كون يمك … ألف هنياله الكعد بس لحظة يمك
كون يمك … كون أحضنك كون أبوسك كون أشمك
كون أحط راسي على صدرك كون أضمك
الله لاينطيه كلمن راد يحرمني و يحرمك
كون يمك
كون يمك … أني أحبك و أني أحب كل حرف بسمك
و أني أحس يجرن سوى دمي أوية دمك
أني أتمنيت أبوسك و أني أتمنيت أشمك
و أني أتمنيت أحط خدي على خدك
بلكي خدي أيزيح همك
كون يمك
اليوم كلبي ألبابكم بالليل أخذني
و أسمع أهلك كلها ملتمين يمك
أبطارف ألساني و لا أكدر أصيحك
و أهلك أبراحتهم أيصيحوك بسمك
بيني ما بينك مسافة أشكد زغيرة
وجسمي بالشارع حبيبي و روحي يمك
من يكلك .. من يعلمك
والله لو تعرف بحالي كلبك على الباب يركض كبل جدمك
كون يمك
أذكر أيام أسألتني منو يحب محبوبة أكثر
ومن أكلك أني أكثر تنقهر و يفور دمك
و أذكر أيام على بابي جيتني أمحمل هموم
و من شفتني أتبسمت و أنزاح همك
و هسة جيتك .. هسة جيتك من همومي أدخيل يمك
اليوم روحي أتعاندت وياي و تريدك حبيبي
أبيا طريق أوصل ألك و شلون أفهمك
و ليمتة يالغالي تظل من أيدي تتطشر و ألمك
كون يمك .. كون يمك .. كون يمك
ألف هنياله الكعد ها ليلة يمك .
منقول