ياالله ياحال الأمور المهمه
تجلا وجع قلب برا حال راعيه

البر دجته والبحر رحت يمه
يقطعك ياحظ على الله مشاكيه

يوم ان ولد الاش رزقه على امه
رزقي على اللي ميت القشع يحيه

يامل قلب كل مامات همه
دارت دواليب الدهر لين تحييه

فراق شمل الناس عيا يلمه
وقت يشيب الراس من شاية فيه

احد ينام ويحط راسه بكمه
واحد يخم النوم عينه ويخطيه

واحد يحاول بالردى بنت عمه
واحد يدور ستر عذرى عوانيه

ماني وانا بندر بياع دمه
يلعنك يابياع دمه ومهفيه

اللي يبيع لابسات الأزمه
خبل يبا بيض الرعابيب تغنيه

يزعل اليا جت ليلة الدور يمه
يرضى بسوق المال فخوه وفي ابيه

خطو البخيل اللي كبير معمه
يغرا الكتاب والجب الله يخليه

اما هرج لك في رفيق بنمه
ولا عطا وامه تضيع هقاويه

انشدك باللي كل فرض تتمه
تقرا الكتاب وكل فرض تصليه

ويش القليب اللي عميق مجمه
مافاد غرسه ماه عطشن سوانيه

تخالف الأنظار شرق ويمه
وكل هذف رايه من الناس مغنيه

سم السبب ياعارف عنه سمه
سم السبب ياعارف قبل اسميه