السلام عليكم
عشية يوم كنت متضايقة جدا جتني مسج بالغلط عبر الموبايل وهي :
مالي كيف ميعادك زهاوي…نفرح بيك كي تلفي علي
مانك كيف كتار الدواوي…صاحب عرف برهانك قوي
يا سداد لكبار الفجاوي….يلي دوم تعرف ما نبي.
بلا ميعاد جابني الخطاوي..شورك جيت بالشوق النقي
لك حنيت يا طيب الحكاوي..يا بو فعل صادق يا سخي

أنا رديت أنا المسج حلوة وأظن انك غلطان في الرقم
رد علي :اشهد بالله غالط وعلى هالأسلوب الحلو تستاهلي مسج أخرى أحسن من الأولى:
كم من جرح لقيولة طبيب وبعد اليأس لقيولة دواء
وجرحي جرح نلقنة غريب فيه أغلبت ساقيني شقاء
وكم من قلب من بعد النحيب جي مكتوب نيرانه طفا
وقلبي قلب ما عنده طبيب شاقي دوم ما يعرف زهاء.
قلت له والله دمعتي كانت على خدي مضايقة لدرجة وأنت غير تلي جوي,
رد علي:
عدي نجوم الليل وحدة وحدة……وزيدي اخلقي للغا يبين اعدار
وخلي دموعك ينزلن بالجحدة …راهن أعيون الشامتين إكثار
قلت أنا آسفة كملت لك الرصيد:
رد يفداك الرصيد.ونبض القلب وعروق الوريد.وحتى كان ما عندي جديد. الماضي
بحر يا مركب غلاي…وفوقا موج تيارا شديد يلوح فيه بين غادي وجاي.. ونا ع الموج صبار
وعنيد. أمغير البخت مش واقف معاي.
وكرر هده الرسالة ثلاث مرات ثم رن الهاتف نفس الرقم لم أرد وبعث مسج
بأني لا أرد على المكالمات الغريبة وأول مرة أتحاور مع شخص لا اعرفه
سامحني ومع السلامة.
كانت السعة احداش ليلا فرد برسالة إن تصبحي على خير مع السلامة,,,
الصباح التالي بعث بهده المسج:
كيف الكسوف الكلي بلا شمس دنيتنا عزيز مخلي نهار غيبته……./..وهده من
انواع الشعر في ليبيا يسمى غناوة علم …./.
شكرته على كل الرسائل وقلت له ان رسائله خففت عني شوي وبارك الله فيك
ومع السلامة رد:
ما فيش وطن فيه نوم يا صاحبي ينمشاله.من ضيم الدهر والهموم. راه صحبك ضاق باله
ان ريت بياع العزوم راني اندلل دلاله. ونقابلك ا ي سوم بايع على كل حاله.
حكيتلك بسر مكتوم وعارف أصحاب الغسالة لاتبحتا راه مردوم وماكل حد
ينشكاله .امفات رب عالم أعلوم هو الحق جلا جلاله ويعرف انكان مقسوم
او بعد زعيم العدالة,……………
اتصل برقم غير الأول صدفة رديت فكان هو اللي على الخط تعرفنا معرفة صداقة وتمت
المراسلة.طبعا شخص غريب ليس من نفس مدينتي.عجبتني المراسلة حبيت اشارك
بيها ادا كان شئ مش مفهوم ممكن الاستفسار من اي ليبي مشارك في المجلس,