- This topic has 8 ردود, 6 مشاركون, and was last updated قبل 17 سنة، 4 أشهر by
.
-
المشاركات
-
لازم مفتكرش … ده أنا لو افتكرت هفكر … ولو فكرت هتعب … يبقى أحسنلي مفكرش … بس … هو مش ممكن لو فكرت أوصل … لكن ياترى هقدر أكمل … ولااااااهضعف …
لا … لا … أحسنلي مفكرش … كده أريح برده …
لازم علشان مديش لنفسي فرصة افكر … إني أقتل وقتي … لازم مسيبش وقت فاضي في حياتي … لإني لما بكون فاضي بفكر فى الحاجات دي …
بس هو ياترى لو وصلت هل هحس براحة بجد ..وسعادة بجد … مش سعادة ثواني ومتعة لحظات وبعدها ساعات ندم وحزن …
ياترى هل لو وصلت هعرف أنا عايش ليه … وأنا ليه موجود فى الدنيا … وإيه معنى الحياة … وهعرف إجابة للأسئلة اللى في بالي …
ياترى لغاية إمتى هفضل أضيع في عمرى والأيام بتفوت وأقول مفكرش ولو حد حاول يفكرنى ابعد عنه و مبحاولش اسمع كلامه …
لغاية إمتى هفضل أخدر مشاكلي واصبر نفسي … وكل مدى الهموم جوايا بتزيد يوم عن يوم …
أنا لازم افكر … هو أنا بخدع في مين … منا هيجي عليا يوم وهموت …
آآآآآآه … ياترى لو مت … هموت إزاى … وهتبقى نهايتى وخاتمتى على إيه …وأنا حياتي كلها معاصي وذنوب … فاكر أنا صاحبي الفلانى اللى مات بعد ما أخد جرعة المخدر ومات وهو فى العربية على الطريق السريع … ولا ربنا هيكرمنى واموت زى صاحبي اللى مات وهو بيقول اذكار الصلاة بعد ما صلى الفجر …
وياترى لما أدخل القبر لوحدى … والدنيا ضلمه والجو حر … دنا لما النور بيقطع عليا فى البيت بخاف … ياترى هستحمل …
وياترى لما ربنا يسألنى عن عمري عملت إيه فيه … هقول إيه ؟؟؟ … ولما يسألنى عن كل المعاصي اللى عملتها … هقوله إيه .؟؟؟
لازم … أيوة … لازم أفوق … أنا عارف السكة كويس … وعارف إزاى أقدر أكون كويس … جربت فى رمضان اللي فات … لما كنت بصلى التروايح …
ياااااااه … فاكر يوم ما بكيت … ودعيت ربنا يتوب عليا … ويريحنى بقى من التعب اللى أنا فيه … ويقربني منه … وينورلي قلبي … ويجعلنى من أهل الجنة …
يااااااارب … يارب جتلك يارب … يارب إنت الكريم … يارب متردنيش للمعاصي تانى يارب … يارب اقبلنى فى عبادك … يارب اقبل توبتي … واغفر لي ذنوبي … وبدل سيئاتي حسنات برحمتك يارحيم …
يارب … بعاهدك يارب إني اعيش حياتي فى طاعتك … بس أعني وثبتني وارزقني صحبة صالحة تأخد بإيدي إليك … ولو في يوم ضعفت وأذنبت هتوب بسرعه وارجعلك تانى …
يارب … افتح أمامي أبواب الخير … واجعلنى من أسبق السابقين إليك …
———— ——-
….هو فاق وفكر ووصل ….
…. ياترى إنت كمان هتفكر …. وهتوصل ….
…. ولا لسه بتقول متفكرنيش …جميل بس التفكير هو اساس الحياة فالتفكير للادكياء اما السعاده مصيرها تموت لان الحياة كده و لازم نقبلها زي مهي……..
مؤكد يجب ان نفكر….ونعقد العزم والاصرار ايضا”
لغرض الوصول الى غاية الطموح …………………
موضوع جميل …نأمل منك المزيد من التواصـــل
تقبل احترامي
- يجب تسجيل الدخول للرد على هذا الموضوع.