يلكلتي أعوضك لو ردت…. تكدر تعوضني فرح وتشيل احزاني يلكلتي اعوضك لو ردت… تكدر ترجع تبدل دمعات حزني بدمعات افراحي يلكلتي اعوضك لو ردت… تكدر تحاجي المكبرة وترد لي من مشو من ربعي وخواني يلكلتي اعوضك لو ردت…. تكدر تعوضني وطن أسمة العراق الثاني يلكلتي اعوضك لو ردت … تكدر تعوض عشتي والهيبة لديواني يلكلتي اعوضك لو ردت… تكدر تعوض قصتي الي ما تنحجي بلساني يلكلتي اعوضك لو ردت…
تعويضك انت يحل عليه يامحشر الصفياني يوكف شعر راسك ولك لو قاري بقرآني على العار أبد ما يسكت وعلى الموت أبد ماتاني بركان أنه من أنفجر أواكف على اطراف السطر بركاني ولك شيعي اني ما يهمني الذبح وثابت يظل ويا الزمن عنواني ثورة الحُسين أعضم درس دنيا نبقى بيها نعاني مدى, أصورة اثيرن بعد من كصفت خواني وصورة ميخضر بعد من أحترك بستاني وصورة اقبل بالوضع يابو وضع شيطاني أشلون تعويضك ألي.. وسيفك ألف مرة ظلم ذبحاني يلكلتي اعوضك لو ردت… هذا تعويضك آلي تعوضني من شرياني يلكلتي اعوضك لو ردت… اشلون تعويضك آلي وانت الف عدواني وك لو تعرف انت بداخلي… جان كلت لي شورطني وجان كلت لي شجابني
يستخدم موقع مجالسنا ملفات تعريف الارتباط الكوكيز لتحسين تجربتك في التصفح. سنفترض أنك موافق على هذا الإجراء، وفي حالة إنك لا ترغب في الوصول إلى تلك البيانات ، يمكنك إلغاء الاشتراك وترك الموقع فوراً . موافقإقرأ المزيد