الرئيسية › منتديات › مجلس الثقافة الأدبية والشعر › رثاء الشاعر أسامة التغلبي في ابن المسافرالتغلبي – شعر من العراق
- This topic has 0 ردود, مشارك واحد, and was last updated قبل 16 سنة، 6 أشهر by
المسافر التغلبي.
-
الكاتبالمشاركات
-
8 يناير، 2008 الساعة 12:46 م #86673
المسافر التغلبي
مشاركدموع
يبني وين تريد يبني
خاف تتأخرعلينا
خاف تتأخر وتدري
أحنا بجفوفك رهينا
أحنا كلنابشغف ننتطر
أني وامك كانا رهينا
يبني اوف الدمع يبني
شال بموج ُ سفينا
دمعي جمروأكل خدي
نار لو دمع بجينا
بصدري حَسرة من أضمها
تسحك اضلوعي سحينا
وزفرّة من أفادي تطلع
تخلي بس اللهب بينا
أحنا بعدك جذب نحيا
احنا من رحت انتهينا
جم ندبنا وجم بجينا
وفرح بعدك مالكينا
تذكر ايام الخوالي
من لعبنا ومن مشينا
لمن ابوسك لمَن أحضنك
وكت جفك يلامس أخدودك الزينا
سود هسه اثيابي سود
رويحتي ترفرف حزينا
لانهار ولاليالي
عيني ماغمضت هوينا
انت غصهَ تراودنا
لو صبحنا لو مسينا
أوف يادهر ياخايب
حطمتنا شصاربينا
جنت صخرة وما يهمني
هسه للكاع ارتمينا
انوخذنا وأنكسرنا
وردة بريح بالتراب ارتمينا
بالله يتراب الحضنتو
فدوةلاتقسي علينا
كلو أبوك الشوك هزو
وبوسو كلما بيّ حجينا
باالله يتراب الحضنتو
صيرو جن امه حنينا
ولاتزعلو ولاتغثو
احنا مانرضى ضغينا
هذا ابن حمدان يمك
هاذا أبن الأكرمينا
مدلل بروحي فديتو
والمقدرمو بدينا
بيد رب العرش وحدو
وكلنا بالتالي هفينا
كتبها الشاعر( أسامة التغلبي ) ويواسي المسافر التغلبي في ولدهإنشاء قائمة