الرئيسية › منتديات › مجلس الأصدقاء والمرح › هالووو دجلة؟؟… شلونج الفرات؟
- This topic has 5 ردود, 3 مشاركون, and was last updated قبل 17 سنة، 3 أشهر by صبايا.
-
الكاتبالمشاركات
-
28 مارس، 2007 الساعة 2:18 م #69875صبايامشارك
قرأت محاورة ظريفة بين نهر دجلة والفرات فحبيت انقلها لكم
وياريت تعجبكم
……………………………………….الفرات : هلو دجله شلونج
– دجله : هلو فرات اشلونك، اكيد مايك لا لون ولا طعم ولا رائحه هههههههه
– الفرات : ههههههههه مايج خفيف، شلونج ولج
– دجله : يمعود شحجيلك اليوم عشر جثث مجهوله الهويه تسعه مقطوعة الراس وبس واحد بيه روح بس اجه حوت واكله
– الفرات : شنوالسوك نازل بالعراق، اني بس خمس جثث لا راس ولا رجلين، ولج شنو بنهرج اكو حوت؟ امورج عدله، اني بس اسبور وجرّي
– دجله : ههههههههههههه جرّي اسكت اسكت لا تجي المليشيات تشفطك، مو الجرّي حرام
– الفرات : ليش يمه حرام
– دجله : يمعود لا تدخلنه بالسياسه، خلينه روحنه طالعه، العفو امواجنه طالعه
– الفرات : عيني دجله، منو كدّج؟ انتي الجواهري يتغزل بيج ويكول حييتوا سفحك عن بعد فحيني يادجله يا ام الخير يام البساتين
– دجله : وانت، منو اتغزل بيك يامكرود
– الفرات : منين ياحسره، اني بس اجه المطرب الوسيم صلاح البحر يغني يمي عمي يا بلام .. تعبـّنه الوكت، ياعمي مجروحين، ياعمي خلينه، بقت بس بساتينا
– دجله : يمعود يا بساتين، تعال شوف حالي بس زبايل، هسه روح شوف باقي الانهر بالعالم، كلها اشجار وازهار، بس حظنه احنا ناكع .. ههههههه هو احنا ماي، شنو ناكع
– الفرات : اي والله، حتى عشاق القبل ماجاي يجون يم الجرف مالتي
– دجله : هـُمّ شنو يجون يمكم يسوّون
– الفرات : مضروبة الجلوه، اتسوين نفسج مطفيه ما تعرفين
– دجله : انزول، استحي ولك، والله اني من الضوجه يمكن راح اطلع من العراق، راح اروح الى الامزون
– الفرات : ولج احنا ماينه ما يسوه بدون العراق، والله يصير ماينه مال مجاري اذا نطلع من العراق .. دقيقه دقيقه هاي اربع جثث اجتي ولج هذا بيهم مسؤل جبير بالمنطقه الخضراء
– دجله : عزه، مسؤل جبير بالمنطقه الخضراء، أو مات؟ ….. يمه سوده عليه، هذا مناضل خطيه
– الفرات : ولج هذا مو ميت، هذا سكران وكع بالفرات شارب عرك، ريحته تكتل
– دجله : عزه هذا مناضل يشرب عرك ساده، عل الاقل خففه
– الفرات : غير من حبه للوطن وقلبه محروك على الوطن وجاي يشرب عرك ساده
– دجله : وهاي شلون تاليها، اني راح اطلع من العراق، اروح الى نهر التايمز
– الفرات : اصبري يادجله اصبري، ولج غالي الوطن دجله غالي الوطن
– دجله: غاي والله غالي، تفرج يـُبه تفرج، وترجع البلامه الهايمه اطوف، ونيران الشواطي وسمج المسكوف، محروس ياوطن محروس من كل خايس وممرود ومن كل واحد يرسم بخبث وكراهيه من وره الحدود، محروس ياوطن يامكرود
– الفرات : اصبري يادجله اصبري
– دجله : بس الى وين اصبر يافرات، وصارت دموعي اطول من مجراي وما تميز الدمعات من زخ المطر وروجاتنه تدفعه الهوه ودمعاتنه اتكطر بيدينه حتى السمج بينه صارت عينه وكحه غير الجثث ماياكل ولا يهوه
– الفرات : ولج وين تروحين، اخاف امنسقه وي النيل، شنو راح تزوجين مصري
– دجله : لا، امنسقه وي ساجيه بالسماوه، انت صدك بطران وصاير ماي خايس
– الفرات : شدعوه عيني، هسه الي يسمعج يكول مايج سفن اب
– دجله : انزول عليك
اموت عليكم نهري دجله والفرات، حتى لو الناس خانوه بس نبقه نروي هاي الكاع حتى لو بخـّرونه
………………………..
منقوووووووول28 مارس، 2007 الساعة 4:29 م #797277ام نــــورمشاركههههههههههههههه صبايا موضوع حلو
بصراحة اتخيل الفرات ودجلة يتضاربوا كذيه
والله دجلة يجول للفرات انه ماله طعم ولا لون ولا رائحة وانا اجول للفرات طعم الفرات مر مر مر
28 مارس، 2007 الساعة 4:29 م #797278ام نــــورمشاركههههههههههههههه صبايا موضوع حلو لو اني ما افهم باللهجة العراقية يعني حطي ترجمة لبعض الكلمات
بصراحة اتخيل الفرات ودجلة يتضاربوا كذيه
والله دجلة يجول للفرات انه ماله طعم ولا لون ولا رائحة وانا اجول للفرات طعم الفرات مر مر مر
30 مارس، 2007 الساعة 8:31 ص #798125صبايامشاركمنورد حبيبتي سحورة
والله انا مابعرف ترجم اللهجة العراقية بس بتعجبني بصراحة
و حلو الواحد يطلع على لهجات غير لهجته.. صح؟وشكرا مرة تانية لمرورك اختي
30 مارس، 2007 الساعة 10:33 ص #798156ملك كرة السلةمشاركبارك الله بيج صبايا لان تنقلين حاله عن الوضع بالعراق وبلهجة الي ما اله حول ولا قوة بس اكو ناس طيبين مثلج ما يحتاجون واحد يتكلم لان قلبهم دليلهم وارجو منج ان طلين علينه بمثل هاي المواضيع الجميله الي تعكس الواقع الي يمر بيه كل شي من الموجودين بالعراق مو بس البشر لا كل جزء من العراق وشكرا يا صبايا على روحج الوطنيه
6 أبريل، 2007 الساعة 6:12 م #802144صبايامشاركالف شكر اخوي ملك كرة السلة على مرورك وعلى كلماتك
والله يجعل العراق على طول سالمةاختك صبايا
-
الكاتبالمشاركات
- يجب تسجيل الدخول للرد على هذا الموضوع.