——————————————————————————–

بسم الله الرحمن الرحيم

قصيده لشاب ماتت امه وهو يقود السياره بتهور
وحصل لهما حادث… نجا هو وماتت أمه
……………………………………..

يواسني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ماتمشيني

قتلت رعايتي بايدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحي ولكني عجزت الاقي اللي يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ماأسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يضنون حزنهم اكبر وهم اصحاب هالمأسات

وانا اتحدى اذا فيهم ربع ماحترق فيني

نقص قدري بعد موتك وغابت نسوة اللذات

وصار الهم عكازي اباكيه ويبكيني

عطيتيني بدون حساب ولا سمعتك تقولي هات

وانا اشرب من دمك ودمك مايكفيني

يايمه ارجعي كافي ابجلس معك لو لحظات

واقبل ايدك ورجلك وافرشلك رمش عيني

يايمه ماأتحملهم يقولو فات ماقد مات

تعالي غيري هالقول واطيعك باقي سنيني

واترك عادة التدخين وانفذ ماتبين بسكات

واصلي الفجر بالمسجد قبل ماتصحيني

يايمه ارجعي تكفين وطفي شمعة الاهات

ابيك انتي ولا غيرك على موتك يعزيني

وضميني وداويني مثل ماكانت الهقوات

ماابي احد يواسيني ابيك انتي تواسيني

دخيلك بس لاتبكي اذا شفتي بي الدمعات

انا ماأقوى ابكيكي اذا انتي تبكيني

“((ابي اذكر كل شخص مقصر مع امه))”
اللهم أطــل في اعمار امهاتنا وسعدنا على طاعاتهم وبرهم
وادخلنا في جنات النعيم……..

“اللهم امــيــن”

تحياااااااااااتي

(( عزف المطر ))