السلام عليكم ورحمة الله وبركاته
احب ان اضيف لاشعاركم الرائعة بعض هذه الابوذيات البسيطة التي كتبتها …
وفن الابوذية من الفنون الشعريه الرائعة التي كثير ما تشتهر في جنوب العراق وهو عبارة عن ثلاث جناس لها نفس الكلمه ولكن تختلف في المعنى مثلاًً …
انطوى بيت الهوى سكفه والعتاب ( يعني سقط بيت العشق سقفه مع عتبت الباب )
وانا كلبي الجان اله بيكم ولع تاب ( يعني قلبي الذي كان فيه ولع الحب لكم تاب من هذا الولع )
ملامه ما بكت عندي ولا اعتاب ( يعني ليست لدي معكم اي ملامه ولا عتب )
بكه عندي الوفة للخان بيه ( يعني بقى عندي وفاء للذي خانني )
هذا ما يسمونه بالابوذية في عراقنا الجريح….. وهذه بعض ابوذياتي …ومن يسطيع ان يفسرها فاليشاركنا … وان شاء الله تعجبكم
من عدلي خذني الوكت الساعته عكربه
وماشيت كل البشر من طيبه وعكربه
ياصاح ما صاحبت مثلك ابد عكربه
تتعنى ليه بغدر واذب الي سماك
ياحيف اعل الكلب صاحب واخو سماك
ضوكتني مر عشرتك طعم العسل سماك
وادكلي هسه اعتذر شين الي عكبه
………………………
عراق الطيب لا تعتب عل الام
سنين تكابر بروحك عل الام
بجفوفه اجروحك التنزف علي لام
بعد لتخاف من اهل الرديه
………………………
جرت دمع النواظر منشفتها
بعد ياايد تنفع منشفتها
ابتروا جف العراق ومن شفتها
كطعت بجود اله اثنين اديه
…………………….
توحمت صبحه بيهودي ولابت
ومثلها لامره فجرت ولا بت
تنخت باهبل والات ولبت
نطوها اصدام المنغل هديه
…………………
تراها امريكا مشدوها وبلها
لون جيش الصدر يجدح وبلها
ورطه اتورطوا بينا وبلها
تضن انجوز من عدها الاذيه
………………
والسلام عليكم ورحمة الله وبركاته
اخوكم علي الشمري