فقير الام - مجالسنا

مشارك

فقير الام
رخيصه الروح ببعادج ييمه
دليلي امشكك ومهدوور دمه
مابيه حيل اتحمل افراك
ولاحيلي بعد ينشال همه
صفيت الوحدي محد صفه وياي
محتاجج صدك لحكيني يمه
غريب وغربتي هدت ثناياي
ما يوم افرحت بس دمعي المه
شحجيلج بعد والضيم شال الضيم
مثل جاهل صرت ومضيع امه
دمعتي بعيني بس ماشافت الناس
مرمرني هذا الدهر ضوكني سمه
ما ادري البعد يكتلني فدنوب
كبل لااروح عطرج خليني اشمه
ولاادري السهر يعميلي العيون
لو ادري الجسد يمج اطمه
رمل روحي افرشهه جوه الجدام
واغمك يادهر ستين غمه
رخيصه الروح ببعادج ييمه

ايام عمري بدونج اسنين
اتوسل بلدمع بس فارك العين
مايقبل ييمه يكلي خجلان
اخاف انزل بعيد الوادم معيدين
فرحانه الخلك بس انه مهموم
اذكرج كل صباح وكل مسه وكل حين
واتوسل بلدمع بس فارك العين
تظل ايام عمري بدونج سنين
حسبيهن ييمه وعدي بهداي
ما يحمل دليلي وداعتج مو زين
دمرني الحزن غطاني للراس
اضحك بلجذب والناس متونسين
ماتدري الخلك بلروح ساكن ضيم
ولاتدري العيون مخزنه ادموع
ولاتدري الهجر شكاني نصين
بس انحب ييمه اكعد الميتين
وماتدري بدليلي مطشره اسهام
بس اشلع سهم تبجي المعيدين
وما تدري بحسرتي اتهدل اجبال
بس اصرخ ييمه اموت العدلين
وانه ادري بكلامي هذا غلطان
وادري بهلحجي ما يقبل الدين
محتاج اشوفج لو ادفع الروح
ما انساج ابد يا يمه مو تنسين

ايام عمري بدونج اسنين

فقير الام

أسم القائمة