قصيدة حب قصيدة حب قديمة بقلبى كتبتها كانت زمان بتسحرنى وتإسرنى بتهز كل خلية فيا و تدفى كل نقطة دم فى عروقى زيك تمام لما احضنك فى عز شوقى كان فيها كتير منك يمكن عشان بتحكى عنك ما عارفة لكن احساسى كان قادر يشوفك فيها فى كل حروفها و معانيها و كأنك انتة الكتبتها انا هسي ما عارفة ليه ما بقيت احسها يمكن عشان تكرارها قلبى ملها او تاهت وسط وشوش تشبه بعضها معليش يا قصيدتى القديمة بقى استحالة اغنيكى ما بقيت فاهمة معانيكى ما شايفة منك غير كلام مجرد كلام كده والسلام يعني محبوبي ما فيكى لو كنت قادرة احييكى ما كنتة اسيبك لحظة تتوهى بين غابات الأشعار و اتفرج عليكى و انتى بتمرى بلحظة الإحتضار معليش يا قصيدتى القديمة مضطرة اودع فيكى الماضى و انسج خيوط فكرة و حيدة لقصيدة حب جديدة ما تكون زى الباقييين كلمة و نظرة و تنهيدة و رسايل مليانة بأشواق و فراق و جرح و دمعتين و مواويل عن غدر الخاينين انا حسرح بخيالى و ححلم فى المستقبل و يا محبوبي فى نهار متلون على كيفنا نوره بيضيع خوفنا و لما نشوفه اكيد حنكتب قصيدة لكل العشاق بنهاية حلوة سعيدة تتحقق فيها الأحلام تسكنا و نسكن فيها ما تموت فى يوم معانيها و بعد ما نرحل هى تعيش نقش على حيطان السنين حتى لو قالوا العاشقين دى قصيدة حب قديمة
الصادقة المعبرة فانت تستحقين وبكل جدارة ذلك التقدير
اتمنى تألقك دائما في هذا المجلس
الكاتب
المشاركات
مشاهدة 4 مشاركات - 1 إلى 4 (من مجموع 4)
يجب تسجيل الدخول للرد على هذا الموضوع.
يستخدم موقع مجالسنا ملفات تعريف الارتباط الكوكيز لتحسين تجربتك في التصفح. سنفترض أنك موافق على هذا الإجراء، وفي حالة إنك لا ترغب في الوصول إلى تلك البيانات ، يمكنك إلغاء الاشتراك وترك الموقع فوراً . موافقإقرأ المزيد