الرئيسية › منتديات › مجلس الثقافة الأدبية والشعر › ^__–منوعات__الساحر–__^
- This topic has 661 رد, 10 مشاركون, and was last updated قبل 13 سنة، 6 أشهر by sroo2a.
-
الكاتبالمشاركات
-
29 أغسطس، 2001 الساعة 9:48 م #340022الساحرمشارك
دنياك حلوهدنياك حلوه لا تهمك ظنونك
لا خير فيها كان خان القدر فيك
وش نفعها يا قبلة الخلق دونك
لعلها (….) دنيا تبكيك
حرام أشوف الدمع يملا عيونك
يا مالي قلبي من الحب وش فيك
تقول حظك يا حياتي يخونك
وش قولتي في حظي اللي عجز فيك
ترى شجوني زودتها شجونك
خذ قلبي ألعب به لعله يسلّيك^_-ALSA7R-_^
29 أغسطس، 2001 الساعة 9:49 م #340024الساحرمشارك
كرهني بنفسككانك على قولك تمنى لي الخير
ساعدني أنسى حبك اللي خذاني
خلا حياتي كلها تنقلب غير
و أنسى الحبايب و الزمن و المكاني
حبي لك أبلغ من جميع الأساطيرماله بقاموس الهوى وصف ثاني
لاشك أنا أشعر بالنهاية وش تصير
و أحسب حساب فراقنا بالثواني
بيني و بينك واقع الحال تحذير
و عند الموادع ما تفيد الأماني
عندك خبر مثلي بحكم المقادير
على هوانا صادر الحكم فاني
كرهني بنفسك لو بذنبٍ صغير
ألقى به أعذاري و أعود لزماني
المشكل إنه مابدى منك تقصير
و هذا يزود واقعك في كياني^_-ALSA7R-_^
29 أغسطس، 2001 الساعة 9:51 م #340025الساحرمشارك
ماودي أحكي
ما ودي أحكي لك عن أيامي السود
و لا أشتكي لك من طول الليالي
مافيه داعي حبنا تو مولود
يحمل عذاب آلام طيش الخوالي
ما غيرك أحد اليوم في القلب موجود
و يفدى مواطي رجلك اللي جرالي
اللي مضى ولّى و لاظني أيعود
و ما يشغلك ماله وجود بخيالي
مهما حكوا لي عنك فالسمع مسدود
و مهما حكوا لك طنش و لا تبالي
دايم و راعي الحب في الناس محسود
و نعمة هوانا تـنحسد للموالي
أهلاً بك بقلبٍ لقى فيك موجود
كل أمنياته و إنت قلبك صفالي
يالله نعيش الحب و ندور الزود
حنا عطاش و وادي الحب سالي
يالله نحول عمرنا روضة ورود
و غابة حنان مالها أول وتالي
يصدح بها طير الولع نغمة سعود
و يجري عبير أزهارها بالأمالي
كل لقى في الثاني ألفين مفقود
و عطني و أنا باعطيك قلبي و مالي
يالله نكمل بعضنا و الملا شهود
صبري على لاماك فوق احتمالي
دام اقــتــنعنا ليش نسمع لمنقود
ليه نتردد في السعاده نغالي^_-ALSA7R-_^
29 أغسطس، 2001 الساعة 9:52 م #340026الساحرمشارك
صدقـــيــــــنـــيصدقيني ماقدرت أوصل قرار
و أنصحك لا تقبلين الانتظار
أدري إني بخسرك بس الضمير
يوم أخذتي رايه أخلص لك و شار
شوري إنك في السعاده تدخلين
مع رفيقٍ جاك مختارك خيار
و ما أقدر أنكر لك شعوري بالضياع
يوم أراد الله و فرقنا المسار
و أشهد إنك يا وفيّه تفرقـــــــيــن
عن بني جنسك بخصلاتٍ كثار
تبصريــــن و تفهميــــن و تصبريـــــنو ترفعين النفس عن كل اعتبار
لا حشى و الله ما يلحقك عيب
حظه اللي يكسبك يكسر جداربس أنا في الحب ما قرر مصير
لين يرقص خافقي و يقول صار^_-ALSA7R-_^
29 أغسطس، 2001 الساعة 9:54 م #340027الساحرمشارك
منهو حبــيــــبـــك ؟منهو حبيبك غايتي بس أهنيه
على حسن حظه عشانك حبيبه
أنا أشهد إن الله يحبه و يعطيه
اللي هداك الرب تصبح نصيبه
ياللي خذيت من الحلا كل ما فيه
و من الطبع كل الخصال الحبيبه
تسحر بهمساتك عقل من تحاكيه
مع خف دم و ملح ما ينحكي بهلك حق يوم تموق و تحس بالتيه
الله وهبك أوصاف زينٍ غريبه
قبلك و أنا بعض الجمال ألتفت فيه
و عقبك ظهر في كل من شفت عيبه^_-ALSA7R-_^
29 أغسطس، 2001 الساعة 9:56 م #340028الساحرمشارك
! .. مات حبكمات حبك و البقيه في حياتك
في حنايا خافقي لاقى مصيره
خذ مع الجثمان باقي ذكرياتك
تجربة حبي معك كانت مر يره
ياعدو الحب ركب الحب فاتك
لا تجيب إن طعتني للحب سيره
ما يعرف الحب من سوى سواتك
يجهل الإخلاص من ضيع ضميره
حبك اللي تدّعي هو حب ذاتك
و من يحب الذات ما يخلص لغيره
غرّني يا صاحبي ظاهر صفاتكغلطتي يا للأسف كانت كبيره
سعود بن بندر
^_-ALSA7R-_^
29 أغسطس، 2001 الساعة 9:57 م #340029الساحرمشارك
غادياشهد اني قبل اعرفك كنت غادي
ويوم كتبت لي السعادة جابك الله
قبل أعرفك كان طعم العمر عادي
ومن لقيتك لذّ لي مافيه كله
صرت احب الفجر واهنا بالرقادي
وانت جنبي طاب لي شمسه وظله
بك لقيت مناي يارغبة مرادي
ماتمنى القلب من شفتك حصل له
حبك اروى آمال عطشان الفؤادي
وأينعت باحساسي المكبوت فله
مالقيت لحبك بقلبي ملادي
أعترف لك بالهوى اني بك مولّه
وماظهر لك ياحبيبي من وداديغير أكثر كاتمه خايف تذله
سعود بن بندر
^_-ALSA7R-_^
29 أغسطس، 2001 الساعة 9:58 م #340030الساحرمشارك
جيت المكانجيت المكان اللي بدا حبنا فيه
و أمطرت عيوني بدمع الحنيني
و شكيت له قسوتك و إنكار ما فيه
يوم العهد و يديك تحضن يديني
تعتب على معذور بس الزعل ليه
و أنا اعترفت بغلطتي لك بحيني
لو قبلك أحدٍ قال حبيت قلت إيه
شف كيف حبك قادر يسوي فيني
هذا الدليل الساطع اللي لك أبديه
إنك تحكم القلب حكمٍ متيني
إلى متى ناوي فؤادي تعنيه
تحرم عيوني منك يا شوف عينيعمري بلا قربك و شوفتك ما أبيه
من دونك الدنيا ملل يا ضنيني
^_-ALSA7R-_^
29 أغسطس، 2001 الساعة 10:00 م #340031الساحرمشارك
احتارت الخطوهياللي هقيت ان المشاعر حلالك
تلعب بها على مزاجك خطاياك
احتارت الخطوه على دربها لك
و حد اندفاع الشوق نحوك سواياك
و بزعمك انك صرت للقلب مالك
سلامتك لا تحسبه من ضحاياك
ضميتك لصدري غريقٍ و هالك
و غفرت كل اللي حصل قبل لقياك
و فرغت لك قلبي يحضنك لحالكظنيتك بتنسى سواذج مزاياك
نسيت لك ماضٍ رديٍ وحالك
و جاهرت لك بالحب و أضحكت دنياك
هويتك و حاولت كل المسالك
يبقى هوانا رغم تافه سجاياك
أنا معك يوم الوفا من خصالك
و من شان طبعك زان عمري بلياك
و رغم التزامي بالصبر و احتمالك
و طلب الهدايه لك و تغفر رزاياك
تقول بي ما قال في الخمر مالكعندي الذي ما همني بس هياك
^_-ALSA7R-_^
29 أغسطس، 2001 الساعة 10:01 م #340032الساحرمشارك
حاول .. و أحاولحاول و أحاول يصير فراقنا هادي
الله عطانا العقل حتى يعنّينا
خل المقادير تمشي مشيها العادي
في عمرنا يفعل الله مانوى فينا
ما فادتك دمعتك ماينفع عنادي
لا صار بي حرمنا من بيعطينا
فرقا و صارت و لا تحزن على بعادي
و أنا بحاول على نسيان ماضينا
و نبدا حياةٍ جديده كلٍ بوادي
يا حسرتي يا غرام عشته سنينا
يا وحشة الليل في بعدك بلا رقادي
و ياطوله اليوم ما شفتك و لو حينا^_-ALSA7R-_^
29 أغسطس، 2001 الساعة 10:02 م #340033الساحرمشارك
أقول في نفسيأقول في نفسي و أنا أعايد الناس
متى بشوفك تكمل أفراح عيدي
أجامل و ربي عليمٍ بالإحساس
و شهو شعوري و إنت عني بعيدي
إلى خذاني لك على السهر هوجاس
ما كنّي إلا وسط ربعي وحيدي
لو حسّوا بما بي يقولون لا باسبدال قولة عل عيدك سعيدي
لا صرت عندي وقتي أعياد و أعراس
حتى و لو في وسط سجن حديدي
لو دلني عن ليلة القدر نوماس
و الله ما أطلب غير شوفك مزيدي
عاشرت خلان و تخالطت بأجناس
ما أحد سواك أهديته القلب بيدي
من تحت ماطا الرجل ليا هامة الراس
كلش هويته فيك و الله شهيدي
لقيت بك ذوقي و أنا قاطع الياس
و معك ابتدا يحي الأمل من جديدي^_-ALSA7R-_^
30 أغسطس، 2001 الساعة 4:15 ص #340107^الساحره^مشاركقلبي متيم بك يحبك و يهواك
و قلبك على شوقي شفوق و ظنينا
عهد مضى ثابت و لا يمكن انساك
و تشهد على ذلك يا خلي يدينا
ماهي بسيطه يهجر القلب ذكراك
و لا ظن قلبك يا الضنا ما يبيينا
قلبك ملاه الحب و أشهد على ذاك
و قلبي فحبك صار عايش رهينا
و اللي تعيشه اليوم ماهو معناك
و ع الحال هذا ما خذينا و عطينا
هاذي المزايا يالظنا ما مزاياك
و حرام تبدا بشي يفرق ثنينا
لا تهدم الود البنينه أنا اوياك
و تحكم بموت اللي من أجله بنينا
سامح إذا مني خطا يا لغلا ياك
و العفو عند أهل الوفا ما نسينا
سلامتكم30 أغسطس، 2001 الساعة 7:53 ص #340155الساحرمشارك
قصة حب.. في كل قصة حب أحلام ومدينة
.. ليل ونخيل وهبوب
.. لكل قصة حب لو كانت حزينه
.. أجمل ألوان الغروب
.. ناظري ضيّ الحوانيت القديمه
.. ونقش أبواب البيوت
.. كلها شعر ومواعيدٍ قديمه
.. وصوت قلبـي اللي يموت .. وما يموت
.. لكل قصة حب عذال وحسود
.. ليه تخدعنا الأماني والليالي السود .. سود
.. إشعلي جمر العناد قربـي معاد أشوفك
.. لا يفرقنا السواد
.. ارسمي وجهي بكفوفك
.. ولا تجرّحنا عيون الليل وحروف النميمه
ولا يعذبنا السكوت
.. إن عطشنا أو شربنا الدمع ديمه
للهوى بنحيا ونموت
.. لكل قصة حب أشواك و ورود
.. وليه نصرخ من ألمها وكلها تنبت في عود
.. ناظري هذا قمرنا لو تغطيه الغيوم
.. وناظري هذا شجرنا ومهما تحرقه السموم
.. ولو تجرّحنا عيون الليل وحروف النميمه
.. ولو يعذّبنا السكوت
.. إن عطشنا أو شربنا الدمع ديمه
!! للهوى بنحيا ونموت^_-ALSA7R-_^
30 أغسطس، 2001 الساعة 7:54 ص #340157الساحرمشارك
المحبهالمحبة أرض .. والفرقا أراضي
والزمن كله ترى لا غبت ماضي
.. والله إني ما اشوف إلا عيونكإن رحلت اليوم أو طوّل مراضي
.. والله إني مابكيت إلا عيونك
فوق خدي كحلها والدمع فاضي
قالوا العذّال .. والعذّال مرضى
!! وش بـلا حالك من الأشواق قاضي
قلت يهجرني حبيبـي لين يرضى
علّم الظـالم ترى المظـلوم راضي
وجرّحوني في هواك وقلت أبشكي
ماهو من جرحي .. ولكن لاعتراضي
وش عليّ لو قطعوا لجلك عروقي
من رضى بالحب يرضيه التغاضيبدر بن عبد المحسن
^_-ALSA7R-_^
30 أغسطس، 2001 الساعة 7:55 ص #340158الساحرمشارك
أرفض المسافهأرفض المسافة
والسور .. والباب والحارس
آه أنا الجالس ورى ظهر النهار
ينفض أغبار .. ذكرى
أرفض يكون الانتظار .. بكرا
أبسقي عطش قلبي اليابس
على أشفاهي
بقول أحبك
أرفض إني أموت في قلبك
مادرى بموتي أحد .. حتى أنا
أرفض الصورة .. على الرف البعيد
وجهك المحبوس في ورق وحديد
أرفض أحساس الحبر
وجرح سكين السطر
أرفض الليل .. الحصار
حبنا خلف الجدار
آه أنا الجالس ورى ظهر النهار
أرفض يكون الإنتظار .. بكرا
مثل البكا حبيبتي تحتاجني .. تحت الظلام
ومثل الفرح .. حبيبتي أحتاجها .. وسط الزحام
الحب علمها السكوت
والحب علمني الكلام
أرفض الصمت .. الحوار
بيننا خلف الجدار
أبسقي عطش قلبي اليابس
على شفاهي .. بقول أحبك
أرفض إني أموت .. أموت في قلبك
مادري بموتي أحد ..حـــتى
أنــــــا^_-ALSA7R-_^
-
الكاتبالمشاركات
- يجب تسجيل الدخول للرد على هذا الموضوع.