أعتب عليه
غناء: عبدالله رويشد

أعتب عليه يطلع عتابي له رجى
أزعل عليه ألقى فؤادي له لجى
لكن إذا شوقي سجى أنسى عتابي و الزعل
ويفز قلبي لشوفته
ما كنّه شي منه حصل
أعتب عليه

مقبول منّه ما يقول
يطرب فؤادي لينقال
عاتب تشرّه في حياء
القصد يبدي بالسؤال
من شوقي له أوله عليه
حتى وأنا إيدي بيديه
وأرد أحاول أنفعل
وأبدي ولو بعض الزعل

بدال ما هو يعتذر
أبدي أنا بالإعتذار
وأحمّـل النفس الخطى
أنا سبب كل إللّي صار
وألقاني في لحظة أسـف
الوقت في عيوني وقـف
وأرد أحاول أنفعل
وأبدي ولو بعض الزعل
لكن إذا شوقي سجى أنسى عتابي والزعل
ويفز قلبي لشوفته
ما كنّه شي منه حصل
أعتب عليه

بوناصر
غناء: عبدالله الرويشد

يا بوناصر واعذاب العين من شي تشوفه

كل ما شافت لها زول عجيب ولعتني

ولعتني في صغير السن ماهي بمعسوفه

ويش أسوي يا بوناصر عيني اللي غربلتني

ولعتني في غزال ما حلا قصة زلوفه

يوم شفته يا بوناصر في مكاني حيرتني

لو تشوفه يا بوناصر ما اتعداه وتطوفه

كان تشكي مثل ما اشكي من عيون صوبتني

ليت ما شفته ولا قلبي غدت فيه الحسوفة

قبل أشوفه مستريح يوم شفته دودهتني

يوم قفت كأن عيني من سبايبها مخطوفة

تزعج العبرات عيني في منامي كدرتني

عاااد مو كلمات روعه

يسلمووو دي دي

تصور
غناء: عبدالله الرويشد

تصور لو خلت هالديرة من عينك ولا تعود
ينبت عليها الحزن واصير أنا كالعود
شوف الألم ما برح في مهجتي والعين
طيرني مرة بفرح خلني الاقي عين
تروي عطش دمعتي يكفيني طول البين
لا عدم صوتك ولا خلا منك مكان
يا احلى ايام العمر يا اغلى كلمة في الصدر
شوفة عيونك منيتي لكنه مو بيدي

يا فلان ياللي مطر صوتك على بابي
انت السما ودنيتك اكبر من عتابي
تصور لو خلت هالديرة من عينك وش اشوف
ينبت عليها الحزن واصير انا في غيبتك كالعود
لا عدم صوتك ولا خلا منك مكان
يا احلى ايام العمر يا اغلى كلمة في الصدر
شوفة عيونك منيتي لكنه مو بيدي

يا فلان ياللي ضحتـك غنوة على عيني
تسألني كل البشر عن دمعتي بعيني
تصور لو خلت هالديرة من عينك وش اشوف
ينبت عليها الحزن واصير انا في غيبتك كالعود
لا عدم صوتك ولا خلا منك مكان
يا احلى ايام العمر يا اغلى كلمة في الصدر
شوفة عيونك منيتي لكنه مو بيدي

خسرتيني
غناء: عبدالله الرويشد

صدق ضني و زرتيني بعد ما طول غيابك

بعد ما هانت أيامي على عمرك ذكرتيني

بعد ما أنكرك وقتك عرفتي قيمة أحبابك

بعد ما أستيقظ إحساسك وتفكيرك فقدتيني

بعد ما تاهت دروبك وكحّل حزنك أهدابك

بعد خذلانك إحساسي بدمعاتي بكيتيني

بعد ما ضاعت أحلامك وضاع الشوق بأسبابك

بعد ما حطمك يأسك بعد ياسك رجيتيني

تحسبيني على خُبْرِك أموت وأحيا بك

أنا لو ما نسيت الود ما أنسى إنك خذلتيني

وكيف يسامحك جرح السنين ورحلة عذابك

خسرتي كل شي أدري ومع هذا خسرتيني

رحلتي
غناء: عبدالله الرويشد

رحلتي وتركتيني شماته وحكوه بلسان البشر
وجهلتي من فدى عمره وحياته وحاشه غربال وسهر
أثاري كل ما قلتي كلام في كلام
يا ويلي ما بقى صاحب وعلى الدنيا السلام

صحيح اني لمست الجرح وعانيته
وصحيح اني بطول الصبر داويته
ولكن ما وطى راسي ولا إحساسي ترجى فيه
وأنا في عزتي وذاتي طويت بحاضري ماضيه
أثاري كل ما قلتي كلام في كلام
يا ويلي ما بقى صاحب وعلى الدنيا السلام

تعبت وأنا أسامح فيك في كل حزّه
ولي عزة مثل ما إنت لك عزة
عرفت الناس والدنيا نادر الوفا فيها
عرفت النار ما تحرق إلا ريل واطيها
أثاري كل ما قلتي كلام في كلام
يا ويلي ما بقى صاحب وعلى الدنيا السلام

عذرك معك
غناء: عبدالله الرويشد

عذرك معك عذرك يا آسري معذور

وانت الذي قدرك عيني وعلى راسي

عندي أمل منك كل شي عليه مقدور

وانت الذي حسنك في مهجتي راسي

لا الوقت هو غرك ولا انت ابد مغرور

وانت الذي كل عمرك ما قلت لي ناسي

ملزوم انا اعذرك ما قط بديت قصور

ووفيت من صغرك وملكت احساسي

ليلة
كلمات: ماجد سلطان
غناء: عبدالله الرويشد

ليلة من بد الليالي
عيت عيوني تنام
ما درى خلي بحالي
طول ليلي ما أنام

* * *

وان درى ليته يبالي
ويعرف سر الغرام
ما درى خلي ش جرى لي
يا ملا والله حرام

* * *
يحسب ان الحب تسالي
ما عرف معنى الغرام
علتي أبكي لحالي
وش يفيد كثر الكلام