الرئيسية › منتديات › مجلس الثقافة الأدبية والشعر › كلمات أبكتني… ارجو ان تنال إعجابكم..
- This topic has 4 ردود, 3 مشاركون, and was last updated قبل 17 سنة، 5 أشهر by ميلاغروس.
-
الكاتبالمشاركات
-
26 يناير، 2007 الساعة 8:36 ص #66282ميلاغروسمشارك
ضايع وسط الزحــــــام…..
الطفوله ..أحلى مافي هالحياه
مرحله من غير هم
كنـّا دايم نبتسم
كنـّا حتى لو بكينا … وجارت الدنيا علينا
بعد لحظـات وثواني …
بسمه فينا ترتســم
كنـّا نركض خلف كوره … لا لا أنا ماكنت معهم؟
وحدي بس بعيد عنهم … كنت أضحك من ضحكهم …
جالس لحالي أهذري… جالس أحسب كم
( كوبري )…
صلـّحه( أحمد ) في ( ماجد ) ؟؟
والله واجد!!
وقبل ما يحل الظلام …
للبيوت نروح نجري … لا لا أنا ماكنت معهم !
أمشي وحدي بعيد عنهم … أمشي وأعدد أثرهم!
وهم عني يبعدون …
يبعدون … يبعدون …
إلا
( ماجد )!
كان مثلي حيل ضايق …
بس حزنـي كــان حارق
كان يسألني ببراءه : …
ليش تعرج ؟ … قلت مادري ! – باستياء –
ليش تبكي ؟ قلت مابكي – بكبرياء –
ضاق مني …
ثم سألني في غباء …
قال ( وثرايك تـثــابق )؟
وراح عنــّــي … !!كنت أسأل دوم نفسي …
ليش ما أركض معاهم ؟؟
ليش دوم أمشي وراهم ؟؟
وش بلاي ؟؟ أو وش بلاهم ؟؟
ليه أنا غير الأنام ؟؟
زاحمتني الأسئله…
كل شيٍ أجهله ؟
وإن تعبت من الإجـــابه…
أحظن الحيـــره وأنام .مرّت سنين وكبرت …
صار همّي اليوم أكبر
حتى دمعي صار أكثر
للأسف توي قدرت …
أفهم إني شخص
( عاجز )!
يعني بيني وبينكم
مليون حاجـــز !!!
صدقوني ذي حقيقه …
لا طلعت السوق … كل مامشي دقيقه
القى كل شوي أبله !
يمشي ويناظر صديقه …
ويغمز له
يقول : ناظر…!
وش يناظر ؟؟
وتتفجّــر في خفوقي
ألف ضيقه
ووحده في وسط الزحام …
طالعتني باهتمام
سألت نفسها:هذا أسير الظلام …
بنت في عمر الزهور … أي رشاقه … وأي أناقه …
وأي عطـــور !!
قلت في نفسي ياهووووه
هي تناظرني بغرام ؟ أو هي نظره والسلام ؟
بس أكيد إنها تعرفني … شايفتني ؟
شايفتني في جريده ؟
واعجبتها لي قصيده ؟
إيييييه أنا توي افتكرت …
لي قصيده …
كنت ناشر معها صوره
بس صوره … ياسلااااا م
وفاجأتني …
لمـّا صارت لي قريبه … كانت تـتمـتم بطيبه
( يكسر الخاطــر حـــرااااام ) !!!!!
وتركت دمعه غريبه …
وضاعت بوسط الزحــام
دمعه كانت تحكي وضعي … زلزلتني
ارتطم قلبي بضلعي … دمرتني
صدقوني …
أصعب اللحظــات وأقسى
لاغدا الرجـّــــال يكسر … خاطر انثى
كيف ينسى ؟؟؟
جاوبوني !وزاد همّــي …
يوم فكــّـرت بوظيفه … ثم زواج
أي وظيفه … وأي زواج ؟؟
اللــي مثـلي …
مهما طالب … لويلف ولو يدور
زين لو حطـــّــوه كــاتب
لا … وعلى بنــد الأجـــــــور …
ماهو رسمي !!!
صدقوني لو تدرّج … وصار راتبه يتصاعد
وابتــدا وضعه يزين
ما أظنه بيتزوّج … إلا من بعد التقاعد
من سنه الى سنتين !
وفي النهــايه …
يابلــدنا… مهما كانت تسميتـنا
عاجزين … معوّقين
لك عهدنا… وذا قسمنا:
أقسم بالله العظيم … منزل الذكر الحكيم
أن أصونــك يابلادي … من شرور العابثين
من مطامع كل حاسد … من نوايا كل فاســد
وإني لك حصنٍ حصين
إنتي ناديني وشوفي … لا نويتي بالجهــاد
والله أقهر لك ظروفي … دامك إنتي لي بــــلاد
وباسم كل العاجزين …
دام فينا أصبع يطول الزنـــاد
لا يهمــّـك يابلادي …
وازهليهــــــــا26 يناير، 2007 الساعة 1:12 م #767847Jannahمشارككلمات رائعه ومؤثره أخي
سلمت يمناك
Jannah
26 يناير، 2007 الساعة 6:20 م #768007ميلاغروسمشاركاسعدتيني اختي على مروركٍ الرائع
تقبلي فائق الاحترام
26 يناير، 2007 الساعة 9:47 م #768109(صمت المشاعر)مشارك27 يناير، 2007 الساعة 5:32 ص #768165ميلاغروسمشاركشكرا لمرورك
اسعدتني ..بردك…
لك من اطيب تحية
-
الكاتبالمشاركات
- يجب تسجيل الدخول للرد على هذا الموضوع.