- This topic has 4 ردود, 4 مشاركون, and was last updated قبل 17 سنة، 7 أشهر by
.
-
المشاركات
-
عراقي يااغلى من هلي شلون ننام وانت مجروح وحزين
واشلون تغفه عيونه واحنه عليك محترگين
ونسمع صرخات صوتك وانت تدورلك معين
تدور العون من بشر غارگين بزمن اقدم من زمن الفراعين
بشر من يشوفوك متعذب لو ينقهرون عليك شويه ويگولون عن اهلك خطيه ومساكين
لو يگولون عليهم حيل بيهم ومستاهلين
ليش نستاهل دگولولي يلي يسموكم عرب ومسلمين
نستاهل لأن چنه محكومين من ناس يمكن صدك چانو ضلام ويمكن چانو مظلومين
ومهما چانو مو ذنبنه لأن ماكو قانون بالعالم يحاسب بشر على اخطاء الاخرين
لو نستاهل لان چنه نگول ارض القدس لازم ترجع لأهلهه وبرجعتهه احنه ملزومين؟
لو نستاهل لان چان عراقنه حاضنكم ياعرب بوقت چنه احنه اهله نادراَ ماننام شبعانين ؟
ولكم دشوفوه لهذا عراقنه إلي چان مدوخ امريكا والي چنتو منتضريه يرجع القدس ويهزم الاسرائيليين
شفوه شلون متعذب وشلون اهله ضايعين
ضـــــــايعين ومتشرديـــــــن ومحرومين من ابسط حلم هو لمتهم وي اهلهم لم حلوة مليانه بحب وحنين
حته لمة الاهل انحرمنه منهه بسبب ظلم الظالمين
وهذا عراقنه فارگ اهله العراقيين
إلي مات وإلي هاجر وإلي صار ويه المعتقلين
اما إلي بقو تـــــــــــايهين ومســــــــاكين ومجانين إنضحك عليهم وصارو همه سلاح الامريكي اللعين
صارو مثل الوحوش واحد ياكل الثاني والعجيبه كلهم عراقيين
صحيح سنه وشيعه بس والله الكل مسلمين
على عيونهم غشاوة خلتهم اعمى من العميين
راح عن بالهم عراقهم إلي ينزف وهمه ملتهيين
ولكم اصجو مو حتى اهل الكهف گعدو وانتو بعدكم نايمين
ولكم وطنكم هذا داوو جراحه مثل مارباكم وداواكم سنيــــن
ورجعونه لأيام الفخر من چانو يسألونه (انتو من وين؟) وانگول برفعة راس احنه عراقيين
ويگولونه عفيه عليكم بعدكم سباع وبقيتو صابرين
وهسه تالي الوكت صرنه منبوذين
وصارو يسمونه حراميه وارهابيين
يالله دصفو گلوبكم وصيرو متحدين
ورجعونه احنه المتغربين والمشتاگين لتراب الوطن ولحضن اهلنه ولتمر البساتين
والله مشتاگه للمة هلي من چنه نگعد مجتمعين
ومشتاگه لضحكنه ولبچينه ولعبنه مثل المجانين
ومشتاگه لسوالفنه الحلوة ومشتاگه حتى للجوارين
ومشتاگه لبيتي آآآآآآآآه بيتي إلي گعدته تسوه عندي كنوز العالمين
والله احلامي سهله بس ليش احنه محرومين؟؟
محرومين من كلشي حلو مو بس هسه هذا الحرمان من يوم إلي صرنه بهالزمن اللعين
إانحرمنه من حضن ابونه وكلنه يالله لازم نرضه بحكم ربنه ونكون من الصابرين
لأن ايمانه بالله قوي ولأن احنه مؤمنين
لكن ننحرم من بلدنا ومن اهلنا ومن الراحة والامان والله هذا اكبر ظلم ياظالمين
وارجع واگول هذا الحرمان مو بس هسه هذا الحرمان من يوم إلي صرنه بهالزمن اللعين
بالله عليكم يااهل الثمانين
تتذكرون من جنه صغار شكد مرت علينه ايام وانحنه جوعانين؟؟
وشگد چانو بنفس الوقت اطفال بعمرنه مترفهين؟
وكبرنه وظلينه محرومين وظلو الباقين مترفهين
ياترى لشوكت راح تبقه هيج مخربطة كفوف الموازين
ولشوكت راح يبقه ويانه هالحرمان سنه؟؟ سنتين؟؟ لو عشرات السنين؟؟
وراح نبقه ننتضر شيصير ونبقه هيج صافنين؟
لا لازم مانبقه هيج لازم نصير كلنه اخوان ومتحدين
ونبني عراق الخير ابو تراب الذهب وماي العذب ونخليه جنه واحنه كلنه اهل واصحاب واخوان على ترابه عايشين
بسم الله الرحمن الرحيــــــــــــــــــــــــــــــــــــــــــــــــم عاشقة الموت………………مساؤك خيرا”
كلماتك جميلة ومؤثرة في الصميم…………………..
وجدت جميع مفردات المعاناة الحقيقه للاغتراب فيها
وهذه لايعيها حقيقتا”……………ألا من عاشها ويعيشهاعاشقة
كتبتي كلام صحيح وصريح…………….جزاكي الله خيرا
وبارك الله فيكــــــــــــــــــــــــــــــــــــــــــــــــــــــيتقبلي احترامي وتقديري
د.انمار السعيد
بسم الله الرحمن الرحيم
الهم صلي على محمد وال بيت محمد
اهلا وسهلا بك واله عاشقه على كلماتك الرائعه
ربي يزيد عليك الأكثر الأحسن ان شاء الله
ربي يعطيك العافيه والى الأمام احسن ان شاء الله تحياتي اليك
اسامه الحزين
- يجب تسجيل الدخول للرد على هذا الموضوع.