا يرمي اليراع ويمدها لتصافــحِك
مالاييد رجعت محرجة من دون تصافح واتاري كان متخيلِك
وحتى القليب غلبا اليفرق بين الحقيقة والخيال لما هـــــواكِ
وحتى العيون حلفت ما تشوف لي أي واحدة بعدما رآآآآآكِ
وحتى اللسان صامت عن الكلام وفطورا حتكون يوم لقـــاكِ
وكل الأحاسيس والشعور رفضت تعبر للدواخل لما اشتــهاكِ
وكلما تطول زمن اللقا والمواعيد في نفسي بترفعي مســــتواكِ
وكلما تكتري من اللقــــا لي قليبي حــتزيدي من هـــــواكِ
يارب متين حتكوني معاـــي وأنا مـا علي فيمنة ســــــواكِ
وجزاكي عندي مقيمة وفوق رموش عيني أشيلك يي جــزاكِ
وبقيت ما اصدق لي فلان لما يقول بي وحدي كان مشــبهكِ
لأني عارفك فــريدة من نوعك تماما أما البقية بــــي وراكِ

القسمة

الواحدي بعشقوها مية ما معروف الحــظ لي مـــين
قسمة زول ما بشيلو التاني مهما كان اعرفو الحيــن
الزول للقسمة ما دائر يرضي بس نسكتلو مجبوريـــن
صحب القسمة اخذ لنصيبو وين حيروح تسع وتسعين
مالخاذوق في وحدي جميلا تاني يتلمو متســـابقـــين
والحرب الشديد حتقوم بيناتم وصحب الحظ بيجيهو يقــين
يا أخوانا السماحة هي قسمة بنوت حــوة هن مقــتنعات
ورغم القســــمة بنوت حـــوة في بعضـــم متغــايرات
والله النصيب من الله مكتوب فــــوق كـــل جـــبين
ورغم القســـمة ورغم الحظ كل خلق الله مـــتنازعين
شان كدى يالشبـــاب عيشو حياتكم متــصــــارحين
صارح أخـــوك واعرف ســـرو ولا تصبحو مطاقشين
قول ليهو اخــــذ ياسمــين وخلي ليا بس نســــرين
وان منشل على نســــرين بـــــادلني بي ياســــمين
في الونســـــة بتعــرفو الحاصل قـــبال ما تختو العين
شان كـــدى يالشباب من غيركم اخذو العبرة معتبرين
ولي نفسك كان بتدور السمحة لاخوك دورا تجيك الزين
وان كان درت لاخـــوك الضرة وأكيد حـتجيك الشـــين
كم كــم راحو من الأيد والفــــــرقة مصيرم الاثـــنيــــن
هي ذاتا بتــتبكى شانك انت إيــــه الفائدة من الندمـين
والعـــشـــق الشديد بودر سيــدو دية رسالة للعاشقيـــن
مع خالص حبي لكم