بسم الله الرحمن الرحيم

والصلاة والسلام على خير البشر والمرسلين سيدنا وحبيبنا محمد عليه اكمل الصلاة والتسليم

التدخين وش تعريفه :- اداة قتل بطئيه مرغوب فيها والكل متمسك بها

شو اضراره :- قد تظهر في الكبر ولا اعراض كبيره له في الصغر

طبعا هذا هو التدخين بكافه اشكاله سجاير ارجيله كل انواع الدخان المتعارف عليه

يا اخوان الكل بيعرف مضار التدخين هذا مش موضوعنا …موضوعنا هو كيف بدنا انبطل التدخين

والدخان حسب ما ذكر بعض العلماء في الدين من المحرمات في الاسلام

طيب هلا خلينا نيجي لحسبه صغيره بس طبعا المال لا يساوي شيئ بالنسبه للصحه لان الصحه تجلب المال اما المال فلا يجلب الصحه ابدا

طبعا لنفرض انوا في شخص بيشرب باكيت دخان كل يوم كحد اقصى طبعا خلينا نحكي حق هذا الباكيت بالمتوسط 10 شيكل

على مدار شهر بتدخن ب 300 شيكل
على مدار سنه بتدخن ب 3600 شيكل
على مدار 20 سنه بتدخن ب 72000 شيكل

يعني لو انت هلا عمرك 20 سنه لو وفرت حق باكيت هذا الدخان لما ايصير عمرك 40 سنه بيكون معك مبلغ اثنان وسبعون الف شيكل كنت راح تحرقهم ….يمكن بعضكم راح يحكي انا بجيب مصاري وما حد اله دخل شو بسوي فيها وبصراحه انقالت الي انا وانا بحكي للناس متدخنوش قالوا الي :- شو دخلك انا الي بشتغل وانا حر شو بسوي اشتري دخان ارميهم ما حد اله دخل

يا عبد الله سوف يسالك الله مالك من اين احضرته وفيما صرفته

لما الله سبحانه وتعالى يقلك اين ال 72000 شيكل رحت فيهن ابنيت فيهم مسجدا اتبرعت فيهم
شو اعملت دخنت ان الدخان لا يسمن ولا يغني من جوع

هذا من جهه والجهه الاخرى
النفس :- ان نفسك اخي المسلم عزيزه على الجميع لذلك لا تقتلها بالباطل

الحين هذه بعض مضار التدخين احنا هلا بدنا نساعد الي بيدخنوا يتركوا التدخين بس بشرط

بعد 20 سنه انا باخذ نص المبلغ الي فوق

المهم شو رايكم نحط برنامج للتوقف عن التدخين

انا مش راح اقلك بطل الدخان لا لاني بعرف انك ما ابتقدر مش بايدك لانوا في مواد نيكوتينيه ومواد منشطه بتقلك بدي كمان هذه حقيقه

بس دواء هذه المواد بسيطه بتكون بتقليل الجرعه علشان تقدر تبطل

علشان هيك اتبع ما يلي :-

1- حاول انك اتقلل عدد السجاير لاقل عدد في اليوم
واذا كنت بتدخن باكبيت دخن باكيت الا سيجاره وخلي تركك للتدخين بطيئ مش سريع بدنا نبطل الدخان ببطئ علشان ما نرجع

في بعض الناس تركوه بسرعه ولكن خلايا جسمه ما احتملت التغيير علشان هيك رجع يدخن اكثر من اول

2- حاول تتسلى باشي ثاني بداله مكسرات علكه اي اشي ثاني

3- فكر باشي ثاني غير التدخين لما تيجي على بالك السيجاره

هذه حلول اوليه وبتمنى من الكل ايشارك معنا ويعطينا تقرير يومي شو صار معه وقديش دخن علشان نساعده والي ما بيدخن يعطينا دعمه علشان انشجع المدخنيين على ترك الدخان
وقدم النا حلول ممكن انها تساعد المدخنين على ترك التدخين

أنتظر تفاعلكم ومشاركاااااتكم