- This topic has 325 رد, 19 مشارك, and was last updated قبل 17 سنة، 8 أشهر by
.
-
المشاركات
-
تبرّا
غناء: نوالتبرا حبيبي مني تبرا
أعزي الحال وأشكي واعليّه
نسى انه تحت فيّ تدارى
هني الزاد وكلته بيديه
ألم له كنار سدرتنا وأصره
وأقدمه له إذا أقبل هدية
على نفسي أنا أجدمه وأبره
وأخلي دنيته الدنيا الهنية
عقب هذا صفيت اليوم بره
جميع الناس تتشمت عليّه
أنوح الليل ووسط الجوف حره
ألا والحال حال الراعبية
أرددها وأقول ألفين مرة
توافيقي بهالدنيا ردية
وأظن عقبي ترى ما حد يسره
ولا هالناس يحسبها سوية
تدري ولا ما تدري
غناء: نوالتدري ولا ما تدري
أحبك يا بعد عمري
لو صوتك يغيب عني
صدقني يضيق صدري
كل لحظة أنا أشتاق
لك يا سيد العشاق
عسى الله لا يجيب لحظة
يخلي بيننا فراق
غلاك اليوم تدري به
هواك قلبي شسوي به
أنا ما أقدر على فراقك
حرام القلب تعذيبه
أنا عنك ما أستغني
ومنك الله لا يحرمني
أحس إني على أعصابي
دقيقة لو تروح عني
تهددني
غناء: نوالتهددني تحب ثاني
وتنسى الحب وتنساني
نسيت انك في كم مرة
عجزت إنك تتحداني
أنت أتحداك .. أنت أتحداك
إذا عزمت في فرقاك
إذا شفتك المفارق جد
تتوب تقول لي أنسى
أبيك تجرب الهجران
أبيك تروح للنسيان
أعرفك لو مشيت ورحت
تجيني محترق ولهان
حبيبي لو قدرت تروح
تفضل وابتعد مسموح
مسامح ما يجيك اللوم
مصيرك لي تجي مجروح
يا عمري لو زعلت إهدى
وخل الصمت لك مبدى
أنا مابي بالتجريح
إذا طال العتب تبدى
صحيح إن الزعل قاسي
كبير ويجرح احساسي
ولو وصلك صدقني
غرامك تاج في راسي
شمس وقمر
غناء: نوالتدري أنا وياك قصتنا مثل شمس وقمر
من أول الوقت حتى آخره ما ينتهون
كل يدور صاحبه
حكم القدر تشرق تبيه يغرب يبيها
وفي السما يتخالفونتدري أنا ماعاد أظن إن لي معك قسمة
ويا عزتي كل القدر هو نده هو خصمه
قاوم هبوب العاصفة وهدته نسمة
نسمة رقيقة ظالمة ما بقلبها رحمة
يا من عرفني الليل واقف على بابه
لأصرخ وأهد الليل ما أتحمل غيابهآه يا حبيبي للأسف ما بيدنا حيلة
هذا نصيب قلوبنا ويا علها خيرة
كل شي حبيبي بينتهي وحبنا خالد
صفحة تشع من البياض الله بها شاهدغالي غالي
غناء: نوالغالي غالي لو يبعد مهما يطول الصد
شوفة الحبيب ساعة عقب البطى تسعد
يا لايم المبلي كم واحد مثلي
كل الهوى بلوة للي يحب ويود
غالي غالي لو يبعد مهما يطول الصد
شوفة العزيز ساعة عقب البطى تسعد
أنا الذي أهواه وعنه الصبر ما أقواه
لو طالت الأيام كل يوم أقول يرد
إنت الذي في البال وإنت بريت الحال
أشكي وأقول خلي ليش الجفا والصد
القلوب الساهية
غناء: نوالحسبت اشواقنا غابت وأثاري الشوق تو ما فاق
وأثاري بقلبي الساهي حنين لك بعد باقي
أنا ما كنت أحسب أن القلوب الساهية تشتاق
ولكنت أحسبك في يوم تجي وتحرك اشواقي
سهيت بصفحة كتابي لقيتك بأول الأوراق
أنا لاهي مع كتابي لقيتك كلك أوراقي
ألا يا حبي الأول ألا يا غايتي مشتاق
هقيتك مانت في قلبي وأثرك داخل أعماقي
من أشواقي أهلي بك حياتي والغلا سراق
نعم لأجلك سهى فكري حياتي وكنت لي باقي
أهلي بك من الفرحة أهلي بك من الأعماق
حسبتك ما انت لي باقي وأثرك مالك اشواقي
لقيت روحي
غناء: نواللقيت روحي بعد ماأنا لقيتك
بعد اللقا أرجوك لا لا تغيبي
صعب علي أبقى وأنا ما نسيتك
إحساسي كإني بين ربعي غريبي
كل ما تبي من عمري أنا عطيتك
حتى الخفوق ينطق بكلمة حبيبي
ليت النجوم تقبلها مني ياليتك
في كل فجر بأقول يا شمس غيبي
كم لي أصيح وأقول ياني فديتك
ما عاد شي من نصيبي نصيبي
يا كل عمري بعهد وفيتك
إنت حبيبي وباقي لي حبيبي
في هاجسي وحلمي ووهمي لقيتك
حتى الأماني في الأمل لك تطيبي
أبد ما أظن إني في لحظة نسيتك
وإن كان ذا ظني فالله حسيبي
وهذه مناتي بعد ما أنا لقيتك
أبي حياتي تهتويني حبيبي
نساني
كلمات: أسير الشوق
غناء: نوالعرفت الناس والدنيا وطريقي
وعرفت إن الهوى كذب وأماني
خذاني الشوق والحب الحقيقي
لذاك اللي عقب ودّه جفاني
نساني للأسف في عز ضيقي
وأنا في غمرة جراحي أعاني
لقيته في هوى غيري غريقي
تنكّر من هواي ومن حناني
هني اللي في هالدنيا طليقي
وما له صاحب مثله أناني
ألا وينك أنادي يا رفيقي
بعد حبه فلا بي حب ثاني
ربيع القلب
غناء: هندهلا باللي يراضيني
ربيع القلب وألوانه
هلا به يوم يناديني
أعوف الكون علشانه
هلا والله لين أقبل
يناجي الروح ويتدلل
وهو في غيبتي يسأل
فداه العمر وأزمانه
حبيبي ولو عليه أزعل
ومهما صدنا طوّل
علشان عيونه بأتحمل
وأضيع بروضه وريحانه
ناوي ع البعاد
غناء: وردةناوي ع البعاد
ناوي تفوتنا وفايت البلاد
وفايت قلبي يوم الميعاد* * *
بعد ما قلنا حبينا
أتاري الفراق ناوي يجينا
وياخد اللي فاضل لينا
وياخد اللي فاضل لينا تاني* * *
بعد ما قدنا الزينة
جم وقالوا لي يا مسكينة
حكم الزمان تبقي حزينة
حكم الزمان تبقي حزينة تاني* * *
قلت اللي فات من أيامي
ما يسوى جرحي وآلامي
مهما اشتكيت عمر كلامي
مهما اشتكيت عمر كلامي واصل* * *
قالوا الزمان ح يداوينا
من اللي هجرنا ونسينا
قلت اللي يقدر يداوينا
قلت اللي يقدر يداوينا واصل* * *
بعد ما دوبنا وبقينا
في الدنيا دي وحدينا
بتقولوا ده بيبكبي علينا
بتقولوا ده بيبكبي علينا تاني* * *
أدي حكايتي وكلامي
يكفى يا ناس والله ملامي
ياما تعبت في أيامي
ياما تعبت في أيامي واصل
- يجب تسجيل الدخول للرد على هذا الموضوع.