في غير الزّمان
في نفس المكان
مَرّتني الذّكرَى و انا واقف
في نفس المكان
في غير الزّمان
في ذا ضحكت أيّام لكنّي بكيت
في ذا حلمت أحلام لكنّي صحيت
و منها ابتديت و فيها انتهيت
إلاّ من الذكرى
في نفس المكان
في غير الزّمان
قالت لي الذّكرَى كلام عنّي
كلام و اللّه بغيت أنساه
و صاحت ربابة شوق و اثر النّغم منّي
يشكي و انا شكواه
و غنَّى صوت في ليلة فرح
و هلّت عين و قلب انجرح
في صوتها جرح و تعب
و في عيونها نظرة عتب
و شفت ابتسامه عليها هلّت الدمعه
و نظرة ملامه من الماضي علَى ربعه
و انا مع الذّكرَى
في نفس المكان
في غير الزّمان
تعطيني الذّكرَى و لا تاخذ أبد
تحكي لي الذّكرَى و لا تسمع لاحد
و انا عندي كلام ممنوع حتّى على الخاطر
لا ياخذه أمسي و لا يقبله باكر
ما اقدر أوضّح غايم الصّوره
ولا أزود للمسا نوره
اللّه يا ذكرَى ياما فهمتيني خطا
ياما قدم رجلي علَى جمرك وطا
و اليوم هيّضني هواي
اشكي و لا ادري وش بلاي
هو من شقاي إللّي مضّى
و الاّ هناي
و انا مع الذّكرَى
في نفس المكان
في غير الزّمان