ايوة كلامى الجاك انا قلتو وكل العالم شهدو عليهو
حبك مات جواى دفنتو لاندمان لا ببكى عليهو
لوكان قلبك لى الكعبة ماظنيت من تانى اجيهو
حت لو ريدك بقى دين الله انا متعمد كافر بيهو
جاى تبكى على هوانا قش دموعك ما بتنفع
كيف بعد مالروح بتمرق من جديد للجتة ترجع
المحبة البينا كانت ليك ماظنيت بتشفع
يالبتلعب بالمشاعر انت قائل نحن شفع
ما زمان كنا بنريدك وكنا مجبورين بنسمع
الا اسى نسينا حبك ولينا مجبور انت تسمع
الكلام الداير اقولو خلى صدرك ليهو اوسع
انت ما بتنفع معانا ولا معاك يا ذول بننفع

وتانى لو دايرنا نرجع

الجبال تندكا دكا ومن غرب شمس الله تطلع
وترك الناس دبن محمد واليهود من موسى تقنع
النصارى اسيبو عيسى وفيو اشككوا انو ارجع
واتبع ابليس الملائكة ومن جديد لى الله اركع
والسماء تنزل نجوما والارض تنشق وتبلع
وحتى لو قامت القيامة مستحيل من تانى ارجع
وحتى لو قامت القيامة مستحيل انا تانى ارجع

للشاعر معز عوض ابو القاسم(مدنى)