* الصدق من شيم الرّجال *

عن الكثير الصِّدق iiبَيسِد والصدق تشهد له iiمواريه
والرَّجال بالأعمال iiينعَد كانه وفي والاّ .. iiفتهفيه
والشهم يعرف يوم iiبيمد ويبين عند الناس طاريه
كانه قريب وكان iiمبعد باينشهِد باللى iiيسوّيه
والقرم يعله دوم iiيسعَد لي ايبين في الشطّات iiطاريه

* يعل نوٌن بانت مزونه *

يعل نوٌن بانت مزونه = يسقي الظفره ويرويها

لين يزخر عشب بينونه = والغزر تسقي سواقيها

والرمل يعشب ويرعونه = والبدو تزهي مبانيها

ويستجيم الغيث في السونه = شرق والوديان ييريها

واليبل تتدفق ركونه = ويملي القيعان ياريها

والغضي تتنقل ضعونه = لي هموم القلب يشفيها

وان عرض يمشي على هونه = بيس بالدنيا ومافيها

هو دعاه النفس ممحونه = والطبيب اللي يشافيها

محترم والناس يحضونه = لي وصوفه نافلن فيها

نطقته وان يات موزونه = من صخاوت نفسي افضيها

والملاحه فيه مكنونه = من لبوب الوشيٌ يكسيها

حي نسيم ياب

حي نسيمن ياب ذكراكم = بارد النسناس ذا النينا

ذكٌر العاشق بنجواكم = ف المنام ولا غضت عينه

سارحن فكري روياكم = يابديع الحسن والزينا

يابهي الخد نهواكم = والحياه بدونكم شينه

مايعوٌض حد ميراكم = حبكم راسي من سنينا

لو يطول الهجر ندراكم = ع عهود الحب وافينا

نبذل المجهود ف رضاكم = ونتٌحمٌل عتبكم فينا

مر حول ولا نظرناكم = ياشقى قلب المشقينا

حامت ضمانا علاماكم = ليش يالخلان قاسينا

اسعفونا لا عدمناكم = الوفى طبع المحبينا

دعَتْني وجيت للموعد وكنت مْن الفـرح كالطيـر
وجيت من العصر طاير مع ان الموعد المغـرب

وجتني بس مدري ليه شعرت الجيّة هذي غيـر
وهي تقرب من عيوني شعرت إن الممات أقـرب

وقلت الله يهوّنها عسى فـي جيّتـك لـي خيـر
انا من شفتك أقبلتي وانـا خايـف ومستغـرب

على كثر الحكي مـدري كأنّـه خانهـا التعبيـر
وقالت لي جُمـل وأشيـاء لا تكتـب ولا تعـرب

هدت فجأة تطالعني وأنـا فـي حاجـة التفسيـر
لجل نحكي بهدوء اكثر سألت: الحلوة وش تشرب ؟؟

فصاحت بي انا احبك ولك فـي هالحشـا تقديـر
وتدري ان المثل فيـنـا وفـي احساسنـا يُـضـرب

وكنت انت الوفي وانت البري من تهمة التقصير
ولكن ذي عـوايدهـم مـن ايـام وزمـن يـثـرب

تكون البنت لابن العم ورغبـات الكبـار تصـيـر
وتدري الاقربون اولى .. مع انك للـخـفوق أقرب

وتدري للقـدر كلمـة.. لعـادات الأهـل تأثيـر
لذا أرجوك تتركني وانـا مـن واقعـك باهـرب

شعرت بحكيها كنّـه قصـاص وامـر بالتعزيـر
شعرت الدنيا ضاقت بي من المشرق ليا المغرب

مشت خلّت وراها طفل ما يـدرك وش التدبيـر
يحسب ان الغرام أشعار شاعر واغنيـة مطـرب

ضحكت وماقدرت اني ألاقـي لضحكتـي تبريـر
من اللي بوقتنا مرّه ضحك من لدغـة العقـرب

رفضت أستوعب اللي صار ولا استسلمت للتغيير
ثمان سنين اجي نفس المكان بساعـة المغـرب

ورغم ان الثمان سنين جـرح وكلّفتنـي كثيـر
أنا لليوم أجي وأدعي.. تجـــــي يارب .. تجـــي يارب

وســـــــــــــلا مــتــكم

اشكره من رحل لليوم نساني اشكره
اشكره لانه نسى العشرة وخلاني اشكره
صبرت قلبي كثير واتاخر ابد مااجبره
مااجبره لانه غدر بالوفا ماجبره
صبرت انا عليه كثير وحان الوقت لاجل اتركه
بزعله وبرضيه وبخونه وبتركه
بزعله على كيف ماابغي انا وبعذبه
اشكره نسى كل مابيني وبينه اشكره
مااعتقد ارجع له بيوم وان اتاني مابعذره
مابعذره لانه غدر وقلبي اليوم عافه
بسد انا الباب في ويهه ومن خاطري بمنعه
بعلمه كيف الغدر مثل مابالحب علمته
علمته الوفا لكنه نكر انا وش اللي علمته
بعلمه يحزن في بعدي مثل ماقلبي احزنه
بسوي مثل ماسوى وبزيد انا شويه عليه
بحاول ابتعد عنه واذا تقرب بمنعه
براويه انا الويل ومثل ماعذبني بعذبه
بخليه انا يحلم اني بيوم ارجع له
والله لبيعه واتركه وابد ماسال عنه
وارجو السموحة والمعذرة خلي غدر بوعده
عهد مني في ديوان لشعار افضحه

قولي معي عسى الزمن مايرجّعك لي يوم لو مهما حصل قولي معي

قولي معي وأنتي بلا حس وْوعي عسى الزمن يكشفك وأنتي تخدعين

يامن زرعتي للعطا غدرن تحت ستر الغطا ودربك وطا مانتي العنود النايفه

إنتي مشاعر زايفه إنتي هواجس خايفه من جورها حتى بدموعك زايفه

من قال لك كوني معي اليوم باكر تذْكرين وتذكّري إن قال لك رهن أصبعي

أنا معك حبه سطا وفي عيونك الموقف حرج وباكر تعرفين الزمن ومن ينفعك؟

(كوني معي رهن أصبعي)آظن في المعنى وضوح أذكّرك باكر قريب وتأكدي

ماينفعك حب الغريب إن كان ودّك تسمعي ردّي صوابك وإرجعي قبل الندم وتذكري

(رهن أصبعي)..

سامحني لو قسى قلبي عليك..
لو جرحتك ماملا عيني سواك..
عشت كل الحب والآمال فيك..
لو هجرتك متعة الدنيا لقاك..
ابتديك يا عيوني وانتهيك..
الله الي يابعد عمري عطاك..
بس عيبك تجرح الي يبيك..
يرتبط بك لا فقدك ولا القاك..
لي متى وسنين عمري ترتجيك..
لي متى الشوق يركض بي وراك..
اعذريني مامنع قلبي يجيك..
غير خوفي تصدمني في هواك..

يا خيبتي في داخي نار iiوشتات وآاهات حرا في الضلوع iiمولعه
ودي اطفيها واوصل هالحياة واعيد حلم ن ضاع ضيعني معه
مرت على بالي ليالي iiماضيات كانت ليالي من حياتي iiموجعه
واللي تبقى من حياتي iiذكريات ما شفت لي فيها أمل iiاستجمعه

***
احضن من الماضي جروح ن داميات استوحدت بي فالزوايا iiالاربعه
اهرب ويتبعني ألم كل اللي iiفات حتى خفوقي تاه ضيع iiموقعه
المشكله فيني تحديت iiالثبات هزمت نفسي وارتديت iiالاقنعه
واعيش عمري في ضياع وفي iiسبات واحس هالدنيا ولا فيها iiسعه

***

خلاص قلبي انطعن طعنه iiومات هيهات يسمعني وهيهات iiاسمعه
يموت بعضي مثل موت iiالامنيات والبعض مني يستغيثك iiوامنعه
يا خيبتي حلم العمر اصبح iiفتات والعمر يمضي مستحيل iiنرجعه
لوين ياخذني مصيري في سكات لوين مدري بس برضاي iiاتبعه

***

حالي تبعثر مثل اوراق iiالبنات مرمي ودايم هالعواصف iiتصفعه
ابسألك كيف الطريقه iiوالنجاة والقلب شاللي بعد موته iiينفعه
الدرب طوقني ومن كل iiالجهات امواج / كيف ابحر بليا iiاشرعه
يا خيبتي ان مت لك هذه الوصاة قولي لها تنسى وشعري iiتقطعه