منوعات .. عن الغربة

*يا مسافر للجفا .. والوصل يبكي عليك .. وين عهدك بالوفا ..للخفوق اللي يبيك ..لي جناح ..ولك جناح .. ولا نطير الا سوى

*هذا من يتبع شور غيره .. وتغره الغربه ومغرياتها .. ولكن في النهايه .. يقاسي الالمها .. وما يقوى على بعد محبوبه ..
غريب الدار .. ومناي التسـلي ***** اسلي خاطري عن حب خلي
سمعت الشور من قاصر معرفه***** يحسب البعد عن داره يسلي

*من هجر الخلان .. وتركهم .. وفي النهايه .. بماذا ظفر ..؟
غريب تارك بلاده ***** والاهل من أجل واحد ..
ضايع وضيع شبابه ***** ملوه حتى صحـــــــابه

من سافر قهرا .. ما حال الدنيا عليه ..؟
في غربتي ..تغرب النور عن عيني **** وش حاجتي في نور عين غاب غاليها
امر السفر يانظر عيني قضى فيني **** نفسي على ماتعاف امر الله حاديها

*هذه مكاسبي من الغربه .. وهذا ما ظفرت به .. متناقضات .. وامور لا يقبلها عقل .. ولكن هاي هي الغربه .. وهذه قصه غربتي ..من درس اصول الحياه على يدي الغربه .. من كانت له المعلم الاول في الحياه .. من جعلته صلبا قاسيا ..
في غربتي عارضت انا ركب الاغراب ***** اشد وانزل والليالي ركايب
اضداد واقران وعدوان واصحـاب ***** متناقضات الخلق ما غاب غايب
وقامت تجاذبني على درب الاسباب***** نفس الشباب حدها عقل شايب

*وفي النهايه .. اهدي هذه الابيات لكل مغترب ..
يا غريب الدار ..من دارك لفيت ***** انقل الاشواق واحمل لك سلام
كل روض وكل طعس وكل بيت***** ارسلوا معي سواليف وكلام
كلهم لك حلفوني لو حكيت ***** احلف انه الشوق جا حد الهيام

لا تامن الخوان لو زخرف حكاه
من خان بك مره يبي باكر يخون…