<-------------- اكشن كانوا اربعه في سالف العصر والأوان
المتنبي
امرؤ القيس
جرير
الفرزدق

راكبين سيارت المتنبي ( الكرولا ) وطالعين يتعشون بروستد

طبعا امرؤ القيس ( شايبهم ) كان متضايق لانه
ما يحب طلعات الليل وكان يقولهم
خلنا نطلب العشا سفري و كل شوي يلمح لهم ويقول :
” ألا أيها الليل الطويل ألا انجلي *** بصبح وما الإصباح منك بأمثل”

بس الشباب مطنشينه لانهم يحبون البرم في شوارع الدمام
عموما

المتنبي ما كان منتبه له؟‍!
لان واحد من عليمية الدمام حده بالسياره وخلاه يرقى الرصيف
انقهر المتنبي لدرجة انه التفت على الشباب وهو يصارخ :
” من لم يمت بالسيف مات بغيره *** تعددت الأسباب والموت واحد “

بس الفرزدق و جرير ( اللي كانوا راكبين ورى ) ما كانوا فاضين له
‍‍‍!
شي غريب جرير والفرزدق راكبين جنب بعض
اكيد انواع المناقر بينهم ( 24 ساعه)
عسى دوم يارب
فجئه عم الهدوء
استغرب المتنبي !!
ماهي عادتهم
اثاري قاعدين يكحلون عيونهم
شافو طرف عباه طالع من جمس ومظلل

تهيض جرير
( عاد ذاك مايبي له شيء ) وقال :
” إن العيون التي في طرفها حور *** قتلننا ثم لم يحيين قتلانا “

وقام يتطلب المتنبي يلحق الجمس
احببتها..ارجو ان تدوس بترول وتلحق خلفهم (بترول=بنزين)

عاد المتنبي يووووووووه انواع الغرور في ذاك الآدمي
رد عليه:
ما بقي الا هي
أنا المتنبي أنا اللي:
” الخيل و الليل والبيداء تعرفني *** والسيف والرمح والقرطاس والقلم “
تبيني الحق الجمس
اسف ياخي تخيل شافنا ابو العتاهيه بجمس الهيئه بتنفعنا أنت وخشتك .!!

زعل جرير وقفلت معه
وبغى يتضارب مع المتنبي
و لأول مره في تاريخ الشعر العربي
اتفق جرير و الفرزدق على نقطه معينه

وقام الفرذدق يحاول بالمتنبي
و هات يا مدح و دحلسه في المتنبي
بالأخير انتفخ راس المتنبي و قرر يلحقهم
وهاتك مطارد
طبعاً امرؤ القيس راكب قدام
كان مكبر راسه من جهة البنات

بس كان عاجبه الجمس حقهم ( جمس موديل 1004 يداعب الريح )
و ما فيه الا غزل بالجمس :
” مكر مفر مقبل مدبر معا *** كجلمود صخر حطه السيل من عل “

المهم..بدا الجمس يبعد عن الشباب

بدى جرير يستهزئ بعزم الكورلا ويقول للمتنبي:
” على قدر اهل العزم تأتي العزائم *** وتأتي على قدر الكرام المكارم “

قفلت مع المتنبي وقال للفرزدق :
ما الومك بهالغثيث
والله بعذرك تكرهه
الله يلوم اللي يلومك

قال الفرزدق اجعلها بثنين حتى تقرص