الرئيسية › منتديات › مجلس عـالـم حــواء › اعرفي عريسك بدري بدري ومن خلال طريقة اكله , صحتين !
- This topic has 3 ردود, 4 مشاركون, and was last updated قبل 17 سنة، 11 شهر by
noor_888.
-
الكاتبالمشاركات
-
18 سبتمبر، 2006 الساعة 11:02 م #59610
@@ اميره @@
مشارك1- إذا كان عادي يعني لا بياكل بسرعة ولا ببطء ولا دايما شبعان ولا مفجوع على طول .. يبقى شخص معتدل في عواطفه وقراراته ويبقى من آخر الرجال المحترمين.. استعجلي الزواج وحياتك رايحة تكون مليحة ..
2- إذا كان بيحب الأكل زي عينيه.. وأول ما يدخل من الباب وقبل ما يقول لك ازيك يقول لك ريحة القلي بتجنن يا روحي إنتوا عاملين ملوخية على أرانب؟؟.. أموت أنا.. ويقعد ياكل ويحشر لحد ما يغمى عليه.. يبقى إنسان طفس.. وهوائي.. وطايش.. وأوعي تتجوزيه أحسن ياكلك وانتي نايمة….؟؟3- أما إذا كان مش مهتم بالمرة.. لايقولك ده حلو ولا ده عادم ولا مالح ولا مستوي ولا لسه ني ولا بيعلق أي تعليق.. وعمره ما يقولك جعان أو شبعان .. يبقى إنسان مالوش لزمة.. وزي قلته.. وأنصحك بدل ما تتجوزيه إتبنيه.. وهاتعيشي إنتي الراجل والست في وقت واحد واعملي حسابك هتركبي وتدلدلي رجلييكي.
4- أما إذا كان بياكل زى ما يكون حد بيجري ورااااه وساعة الأكل بيجيله حالة صرع معوي.. ويقوم من ع الأكل قبل أي حد تاني. يبقى متسرع.. ومتهور في اتخاذ قراراته وممكن بعد الجواز يكتشف إنك لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة.. إخلعي إنتي بدري أحسن لكرامتك.
5- أما إذا كان بياكل على مهله.. ويمزمز.. في كل صنف لوحده.. ويسأل عن كل صنف إيه مقاديره ومعمول إزاي ويقعد يستطعم في الأكل من العصر للمغرب . حاسبي منه يا اختي ده النوع اللي له مخ.. وبيوزن الأمور بطريقه تفقع المرارة.. ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟ نظام شلل رعاش بدري…. بدري…. إخلعي يا أمي…
6- أما إذا كان بيقعد يقطع في الأكل زي ما يكون في خناقة ويخبط في الطبق من الغل.. ويقطع حتة اللحمة زي ما يكون بيدبحها.. ويتفتف.. ويتكلم.. طول ما هو بياكل لما يغرق وشك أكل.. ده شخص عصبي جدًاااا.. ومع أول خناقة هايروح مناولك بالكرسي في راسك أو بالسكينة في عينك يعمل لك عاهة مستديمة وبعدين.. يهدى.. ويقول لك: “سوووري يا روحي هي جت فيكي.. ماعاليش” وانت قوليله “معليش برَّه يا حبيبي وخد الباب في أيدك””
7- أما إذا كان دايما قرفاااان دايمًا مش عاجبه العجب ولا الصيام في رجب.. يع.. الملوخية تقيلة.. ياي.. السمنة كتيرة على وش الشوربة.. ياساتر.. دا محشي ولا صوابع مووووز.. أووووف.. الرز ماله.. يامَّه المكرونة
معجنة.. إذا كان كده توكلي على الله وهاتي مكنسة واخبطيه وأنا أعرف لك واحد محامي حيطلعك منها زي الشعرة من العجيييين والأحسن من ده كله.. مالها القعدة ف بيت أبووووووووكي؟؟
19 سبتمبر، 2006 الساعة 12:45 ص #715878سالي نور
مشاركيا سلام عليكي هيدا الحكي يا أما بلا
لسه بدنا نجرب ونشوف كيف بياكل وندخل لبيتوا
منكون نحنا أكلناها قبلوا
وهوي جالس مروقالله معوا من هلق
ههههههههه
من سالي نور
19 سبتمبر، 2006 الساعة 7:02 ص #715934الأرض الدافئة
مشاركصباح الخير أميرة
ههههههههههههه
خليه هو بالأول يجي وبعدين خير19 سبتمبر، 2006 الساعة 7:43 ص #715954noor_888
مشاركالله يستر منك يا اميرة ،،، من وين تجيبي هذه المواضيع ،، بس تسلم إيدك
-
الكاتبالمشاركات
- يجب تسجيل الدخول للرد على هذا الموضوع.