السلام عليكم ورحمة الله وبركاته

كل عام واعضاء وزوار هذا الصرح الشامخ (( مجالسنا)) بألف خير

ومن العايدين قبل الزحمه وبالزحمه وبعد الزحمه

وكل الشكر لمن قدم لي الدعوه

لكم هذه المتواضعه اللتي أمل من الله ان تنال إعجابكم

وهنا سؤال / هل هناك عيد دون الحبيب ؟؟

\
/
\

العيد شرّف والحبايـب بعيديـن
وقلبي يتوق متايق الطير قرنـاس

للي لهم في وسط قلبـي مياديـن
واللي غلاهم ماله اليـوم مقيـاس

لاشك أبفرح فرحة العيـد عيديـن
عيدي وعيدك يابعد كل هالنـاس

الناس تفرح لابسه ثوبها الزيـن
وأنا في شوفك أتـردد بالأنفـاس

أكنّها بالصدر مـن بيـن لا بيـن
وأقولها بالصوت وأدق الأجـراس

ماغيرك اللي تارسه محجر العيـن
وماغيرك اللي يزهي الزين بلباس

أنتي الوحيده من تقود المزاييـن
وأنتي الفريده والحلا فيك مغراس

وأنتي لا هنتي هالليالي وبعدين
مضرب مثل للناس من فوق الاقياس

يا بنـت شيـخٍ قايـدٍ للسلاطيـن
معرّبه من جدّها لآخـر السـاس

يا عقد لولو .. يا خلاصة مراجين
ياذا العقيق النادره بين الألمـاس

ياجوهره.. يا كبريـاء العناويـن
يا جنس نادر.. فارعٍ بين الأجناس

يا أحلى قصيده دونت في دواويـن
كلاً قراها مدوّنـه وسـط كـراس

ياعود غصنٍ منثني في بساتيـن
انتي الأميره لا ولا شيخة إحساس

إحساس يعني ساريه بالشراييـن
متمكنه فيني من الساس للـراس

في حق حبك سقتها وين ياوين
شاعر وعمري فاقده فيك ياياس

خليت لك قلبـي بهالعيـد قلبيـن

وأنا أتوووق متايق الطير قرناس

/
\
/

وسلامتكم

والله يعيده علينا وعلى جميع الامه الإسلاميه