~~~~~~~~~~~~~~~~~~~{ الفصل الثالث }~~~~~~~~~~~~~~~~~~~
{العـــــــــــــــــــار}
الجميع أحس بان هناك شيء غريب في المكان , فالسكون غريب وتكاد تكون كل الانوار مطفأة…
وفجأة فتحت كشافات المعسكر كاملة , وكانت جميعها موجهه نحو السيارة التي يقودها عبدالمحسن , وبعد لحظة من الزمان , بدأ يتبين الموقف لجميع من كان في السيارة , فكان جمع كبير من الجنود موجهين فوهات مدافعهم ومسدساتهم نحو خالد وزملائه , وتبين أن قائد الكتيبة موجود أيضا..
همس اللواء قائد الكتيبة مع مساعده العقيد , وذهب …
أمر العقيد مجموعة من الجنود بأنزال كل من في السيارة , والذهاب بهم الى خيمة الحجز………..
سكون غريب كان يعم المكان في خيمة الحجز, وكسر عبدالمحسن حاجز الصمت بقوله..
عبدالمحسن : وش راح يصير الحين بنا يا جماعة…
يوسف : هذي يسمونها عصيان اوامر عليا أثناء الحرب , وفيها ذبح , خلونا نتمنى انها تصير على فصل تاديبي , بس لازم نجيب سبب مقنع لخروجنا من المعسكر…..
محمد : تبينا نكذب
يوسف : أنت شايف حل ثاني؟؟ لونقولهم أنا رحنا عشان نجيب رسالة ما راح يصدقوننا , وراح تبدأ الشكوك ….
أحمد : أنا رايي من راي يوسف , نعطيهم أي سبب مقنع.
عبدالمحسن : أنا ما أعرف أكذب.
وبدأ صوتهم بالارتفاع…..
يوسف : شف أنا ما راح أموت بتهمة الخيانة .. أنت تسمع؟؟
محمد : أنا اقول نقولهم الصراحة , وندعي ان الحكم يصير مخفف…
أرتفع صوتهم أعلى وأعلى …. حتى تكلم خالد بصوت عالي ….
خالد : ياشباب ؟؟
سكت الجميع…
خالد : أنا اسف جدا أني جريتكم معي وسببت لكم هذي المشاكل , وأنا راح أحلها لكم , راح نقولهم أني أجبرتكم وبقوة السلاح , وبكذا تطلعون منها….
أحمد : أنت انهبلت , محد مننا راح غصبن عليه , صحيح أننا رحنا عشانك…
وقطع كلامه صوت جندي يدخل الى الخيمة , ويطلب خالد للتحقيق معه…
راح خالد عشان يحقق معه …
دخل خيمة اخرى , وكان موجود فيها العقيد ومساعده رئيس الكتيبة , والميجور , وجندي سعودي يكتب المحضر…
مرت حوالي نصف ساعة قبل أن يعود خالد الى خيمة الحجز …
وذهب بعده يوسف .. ثم أحمد .. ثم محمد .. ثم جاء الدور على عبدالمحسن…
كان عبدالمحسن يسأل كل شخص يأتي من التحقيق , لكنه لا يأخذ أجابة شافية , فالكل ياتي من التحقيق منهك , ولا يريد الكلام…
ذهب عبدالمحسن الى خيمة التحقيق , يقوده الجندي …
دخل الى الخيمة ووقع نظره على الميجور , فبدأ بالقلق , وبدأ العرق يتصبب منه…
قال له العقيد : هلا عبدالمحسن .. تفضل أجلس.
جلس عبدالمحسن على الكرسي , وكانت بينه وبين العقيد طاولة , وكان العقيد قد وضع قدميه على هذه الطاولة , وفي الزاوية كان يجلس الميجور الامريكي …
العقيد : يالله قلنا وش القصة , وشلون جرجروك هاذولي السرابيت معهم .. أنا عارف انت عاقل ومنت راعي خرابيط.
عبدالمحسن : الصراحة أنا السبب .. أنا كان عندي غرض في الموقع .. قاطعته ضحكة كبيرة للعقيد..
العقيد : كان عندك غرض ناسيه في الموقع القديم واجبرت البقية أنهم يجون معك.
الصراحة أنا حققت مع ناس واجد , بس مثلكم يالخمسة ما شفت , يعني بالعادة ندور على المذنب , بس في هذي القضية كل واحد منكم يقول أنا !!
أشار الى الجندي , فأخذ الجندي عبدالمحسن الى خيمة الحجز..
ومرت الدقائق كسنوات على الخمسة المحتجزين , ولم يذق أي منهم طعم النوم , فقد كانوا يعلمون أنهم في مأزق..
وبعد صلاة الفجر في اليوم التالي , دخل العقيد الى خيمة الاحتجاز , أمر المحتجزين باتباعة , وكان ومعه ثلاثة جنود , فتبعه الخمسة , ولا يدرون الى اين ينقادون , ولم يتم وقت طويل حتى عرفوا أنهم في طريقهم الى خيمة .. اللواء ..
دخلوا مكتب اللواء , أدوا التحية جميعا , ثم قال اللواء
اللواء الحقيقة أنا اخجل أن أعلم وجود نوعيتكم في كتيبتي ,وانتم عار على السعودية , وتصرفاتكم الصبيانية تدل على عدم أهتمامكم بقضايا الدولة , وتصرفاتكم أثناء التحقيق تؤكد هذا الشيء.
خالد : سيدي سعادة اللواء , في حقيقه يجب أن تكون معلومة عند سعادتكم..
اللواء(مقاطعا) : أنا ما اعطيتك الاذن بالكلام يا رقيب ..
الحين أنتم مالكم مكان في كتيبتي , ومن الممكن أن أصفيكم بتهمة عصيان أوامر عليا أثناء الحرب , ولكن ولمعرفتي السابقة بوالد أحمد ومحمد وكان رحمه الله عليه نعم الرجل , ولكنه ما عرف يربي عياله للاسف , ولعلاقتي السابقة به , راح أستخدم صلاحياتي , وراح أخفف الحكم الى فصلكم فصل تأديبي , وراح يكون فيه تحقيق معكم بعد أنتهاء حالة الحرب , بس أنا ما راح أستخدم صلاحياتي الا اذا أعطيتوني السبب الحقيقي اللي خلاكم تسرقون سيارة الميجور وتطلعون بها خارج المعسكر .. من أكبركم رتبة؟؟
خالد : أنا طال عمرك , الرقيب خالد
اللواء : وش طلعكم من المعسكر؟؟
خالد : أنا نسيت غرض في مكاننا القديم , ورحت عشان أجيبه , وأخذت أحمد ومحمد عشان يدلوني , ويوسف هو اللي دبر لي السيارة عن طريق عبدالمحسن.
اللواء : يعني أنت الرأس المدبر؟؟
خالد : نعم طال عمرك , وأنا اللي سببت المشكلة من الاساس , وأنا اللي أستحق العقوبة , وليس هم.
اللواء : أحترم نفسك يا رقيب , مو انت اللي تحدد من اللي يستحق العقوبة , وعلى كل, وش الغرض اللي نسيته؟؟
خالد(بعد تردد) : نسيت رسالة من شخص عزيز.
اللواء : وش قلت؟؟..
رسالة؟؟.. أنت شايف أن هذا سبب مقنع ؟؟.. من مين هذي الرسالة؟؟..
خالد : من زوجتي طال عمرك.
اللواء(وهو يحاول أخفاء علامات الاندهاش من على محياه): طيب ..طيب أنا الحين عندي سببين لفصلكم, الاول اللي قلته , والسبب الثاني أنكم مجرد أطفال , وما كبرتوا , وتحطون أنفسكم وغيركم في خطر , عشان أشياء تافهه , ولانكم كلكم شاركتوا في هذي العملية اللي أقل ما أقول عنها أنها تافهه سخيفة , وأنا قررت أفصلكم فصل تأديبي , وراح أوفر لكم وسيلة نقل عشان تروحون فيها الدمام , وتسلمونها هناك عند قيادة الاركان , والحين أبغاكم تسلمون أسلحتكم وشاراتكم للعقيد , ومع السلامة , تأخذون عفشكم وتمشون الان..

وترقبوا الجزء الرابع قريبا ” تيـ جدة ـمو”