كيف ترفع ضغط شرطي وماتاخذ مخالفة اذا صادك الردار ورط رجل المرور بهذى الطريقه
رجل المرور : ممكن رخصة السواقة؟
السائق: آسف رخصتي ملغية لأنها أنتهت ولا جددتها.
رجل المرور : طيب أوراق ملكية السيارة؟
السائق: هذي ماهي سيارتي ، أنا سارقها .
رجل المرور : تقول السيارة مسروقة ؟
السائق: أي نعم ، بس لحظة تذكرت ، أظن أني شفت أوراق ملكية السيارة في درج السيارة لما حطيت مسدسي فيه.
رجل المرور : معك في درج السيارة مسدس بعد ؟
السائق: أي نعم ، حطيته بعد ما قتلت به صاحب السيارة وحطيت جثته في صندوق السيارة .
رجل المرور : وفيه جثة معك في السيارة بعد ؟
السائق: أي نعم.
المسكين رجل المرور سمع ها الكلام قام على اتصل وكلم الضابط المناوب حقه وبلغه باللي سمع من السائق وبسرعة جت سيارات الشرطة وحاصروا السيارة ، جا الضابط وقرب من عند السائق وقال أتأكد أول.
الضابط: ممكن أشوف رخصةالسواقة ؟
السائق: أكيد ، تفضل ،وكانت الرخصة سليمة.
الضابط: سيارة مين هذي؟
السائق : سيارتي، وهذي أوراق ملكيتها.
الضابط: لو سمحت تفتح الدرج بهدوء عشان أشوف إذا كان فيه مسدس؟
السائق: بكل تأكيد ، بس ترى ما فيه مسدس ، حتى شوف ما فيه أي شي في الدرج.
الضابط: طيب إذا سمحت تفتح صندوق السيارة أبلغوني أنك قلت أن فيه جثة في الصندوق
السائق: ما فيه مشكلة ، الصندوق أنفتح ، ما ما فيه جثة .؟؟
الضابط: شيء غريب ، الشرطي اللي وقفك قال أنك قلت له أن ما معك رخصة وسرقت السيارة ومعك في الدرج مسدس وفيه جثة في صندوق السيارة
السائق : حسبي الله عليه .. الكذاب ، أكيد بعد قال لك أني مسرع صح
السلام عليكم الله يعطيكي العافية موضوعك كتييييير حلو
الكاتب
المشاركات
مشاهدة 3 مشاركات - 1 إلى 3 (من مجموع 3)
يجب تسجيل الدخول للرد على هذا الموضوع.
يستخدم موقع مجالسنا ملفات تعريف الارتباط الكوكيز لتحسين تجربتك في التصفح. سنفترض أنك موافق على هذا الإجراء، وفي حالة إنك لا ترغب في الوصول إلى تلك البيانات ، يمكنك إلغاء الاشتراك وترك الموقع فوراً . موافقإقرأ المزيد