- This topic has 15 رد, 10 مشاركون, and was last updated قبل 22 سنة، 6 أشهر by
.
-
المشاركات
-
بسرعة
موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين ) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك .. واناما علي قاصر ضحكت معهم المضحك اني كنت متحمس كله من الثلج تقول كنا في مكة ايام الحج وكانت خيمتنا في مكان مرتفع بعيد عن سيـارات الماء .. ذهب أخوي يجيب ( ثلـج) وجاب قطعة كبيرة شايلها فوق كتفه ثم جت ثنتين من خواتي الصغـار بيساعدونه على إنزال الثلج وكان حريص .. بحيث انه لف قطعة الثلج بإحرامه اللي على كتفه حتى ماتثـلـج ( تبرد) يدين خواتي المهم خواتي سحبوا إحرامه ( السفلي ) بدلا من اللي فوق اللي فيه الثلج .. وبسرعة … طاح الإحرام وطاح الثلج .. وطاحوا أخواتي من الضحك
عسى ما نست
مرة زوجتي غيرت الثوب ونقلت أغراضي من الثوب الأول إلى الثوب الجديد .. رحت أصلي الفجر وركبت السيارة وشغلتها وأنا أسوق تذكرت وقلت : عسى ما نست تحط المفاتيح في جيب الثوب ( والمفاتيح كلها بميدالية وحده طبعاً ) !! وأفتش جيوبي والله المشكلة مافيها مفاتيح .. وشلون إذا رجعت افتح الباب !! وانا محتار و أفكر يوم جيت ارجع إلى البيت وأطالع .. وألقى المفاتيح قدامي مشغل بها السيارة ..( والله الذكاء )
معرس بألف شوكة وشوكة
واحد تزوج على زوجته ( ومن الحرة اللي فيها )… جت في ليلة عرسه خذت ثيابه اللي بيلبسها
ومسحت عليها قشر” برشوم ” والبرشوم فاكهة لها اشواك رهيبة وماتنشاف
الشغالـة
اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي أخذ الشغالة … المهم وصلت المطار وخذت الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت شنطة السيارة على شان تحط شنطتها .. تفاجأت … أن الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدمووع من الضحك
وش اللي صار
فيه وحده من القديم تستحي مرة مرة .. ولما تزوجت كانت تستحي حتى تتكلم مع زوجها .. وكانوا الحريم يلومونها على هالحياء الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الحياء الزايد … ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه ( تدفعه ) وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار …
مطر مفاجئ
وحده يوم عرسها بعد ما خلصت من التجميل والتسريحة .. يوم جت تطلع على الحريم والرزة على المنصة .. شافت بعض ( الحمرة ) في يدها دخلت تغسل يدها وفتحت الحنفية .. ومـادرت الا والدش يصب على راسها !!
تحريك جو
فيه وحده تقول في اول ايام زواجي طلب مني زوجي ان افتح له علبة بيبسي .. وبغيت احرك الجو بشي من الفرفشة .. قمت وفتحت العلبة قدام وجهه و… يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وانا اشوف هالموقف ..
تطبيق واقعي
وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!
سبب واحد
وحده تقول قبل المغرب كانت امي تامرنا بفتح الشبابيك حتى يطلع الذباب برا … ومرة من الايام سالت المعلمة : لماذا نفتح النوافذ في منازلنا ؟ ورفعت اختي الصغيرة يدها ، وقالت وهي متحمسة : علشان نطرد الذباب يا استاذه !!!
الحمد لله انتهت
تقول كانت اختي جالسة عند التلفزيون أثناء استعراض برامج الغد وجاء في العرض ( ثم نقدم لكم نشرة الاخبار المصورة الثالثة والاخيرة ) فرحت أختي مرررة .. وراحت لأمي : يمه يمه الحمد لله خلصنا من الاخبار بكرة الحلقة الاخيرة …
الدش
واحد من الاطفال سمع كثير عن الدش ومخاطرة .. وانه فاسد وحرام .. وكان عند احد معارفهم ( دش ) وهالطفل ما يعرف وش هو بالضبط .. فقال : ال فلان عندهم دش اللي يغسل منه يصير كافر ..
المديرة
تقول احد المدرسات ان طالبة في الاول الابتدائي كانت بنتا للفراشة اللي في المدرسة … ولدت ام هالبنت وكانت بعض المدرسات مجتمعين عند مديرة المدرسة ( هدى ) .. نادوا البنت و سألوها عن حال امها ؟ وش جابت ؟ قالت هالبنت جابت امي بنت وتقول امي بنسميها ( المديرة ) .. وكانت تقصد بنسميها هدى !!!
براءة
تقول رن هاتف المنزل وردت اختي الصغيرة .. وسالتها المتصلة : وين الوالدة ؟ قالت اختي وببراءة : ماعندنا احد والد اليوم…
خطـوبة
خطب احد الأشخاص أخت صديقــه وأراد من صديقه أن يمكنه من رؤيتها – دون أن تشعر الفتاة – وقام الأخ وضبط الموقف حيث اشترى بعض الأغراض وأدخل السيارة في الفناء الداخلي للمنزل ونادى أخــته لحمل الأغراض من السيارة – والخاطب يبصبص من شباك المجلس – وجاءت البنت وحملت كرتون البيبسي وقامت تركض و تدوربالكرتون و( تفحط ) كأنها تقود سيارة !!!!!! ولم تعلم البنت الأ في ليلة الزواج حين اخبرها الزوج فما كان منها الا ان بكت من شدة الخجل …
والله ولا أروع.
مش معقول إنت ظريف بشكل.
والله ضحكت حتى أن إخواني ظلوا مستغربين مني أشوف الجهاز وأضحك.
شكرا لك وتأكد أنك أدخلت السرور لجميع من قرأ مشاركاتك.
تحياتي.بس على النكتة الاولانية بصراحة بغيت اموت من الضحك
لدرجة اني ما قدرت اكمل الباقي على كل اشكرك عليها واهلا وسهلا بك وقي انتظار مشاركاتك الطيبة واهلا مرة اخرى وتحياتي تعرف العقرب مرة من المرات الله يكرم الجميع وحدة متزوجة راحت الحمام وشافت هناك زجاجة ماء بولي للفحص مال زوجها جات المسكينة ومن غير قصد طيحت الزجاجة وانكفى اللي فيه فماذا تفعل فراحت وقامت تسوي فيه علشان يجي الزوج وياخذ العلبة الى المستشفى للفحص . فجا المسكين الزوج وراح اخذ الزجاجة ووداها الى المستشفى الا وبعد فترة يكتشف انه حامل ……………
ويش هذا ما صدق نفسه الرجال حاااااااااااامل معقولة ما يصير ياااااااااااانااااااس ويش هذا
وكل الموجودين اللي عرفوا بالسالفة ماتوا من الضحك عليه وفي الآخر عرف انه زوجته هيه اللي سوت معاها كذا وارتاح
مسكككككييييييييينفي البدء أشكرك يالهديل على النكتة وبصراحة
وقرأته اكثر من مرة وفي كل مرة اكثر من قبل.والحين اقدم لك هذه النكتة وهي قريبة بعض الشيء من النكتة ألي أرسلته:-
امرأة ذهبت إلى الدكتور وقالت له: يا دكتور، الطفل اللي في بطني كثير البكاء ؟ ماذا افعل أرجوك؟
فأجاب الدكتور بكل برود: ابلعي مصاصة.وزيادة :-
امرأة حامل عندها مرض السكر أنجبت ولد عسل.
.. النكـــــــــــــــــــات كلها حلوة
على ردك اللطيف
- يجب تسجيل الدخول للرد على هذا الموضوع.