سؤال محرج !!
أمممم بس تقدر تقول إن الأمور مرت بسلام وكملت الدراسة بعد الثانوية العامة

امنيات الطالب!!!

ام اثـــــــي

لرؤية أفضل لهذه القصيدة يمكنكم الضغط على هذه الوصلة..وشكرا لكم اخت ام اثير

تحياتي ..طلال

شو اسوي كذا طلع عندكم بس عندي انا واضح

ام اثـــــــير

صراحة ذكرتنا بالزي مزى

كنت صراحة ايام زمان عاد كل يوم اشغل الموسيقى الصاخبة الخاصة وعلشان موه علشان شوية سندويكة من اختي وهي تتعلم في محو الامية في نفس المدرسة وكل يووووووووووووووووووووم على هذا المنوال بس الحين كبرنا على هذا الشي

مع التحية

نـــــــــــــــــــــــــــــسمة

لحظه ام اثير اروح اجيب النظارة.والله العظيم امزح

والله وكانت ايام مره صارمعاي في الصف الثاني الأبتدائي كانت المعلمة تشرح لنا رياضيات وكنت اكره هذي المادة وما حد عارف يجاوب غير قلة المهم للحصة القادمة طلبت مني المعلمة عصا طلعت ودورت وما حصلت وكان فيه بناء فالمرسة وجبت بيب يعني انبوب بلاستيكي بس كان اخواني ثقيل المهم شليته وتوقعوا ايش صار ضربتني اول وحدة ويدي تحارقن الله يسامح ابله زينب ويدخلك الجنة لأني اتوقع انها ميته
…………………………………..
وموقف صار معاي لما كنت فاول اعدادي اظن فمادة التاريخ وكانت الحصة مخلصة وكانت لحمة طالعة بالقرب من اظافري وجلست اشيلها وانا مندمجة والله تصدقوا يعور المهم شلتها وصرخت بأعلى صوتي والكل كان يسولف لما سمعوا صراخي توقفوا سألتني المعلمة ايش هناك قلتلها لي صار زين ما هاوشتني اصلا هي ما تنازعني تدروا ليش لأني كنت اجيب الدرجة النهائية وشاطرة واجد هين ايامك ابلة ثريا

تصدقو انا كنت ارتكب جريمه في استاذى يعنى كرهنى في عيشتى …هلكنى كل يوم ضرب يعنى انا كنت احفظ جدول الضرب ويجى في اليوم الثاني يقولى يابو سيفه انته حافظ اقوله حافظ ونص بس يجى يسمع لى جدول الضرب افقد الذاكره تماما ..سبحان الله اصلا بس اشوف على شكله كانه مسواى لى فورمات حال عقلى…المهم ماادري ايش صار قلت خلاص تو جا دور الانتقام…وكنت عارف هين سيارته..تصدقو ايش كنت باغى اسوى ابنشر سيارته…ورحت وقفت عند سيارته بالضبط وكان الجو مهيأ لى مافيه حد في الشارع ابدا لاحس ولاه خبر..وشويه اقترب من السياره …إلا واشوف فجأه طلبه خارجين من المدرسه..وابتعدت وتراجعت وغيرت فكره الانتقام عن انكشف واروح فيها..ودعيت دعوة المظلوم..وسبحان الله في نفس السنه قرعوه من عمان..لنه فيه شكاوي كثيره عليه..كانت ايام بؤس وشقاء لى..كرهنى في عيشتى الله يغربله..بس كانت ايام حلوه فيها ذكريات احلى خاصه انه كانت مدرستنا جنب مدرسه البنات