- This topic has رديّن, مشاركَين, and was last updated قبل 17 سنة، 5 أشهر by
.
-
المشاركات
-
انت تعرف مين هو مضر؟
رسولك صلى الله عليه وسلم ينتسب الى قريش وقريش من مضر وسميت ايضا مضر الحمراء
ولكن قبل الحديث عن مضر فكرت ان اذكركم ونفسى باول سوره فاطر
(( الحمد لله فاطر السماوات والارض جاعل الملائكه رسلا اولي اجنحه مثنى وثلاث ورباع يزيد في الخلق ما يشاء ان الله على كل شيء قدير ))يزيد فى الخلق مايشاء
ربنا سبحانه وتعالى يا اخوانى خلق ملائكه بجناحين وهو كما نرى فى الطير جناحين فقط ولكن سبحانه له طلاقه فى القدره يخلق مايشاء كمان بثلاثه اجنحه واربعه وسيدنا جبريل بستمائه
فقوله يزيد فى الخلق مايشاء دليل على طلاقه القدره التى لا يعجزها شئ ومن طلاقه القدره ان تجد الطويل والقصير ولا تقدر تفرق بين قامات الناس وهم جلوس لان منطقه الصدر والبطن متقاربه الطول انما تفرق بينهم فى الوقوف فقط
ومن طلاقه القدره اختلاف الخلق فى الشكل واللون والطباع والذكاء وكذا الخ الخ هذا جرئ القلب وهذا رعديدجبان وهذا فصيح اللسان كما ان حواس الانسان تختلف من شخص لاخر
واحد بيشوف على مسيره يومين زى زرقاء اليمامه
وكمان بنسمع ان فلان بيسمع دبه النمله
هذا كله زياده فى الخلق يختص بها الله مايشاء من خلقهوكذلك حاسه الشم مثل الكلاب البوليسيه وكان زمان بعض مصانع الدخان عندنا فى مصر يعينوا واحد مخصوص يسموه الدخاخنى
وحانروح بعيد ليه نشوف سيدنا يعقوب شم قميص يوسف اول ما خرجوا بيه اخواته من المدينه طبعا عشان المدينه كانت ملاينه بالروايح المختلطه ولكن ربنا قال لما فصلت العير
دلوقتى عرفنا ليه لما فصلت العير يعنى سابت المدينه واصبحت فى الصحرا على طول يعقوب شم قميص يوسف لانه قدر يميز رائحه يوسف شمها منين من فلسطين الى مصر وكمان المنطقه السكنيه تكثر فيها الويح وتختلط
هذا كله ينطبق تحت قوله يزيد فى الخلق مايشاء
نيجى بقه لموضوعنا وهو الصله بين ماقلته لكم ووجعت دماغكم بيه وبين مضر جد جد النبى صلى الله عليه وسلم
لانه من اغرب ما رواه لنا التاريخ ويعد دليلا على الزياده فى الخلق والمواهب التى يختص بها الله مايشاء من عباده هو ما نزار بن معد بن عدنان وقد رزقه الله باربع اولاد اولهم مضر
يعنى مضر ابن نزار بن معد بن عدنان ومن قبيلته جاء رسولنا
صلى الله عليه وسلم وباقى الاخوه هم ربيعه واياد وانمارلما نزار حس انه حايموت جمع ولاده الاربعه ودلهم على التركه
اللى حايورثوها بعده
مضر ياخد القبه الحمراء
ربيعه ياخد الفرس الاسود والخباء الاسود
اياد ياخد الشمطاء
انمار ياخد مجلس القومولو اختلفو يروحوا لواحد فى اليمن اسمه الافعى الجرهمى
عشان يفسر لهم كلام نزارانتوا عارفين الباقى لما مات نزار اختلوا الاربعه فقالوا نروح للافعى الجرهمى فى نجران باليمن
من هنا تركزوا معايا شويه وماتنموش منى الله يرضى عليكم
وانتوا حاتنبسطوا خالصوهما ماشين فى الطريق الى اليمن راى مضر من جانب الطريق مرعى رعى فيه ابل وفى الجانب الاخر مرعى لم يمس فقال
ان الجمل الذى رعى هنا اعوروقال ربيعه وهو كمان ازور يعنى اعرج
وقال انمار وهو ابتر يعنى مالوش ديل
وقال اياد وهو لشرود
وبينما هم على دى الحال قابلهم واحد راعى غنم وسالهم
ماشفتوش بعير ضاع منى ؟رد مضر وقاله اهو اعور؟ قال نعم
وابتر ؟ قال نعم وازور قال نعم وشرود ؟ قال نعم
شرود
هنا الراعى قاله بس بس يبقى انتوا اللى سرقتوا جملى ؟
انا حاخدكم على الافعى الجرهمى لانهم كانوا قريبين من اليمنالافعى سالهم انتم اخذتم جمل الراجل ده ليه ؟
قالوا له احنا ما اخذناهوش ولكن ازاى عرفتوا توصفوه الوصف الدقيق ده ؟
قال مضر انا رايت انه رعى جانب والاخر لا فعرفت انه اعور ؟
وقال ربيعه لما شفت اثربصمه خفه على الرمال رايت ان اليمنى سليمه والاخر لا فعرفت انه ازور؟
وقال اياد رايت بعره اى وسخه فى مكان واحد فعرفت انه ابتر ولو كان له ذيل لفرق بعره هنا وهناك؟وقال انمار لما رايته ياكل من اماكن متفرقه عرفت انه شرود
قال الافعى خلوا سبيلهم هذه فراسه يهبها الله لمن يشاء
وبعديد تعالوا هنا انتوا مين ومين بعتكوا لى وقالوا له على الموضوع فقال لهم القبه الحمراء لمضر اعطوه كل شئ احمر زى الدنانير الحمرا والنوق الحمر عشان كده سموها مضر الحمرا
والباقى فسره لاخواته وده مايهمناش عشان طويل شرحهالمهم قبل مايمشموا من عنده حب انه يكرمهم وقال لكهرمانه اذبحى لهم احلى ذبيحه عندك واكليهم
وطبعا هو اراد ان يستزيد من فراستهم فاختفى خلف الباب وراقبهم وهم ياكلون الطعام؟
ربيعه قال اللحم ده طعمه جميل بس لو ماكنتش امه رضعت من لبن كلبه؟
لما شربوا مضر قال الشراب ده حلو بس لو ماكنتش عنبايته زرعت على قبر؟
وانمار قال الراجل ده كريم وسيد قومه الا انه مش ابن ابيه؟
واياد قال والله انا ما رايت احسن من كلامنا مع بعض
ولما سمع الافعى الكلام ده اتجنن وراح للراعى اللى دبح الذبيحه وقال ايه الشاه الى انت ذبحتها
قال الراعى دى شاه ماتت امها بعد ولادتها ومالقيتش غير كلبه فرضعتها منها
واحضر كهرمانه وسالها انت زرعتى العنبه دى فين قالت له لما مات ابوك انت قلت ازرعوا على قبره عنبه واحضرت لكم منها الشرابوعلى طول راح لامه وقال لها انا ابن مين ؟
وحست انه عرف شئ فقالت له ابوك كان ذا جاه ومال فخفت ان كل ده يضيع لما يموت فحصل الللى حصل؟وبعدين راح لاخوه وقال لهم انتم ما عدتوش فى حاجه الى بال الناس هم اللى فى حاجه اليكم
وده كله فراسه وقوه ملاحظه تدخل تحت الايه
يزيد فى الخلق ما يشاءياريت ماكنتش اطلت عليكم وسامحونى
مشكور اخي على الموضوع القيم و المفيدبارك الله فيك
و جعل طرحك المفيد في ميزان حسناتك
جزاك الله كل خير
الله يحفظك و يرعاكاختك امل
- يجب تسجيل الدخول للرد على هذا الموضوع.