فرح وزعل وعتاب
اجت بالعيد زعلانه تعاتبني وتگلي ليش تاذيني

عليش بعيدي لايفلان ساكت وسفه ناسيني

تدري اليوم عيد المرأة كلش زين ، كلش زين تدريني

انا الربيت أنا الدرايت انا السهريت ولتشهد علي عيني

گلتلها وحق الله ما أنساچ لتزعلين يابسمه وضوه سنيني

———-

لايابو رساله لا …. مو انته اليدير العين عن هيله

ولا انته الادزله عتاب وأنخاه وأناديله

حگي اعليك من أزعل لأن انته ابن كارون وأحچيله

ابن الثورة والاحواز لسمع دوم بشعارك تغنيله

گوم بساع ياشاعر

انا احوازية تدريني سوي اشعارك الحلوة وعيد المرأة أهديله

قصيدة ورضي لمعذبه وگلب الوطن بأجمل طور غنيله

———–

ياگلب الوطن أم وأخت يازوجة الثوار

ياوردة وتفوح عطور الچ مني غنه وأشعار

أغنيلچ وأهوسلچ وادگ چوبي الچ ماصار

واكلچ عيدچ مبارك وأطرز بالشجر كل دار

بس ضحكي ولا تزعلين

مري الگلب مرة طيف چم مره أشتعل بالنار

تعاي بضحكتچ طفيه يابنت الوطن ياأنور الانوار

ياجسر المحبة وفرحة العشاگ

يا أجمل فراشة بوسطة الازهار

ياما سهرت لجلچ ليل ونجوم السما خطار

أحلى ايامي وأجملها عشتها وياچ ليل نهار

لا والله ما أنساچ

گلبي للأبد يهواچ

وما أنسى الاحواز وياچ

الاحوازيه عزيزة تضل …. عزيزة بكل گلب تذكار

عزيزة بكل گلب تذكـــــــــــار

——————————————