ما بعرف كيف او ليش يوم بفيق رايقة و كل شي بعيوني حلو و يوم تاني ما شايفة شي و الدنيا سوداء بعيني و مسكر راسي و ما شايفة شي منيح,حتى نصف الكباية المليان بصير شوفو فاضي ..و من يوم اللي حبيت كبرت هالميزة عندي صارت الشغلة مش بس مزاجية ,صارت جنون و اكثر ..ما بعرف ليه صار كل شي يجرحني ,يزعلني ,يغير مزاجي 360 درجة ليه هلقد ما بعرف صرت يوم اللي بحس حالي كثير مشتاقة لحبيبي اوووف شو بشوف الدنيا سوداء و ما بينعاش فيها ,و بضل مزعوجة كل النهار و ما بيعود يطلع معي شغل و لا تفكير و لا شي بيصير راسي يشتغل بس كيف بدي شوفو ,كيف بدي حضر مفاجاة زغيرة تتطلع مهضومة و تعبر كثير عن كل شي عم حس في,مثلا مثل اليوم فقت من النوم ما بدي غير شوفو و هو اليوم بيتاخر ليوصل على المحل ,راسي عم يوجعني و ما عرفت اعمل شي غير فكر في و انو خلص صار لازم يجي و يقعد معي شوي ,طيب شو بعمل اذا اوفر دوز الغنج هلق تفجر معي و بدي يكون حدي ؟و مرات ثانية بوعى من النوم ماشي حالي و بروح على الشغل افكاري منظمة و مجتهدة و حماسية كثير بقول الحمد الله رح يطلع مني شغل
ما بعرف كيف مزاجي عم يتغير هيك بسرعة مع انو انا من النوع العاقل الرايق و اللي كثير بتحكم بمزاجو و صعبة يغلط بس يمكن مرات الدنيا عم تظلمني شوي كثير و بيصير كل شي معي فشة خلق مش اكثر
يمكن خلصت ,يمكن لا برجع بحكي معكن بعدين اذا لقيت شي زيدو 🙂

اتمنى ان تفهموا كلامي لانه باللهجه اللبنانيه

جنان