ادور ابين شفه اوناب مسموم *** لكمه الناس حطتني ابحلكهه

عليمن لان كتلك انه اهواك *** عليه اتحزمت كلهه ابتفكهه

ادير العين وتلفت بالوجوه *** كلهه اتريد تاخذ مني حكهه

عفتني بين صفنات الحياطين *** ودك بيبان محد كبلي دكهه

كبل شجرة صبر عمري انكضه اوياك *** يهزهه المستحه اويوكع وركهه

ابكثر ماضيعتني اتمنه الاكيك **** ازيحا مستحاي اوطك اطكهه

اطلبك ثار من اصباي لليوم **** وحك ايامنه الجانت وحكهه

اذا مافرك ابدولاب الهموم **** وضيعك من غربه اومن شركهه

نخله اباب بيتك جانت الروح *** ياهو الفات مد ايده العثكهه

جنت لوحة خيال اتبجي العيون *** اصبعك وكف مسمار اوشركهه

شكثر دك الزمن وياي دكات *** بس دكتك ماواحد يدكهه

كلمات جميله

ورائعه

ومميزه

اتمنى لكي
التوفيق

تحياتي

ساقي