عطني يمينك يوم مديـت لـك يـدّي
ابي يميني تهتنـي فـي دفـاء يـدّك

واللي بنفسـي ياحبيبـي وفـي ودّي
ضمة حنان و قبلتيـنٍ علـى خـدّك

مرارة رحيلك وصلتني على حـدّي
عسى الله يصبّر قلب مغليك و يردّك

لاتطوّل الغيبه ترى الجرح متحـدّي
ياللي البنات بزينها مـا تجـي قـدّك

خايف تغيب و يصبح الوضع متردّي
ويعلن عذول اهل الهواء شائعة صدّك

وانته تعرف اني حريصٍ على سدّي
لامن تكلّم عاذلي قلـت لـه حـدّك

لأني هويتك جد و اخلصت من جدّي
ارحل من الدنيا وانـا حافـظٍ سـدّك

ليتك تفضّـل كـل ماجيـت متعـدّي
بألقاء السـلام لواحـدٍ مكسبـه ودّك