الأخوة الأعزاء

وصلتنى هذه الرساله بالإيميل و أردت إطلاعكم عليها, وأرجوكم قراءتها للنهاية

طبعا كلنا بنبقى قاعدين فى امان الله , و نلاقى الشيطان بيبسبسلنا , عن طريق فيديو كليب , او فيلم ((للكبار فقط!!)) , او بنت تقوم تضحك عليها و تاكل بعقلها حلاوة , او مكالمه هاتفيه تاكلى فيها خمسن كيلو من لحم اخواتك الميتين (( الغيبه )) , او مانيكير لونه جنان يبوظلك الصلاة لمده اسبوع , او كوباية سم هارى (( صنع فى امريكا )) , (( مش عاوزه اذكر اسم المنتج , احتراما لقوانين المنتدى , بس هى حاجه ساقعة حلوة اوى , صنعت فى اميريكا )) , او تحضير برشام لامتحان بكرة , اصل الفيزيا صعبه اويي
طبعا انا و انت و انتى و كل اللى قرا الميل ده و اللى ماقراهوش , بيعمل معظم الحاجات دى , و مهما قاوم نفسه مابيقدرش يوقف , و بينى و بينكم الشيطان شاطر اوى , يخرب عقله !
علشان كده , انا من خلال الايميل ده , بوجهلكم كلكم , دعوة لمعصيةالله
ياللا يا جدع , اصل بصراحه المعصية حلوة و ممتعه اوى , و بعدين احنا هانعيش كام مرة ؟؟ , الواحد برضه نفسه يبقى روش كده
ياسلام , انا شايفه ابتسامة فرح على وشك , اخيرا هانعصى ربنا , يااااه , انا فرحانه اوى
ياللا , قوم اتفرج على (( فيلم للكبار فقط )) , و انتى , ياللا ياختى , قومى اقلعى الطرحه دى , و انزلى مع ابن الجيران , (( يا بختك , ده زى القمر , لا و ايه , عنده عضلات , و كمان مجانس , أياه )) بس باقولك , اوعى تقوللى لمامتك و باباكى , دول دقة قديمة , و انت , مالك قاعد حاطط ايدك على خدك و مبلم ليه , ماصحح شويه , بكرة الامتحان , قوم يابنى حضرلك كام برشامه يساعدوك يمكن تفلح , ده الطب السنادى اخد 98%!!
بس استنى ! قبل ما تقوم , اللى اوله شرط , آخره اييه ؟؟؟؟؟ لا مش لمبة , آخره نور
معصية ربنا لها شروط , لازم تتوافر , و الا مع الاسف , مش هاينفع تعصيه
ايه , بوزت ليه ؟؟؟ طب اقرا الشروط الاول , مين عارف , يمكن تكون متوفة ليك
ياللا , سمى و اقرا الشروط
الشرط الاول : لازم تلاقى مكان تعصى ربنا فيه من غير ما يشوفك
الشرط التانى : تضمن ان ربنا مش هايحسبك
الشرط التالت : تضمن ان شوشو (( قصدى الشيطان يعنى )) مش هايطلع نذل معاك , و يوم القيامه هايقول لربنا (( سيبه يا رب , انا اللى وسوستله ))
الشرط الرابع : تضمن ان الرسول ((ص)) هايشربك من حوضه , مش هايقولك سحقا سحقا بعدا بعدا
الشرط الخامس : تضمن ان مالك خازن النار هايتعاطف معاك , و هايطلعك بره النار كام يوم بره النار و ليه الحلاوه
الشرط السادس : تضمن ان عزرائيل مش هاياخد روحك ساعة المعصية
الشرط الاخير : اضمن ان اعضائك مش هاتشهد عليك يوم القيامه (( زى ايديك و رجليك و بقك و غينك و …..))
_________________________
ها ؟؟ الشروط متوفرالك و لا لأ ؟؟
لو الشروط دى كلها متوفرالك , قوللى , و ايدى على ايدك نعصى سوا
يا جماعه امانه عليكم , اللى الشروط متوفراله يقوللى , و يرد عليا
اخوانى , (( ثم قست قلوبكم من بعد ذلك فهى كالحجارة او اشد قسوة و ان من الحجارة لما يتفجر منها الانهار و ان منها لم يتفجر منه الماء و ان منها لما يهبط من خشية الله و ما الله بغافل عما تعملون ))
مش حاسس انك عاوز تعيط , كنت من كام ساعه بتعصى ربنا , و ناسى ان هو اللى خلقك , فضلك على غيرك من المخلوقات و خلاك خليفته فى الارض !!
شكلك وحش اوى قدام ربنا , شكلك وحش قدام الرسول ((ص )) , الرسول الفلى بيعرف اخبارك كل يوم خميس , ياااا ساتر عليك , صحيح , الانسان صنف نمرود و قاسى و متكبر و مغرور
________________________________
ماعنديش كلام تانى اقوله , بس ارجوكم , بالله عليكم , اللى الشروط تتوافر فيه يقوللى علشان نعصى الله سوا
و السلام عليكم و رحمة الله و بركاته