الســــــــــــــلام عليكم ,,,

إن ما حدث في خلييجي 18 إنما يعكس صورة واضحة عن المنظمين ,,,

وعن نيتهم في الحصول على الكأس بأي طريقة كانت ,سواء كانت بالطريقة الشرعية واللعب النظيف أو بالطريقة الغير شرعية واللعب الغير نظيف …

في الأخيــــــــــــــــر ,,,
صحيح أننا خسرنا كأس خليجي 18 ولكننا ربحنا منتخبا رائعا بكل معنى الكلمة , لعب بوطنية وقتالية واضحة , ,,

فراولة عمان
شكـــــــــــــرا لك على الطرح الرائع

لك مني التحية

احم احم

حبيت اضيف رأيي بالموضوووع

شوفوا المسأله ماهي مسأله تصغير ولا تكبير الملعب يعني الحين

تحطون العذر بالمساحه .. اللي يبا يلعب بيلعب وترى الكوره خساره وفوز

يعني الحين يوم خسر المنتخب العماني كان سبب الخساره تصغيير

الملعب اللي اول مره اسمع بهالسالفه ؟؟؟ ليش هم مايعرفون يلعبون الا بالمساحه الكبيره؟!!

وترى كلمه (مؤامره) معناها كبييير .. يقصدوون فيها ان المنتخب الاماراتي فاز بالغش ؟؟ بس الله كريم

وبصراحه ترى المنتخب الاماراتي له قدراته الخاصه …

انتوا كسبتوا الافتتاح وبنفس الملعب يعني لازم تكسبون النهائي ؟؟..

مب شرط ترى والله

والمهم الحين هالكلام ماراح يغير شي ..

ومع احترامي للمنتخب العماني ..

وترى كلنا أهل وما بتفرقنا الكوره

والسموحه .. سلملم

احم احم

انا مابرد على كلامج .. مب لانه ماعندي رد ..

بس والله بسكت علشان ماتستوي مشاكل وانتي ادرى..

بس والله ماتوقعت كل هذا الحقد والحسد علينا .. وهذا ونحن اهل ..

علعموم لو تنهوون السالفه احسن لانه والله راح تسبب مشاكل وبصراحه انا الخبر ماعيبني ..

ومحد يرضى حد يقول شي عن منتخبه وعن بلاده..

والسموحه سلملم

الســـــــــــــــــــلام عليكم ,,,

الرد على :

---

يعني الحين يوم خسر المنتخب العماني كان سبب الخساره تصغيير

---

المنتخب العمـــــاني منتخب قادر على اللعب في كل الظروف وفي كل الملاعب بغض النظر عما فعله الخصــــــــم من تصغير لمساحة الملعب ومن غــــــــــش وغيره ,,,, ولكن ليــــــــست المسألة كما تدركيـــن

هناك أمور تدخل في نطاق الأخلاقيات وفي نطاق اللعب النظيف وغيره , فأنت عندما تعبث بقانون واضح في أي مجال في كرة القدم تكون بذلك قد تعديت على حقوق خصمك , وبالتالي إن كسبت المباراة تكون فرحتك بالكأس أو بالفوز مزيفه , لأنك لم تستوف شروط اللعب القانوني النظيـــــــــف ….
مع احترامي الكامل طبعا لكل اللاعبيـــن الإماراتيين والإتحاد الإماراتي , فنحن هنا لسنا بصدد إرجاع الماضي ولكن ما يعرفه الجميع وما كتبه التاريخ هو وصمة عار واضحة على كل من سولت له نفسه العبث بالقوانيين الرياضية التي تشــــــكل الروح الأخلاقيه

شكــــــــــــرا لكم