للمتزوجات (( حركات ماراح تندمين عليها)) …..

——————————————————————————–

السلام عليكم ورحمة الله وبركاته ,,,,

كل وحده منا بالتاكيد تحب انها تكون سوبر ستار جدام زوجها وتكون دائما في باله وين ما كان حتى لو كان جالس معها ويسولف تبيه مايفكر إلا فيها وهذي عزيزاتي بمقدور كل زوجة تبي تحافظ على زوجها بس اكيد بعد جهد طويل من المعامله وحسن العشره والافكار اللي تبتكرها الزوجه بمهارتها وذكائها عشان تكسب قلب زوجها وحبيبها ….

واركز هنا على بعض الحركات اللي تسويها الزوجة حتى تكون دائما في بال زوجها :

==============================================

1- بيوم زيارتك لاهلك يعني اليوم اللي تزورين فيه اهلك طبيعي انك بتغيبين عن زوجك وبعضنا
ينام عند اهله : عطري غرفة النوم بعطرك الشخصي حتى اذا رجع زوجك البيت يبي ينام …. تذكر رائحتك وتذكرك ….

2- حطي على السرير وقت غيابك القميص اللي لبستيه ليلة البارحه واكتبي بورقة معطره ( حبيبي العمر بدونك ولا شي ) او ( احلى لحظه بحياتي لما …؟.) وكل وحده منكم عاد تحاول تتفنن بطريقنها بهالسوالف , او حطي القميص اللي بتلبسينه لما ترجعين ومكتوب على الورقه ( موعدنا ليلة كذا ) او ( لين انتلاقى يا حبيبي على خير … الله يصبرني على حرقة الشوق ).

3-اكتبي على المرايه بغرفة النوم ( انت قلبي ) او ( احبك يا بعد عمري )…

4- قصي مجموعه من الاوراق كميه لاباس فيها يعني عشرة أوراق تقريبا واكتبي على كل ورقه بيت شعر والصقيها بكل مكان بالغرفه مع قبلاتك على الاوراق …

5- حطي في سيارته عطر اشتريتيه له ويكون حلو وعاجبه بحيث يتعطر منه بكل وقت ( الدوام -المسجد الزيارات …) ووصيه بانه يتعطر وكل ما رش من العطر او حتى شافه بيتذكرك …

6- اهدي له ورده وكل ما تذبل اهديه ثانيه … واللي عندها حديقه ما تكلف على روحها بس تقطع وتعطيه والحلو إذا لون الورد احمر …

7- امسحي المخدة اللي ينام عليها بالعود أو أي عطر هو يحب يشمه فيك علشان لما بينام اخر ما يطري على باله انتي … ويشوفك بالحلم … ياسلالالالالالالالالالالالالام …

8- طبعا ما اوصي على المسجات الغراميه وقت غيابك عنه هذا دور التلفون حتى لو كنتي إني بالبيت وهو بالدوام

9- لما زوجك ينوي السفر حطي له رسالة حب بدون مايدري توضحين فيها عدم مقدرتك بتحمل غيابه وان حياتك بدونه صعبه .. واشرحي له مشاعرك وحلو لو تذكرينه بالله عز وجل وانك تدعين انه يوصل بالسلامه

10- دائما وفي آخر لقاء بينكم خلي اخر كلمة تقولينها كلمة حب وشوق او حتى كلمة طيبه
مثل ( اشوفك على خير يا عمري ) فوالله يا اخوات ان لها الاثر الطيب في نفس الزوج وحتى لو ما قالها لك او يوضحها بيحس بالراحه النفسيه اللي نادر ما يحس فيها بعض الازواج.

11- لما تروحين تتسوقين- اشتري له شي معاك ومولازم يكون غالي بس تظهرين له انه على طول في بالك وبالمقابل – وهني مربط الفرس- راح يستحي ويشتري لك هديه كل ما طلع للسوق او اي مكان … ( يمه من كيد النساء )

12- حطي في السياره أي شي تعليقه أو حتى معطر من ذوقك علشان كلما يشوفها يتذكرك.

طبعا لاتكودينهم كلهم مع بعض إنتي وشطارتك صدقوني حركات مجربه وناجحه أبي كل وحده تستفيد من تجارب غيرها وتجرب ماراح تخسرين شي والله هالحركات حتى بتفيدك خصوصا إذا زوجك زعلان منك أو ماخذ على خاطره منك
مع تمنياتي لكن حبيباتي بالتوفيق

دمتم بود أختكم
فريالــ ــة