الرئيسية › منتديات › مجلس الثقافة الأدبية والشعر › ^__–منوعات__الساحر–__^
- This topic has 661 رد, 10 مشاركون, and was last updated قبل 13 سنة، 6 أشهر by sroo2a.
-
الكاتبالمشاركات
-
29 أغسطس، 2001 الساعة 9:10 م #339997الساحرمشارك
مشكوره اختي رمانه
بس الساحر ما ينضرب بعين^_-ALSA7R-_^
29 أغسطس، 2001 الساعة 9:26 م #340001الساحرمشارك
انتظرت أزمانانتظرت أزمان في ظل الوعد
احسب الخفقات يا أغلى وعد
انتظرت و الظاهر انك يا وعد ما جيت
عيّا عليك الوقت و إلا يا وعد عيّيت
انتظرت لكن النجمة سرت
والقمر راحوا أصحاب السمر
ونسمة وفا مرّت
ولفّت مكان الوعد ضمّت
تعتذر
وانتظر
انتظرت أزمان في ظل الوعد
ما احسب يجيني يوم أكذب إحساسي
وإلاأقول طوّلت يا قاسي
سقى الله أمسي العاشق
ونورك في السما شارق
تعاطينا المحبة شوق
تساقينا هوانا ذوق
نقول لليل لا ترحل
ترى الباقي معك أجمل
سرينا و الوعد باكر
حضرت و لا حضر باكر
انتظرت أزمان في ظل الوعد
الله يا هو الوعد ظالم
إذا جيته و لا جاني
وأنا ما أظن ينساني
ويتركني لأشجاني
دعاني بالأمل لكن مسّح قدّامي دروبي
و لا أدري شي أو لا شي
أغني فيه مسحوبي
تأكد يا وعد وإلا
ترى لى جيت باتغلّى
وبتأخر و لو لحظة
وأجيك أسابق اللحظة
و لاأغمض و لا غمضة
تفوّت من سناك ومضة
انتظرت أزمان في ظل الوعدخالد الفيصل .. دايم السيف
^_-ALSA7R-_^
29 أغسطس، 2001 الساعة 9:30 م #340004الساحرمشارك
ليت العمر يهدىليت العمر يهدى أبهديك عمري
تستاهل الأيام يا زهو الأيام
لو الهوى المحبوس في جوف صدري
يظهر على العالم غشى العالم هيام
فيني غرام فوق محمول صبري
وفيني خيال فوق تصوير الأحلام
والله مالي غيرالأشواق عذري
واللي عرف شوق المواليف ما لام
يا مالك أمري وش نواياك بأمري
ارحم خفوق عن هوى غيركم صام
أدري بحالك وانت بالحال تدري
يا الله عسى ذا العام أحسن من العام^_-ALSA7R-_^
29 أغسطس، 2001 الساعة 9:33 م #340005الساحرمشارك
لا و الذي صوّركلاوالذي صورك ما لاق للعين
غيرك و لا سوى بي أحد سواتك
انت اللي حطيت بالجوف رمحين
رمح العيون و رمح وردي شفاتك
وانت الذي زينت يا غاية الزين
حياتي اللي نورها من حياتك
احب فيك العطف و اللطف و اللين
واحب فيك رضاك عقب زعلاتك
واحب هاك الجيد بين الجديلين
واحب ما تخفيه طرقة غطاتك
يا جارح المجروح لا تودع البين
يقضي علي بغيبتك و سفراتك^_-ALSA7R-_^
29 أغسطس، 2001 الساعة 9:34 م #340006الساحرمشارك
لا تقوللا تقول ان الليالي فرقتنا
لا تقول ظروفنا عيت علينا
الليالي يوم ودك جمعتنا
يوم ودك كل شي في يدينا
ياسقى الله ليلة بك عرفتنا
في شعيب شهار عن غيرك سلينا
من مغيب الشمس حتى طالعتنا
عن هل الدنيا نزعنا واعتلينا
ليلة العشاق والله وردتنا
مارد ذقناه لكن مارتوينا
ليتها .. ياليتها ماودعتنا
ليت ذاك الليل ماراح وسرينا
يوم هملنا الليالي .. هملتنا
كيف تعطينا وحنا ماعطينا
الليالي عن هوانا مانهتنا
البلى حنا على البعد انتهينا^_-ALSA7R-_^
29 أغسطس، 2001 الساعة 9:35 م #340007الساحرمشارك
الله أكبرالله أكبر كيف يجرحن العيون
كيف ما يبري صويب العين أبد
أحسب ان الرمش لا سلهـم حنون
أثر رمش العين مـا ياوي أحد
يوم روّح لي نظر عـينه بهـون
فز له قلبي و صـفق و ارتعـد
لفّـني مثل السحايب و المزون
في عيـوني برق و بقلبي رعـد
نقّض جـروحي و جـدّد بي طعـون
قلت يكفي ..قالت عيـونه بعد
وانعطف هاك الشعرفوق المتون
وانثنى عـوده وقـفى وابتعـد
أشغلتني نظرة العين الفتـون
حـيّـرتني بالتـوعد و الوعـد
هي تمون العين والاّ مـا تمون
لى خذت قلبي وقـفّت يا سـعـدخالد الفيصل .. دايم السيف
^_-ALSA7R-_^
29 أغسطس، 2001 الساعة 9:37 م #340009الساحرمشارك
ماهو صحيحما هو صحيح القلب للقلب شاهد
لو هو صحيح أصبحت مفتون فيني
بيني و بينك حب من قلب واحد
ليته يجيك من الهوى ما يجيني
وليتك تعرف الشوق لى صار واجد
وليتك تعرف أوجاع كثر الحنين
ما قد شكيت الحر و الجو بارد
و لا سهرت بليل طول السنين
و لا مشيت العمر و الحظ قاعد
و لا تحدّيت الألم و الونين
أضحك و أنا لجروح الأحباب جاحد
أداري المكنون عن كل عين
ما ودّي أفرّح على القلب حاسد
و إلا عذابي في عيوني يبين
شي يهون و شي بالحيل كايد
يا كود تجريح الخفوق الحزين
من عانده وقته و قلبه يعاند
مالت به الدنيا يسار ويمين
غرّتني أمثال العرب بالشواهد
يبيك قلبي و احسب إنك تبينيخالد الفيصل
^_-ALSA7R-_^
29 أغسطس، 2001 الساعة 9:38 م #340011الساحرمشارك
ياروحي أحيابكيا روحي أحيا بك و حنّا غريبين
مانيب أشوفك وانت يا روح ذاتي
في داخلي و اشكي لوعة البين
بعيد عني وانت نبضة حياتي
يا لحظتي لو الزمن بيننا سنين
و يا منوتي لو ما حصل لي مناتي
صوتي تقطع في فلاة المحبين
و شوفي تبدد مع سراب الفلاة
لاواهني من هم على الما مقيمين
وأنا يبس صوت الرجا في لهاتي
أهيم في صحرا عديمة عناوين
متاهة خلو الشجر والحصاة
الليل يوحش و الضّحى يجرح العين
والحزن يكتب من عذابي غناتي
أمنّي عيوني من الحين للحين
عسى الفرج مع طلعة الصبح ياتي
يا طاغي الفتنة من الراس للقين
يا ليتني أستر لوعتي في عباتي^_-ALSA7R-_^
29 أغسطس، 2001 الساعة 9:39 م #340012الساحرمشارك
ياوش بقى باعطيكيا وش بقى باعطيك مني و لاجاك
ما باقي إلا روحي أحيا بها لك
أوصف جمالك كل ماأنشدت و أهواك
و ازيّن أيامي بجلسة خيالك
يا الغايب الحاضر بقلبي و لاالقاك
أقرب من عروقي و صعب منالك
شالك زماني عن عيوني ووداك
لا شك وثّق في ضلوعي حبالك
يا حاجب شمسي ورا ليل جفواك
ما بالعهد بك قاسي في دلالك
وش غيرك يا منوة القلب وأطغاك
على حبيب ما تخير بدالك
دنياي ما تصلح بلا شمس دنياك
والليل يوحش لو تغيب هلالك
ما ينقطع ظما الهوى إلا على ماك
و لا يهوّن حره إلا ظلالك
ولا تشوف العين زين بليـّاك
و لا يطرب سمعي إلا مجالك
و لاانتفض قلبي من الحب لولاك
و لولاك ما يبدي علي ما بدالكخالد الفيصل
^_-ALSA7R-_^
29 أغسطس، 2001 الساعة 9:41 م #340013الساحرمشارك
غربة الروحقامت تعاظم غربة الروح يا سعود
يالله دخيلك و استجدت جدايد
تغربت وسط الجسد روح مجحود
في دارها ولون راحت بدايد
و الشوف ذاب و خالطت بيضها سود
و الزود نقص و ناقص العلم زايد
من اول و الطيب للناس مقصود
و اليوم صارت طيباته شرايد
للوقت تالي مثل باديه مشهود
فيه الجهل عود على الناس سايد
ياعازف عمري على نغمة العود
هذي حياتي غنها لي قصايد
مر على الهين و مر على الكود
و عمر الفتى لحظات هين و كايد
و اسمع من الخفاق رجع و مردود
قلب مع الونات قد له عوايد^_-ALSA7R-_^
29 أغسطس، 2001 الساعة 9:42 م #340015الساحرمشارك
غالي الأثمانياغالي الأثمان غلوك بالحيل
من يوم سموك جميل المحيا
شخص تمنيته على العدل والميل
والحمدالله يوم خلي تهيا
أشبهه باللي عسيف من الخيل
تلعب وانا حبل الرسن في يديا
اورق غرامه مثل غرس على سيل
مشهات قلبي يوم جاني شهيا
اعن له عنة هل الكيف للهيل
ماذاق راعي الكيف ذقته هنيا
حبه سرى بي سرية الغيم بالليل
نسيم ليله قال للشوق هياخالد الفيصل
^_-ALSA7R-_^
29 أغسطس، 2001 الساعة 9:43 م #340016الساحرمشارك
عنود الصيدمن خصايص عنود الصيد كثر الطواري
و عادة الظبي يجفل ليتحرك ظلاله
مايصيد الجوازي كود بخص و داري
القنص بالركاده و التسرع جهاله
و لا يعرف الطرد من لا يعرف الصحاري
ماتعرض سموم و لا تعرض شماله
كل درب عليه من المخاليق ساري
للسوالف رجال و للشكاله رجاله
و انت عشقت حياتي يا غزال البراري
اتفاول بوجهك سعد من صرت فاله
انت و الله حبيبي و انت و الله داري
إن نظرة عيوني يم غيرك جماله
ما نقطع سيل حبك بالمعاليق جاري
كن قلبي خلقه لله لحبك سباله
ليتني يا قمرها غار منها نهاري
حيث وصل الموده همسة في لياله
ليت واهج غرامك مثل وجدي و ناري
مير ماظن في دنيا المحبه عدالهخالد الفيصل .. دايم السيف
^_-ALSA7R-_^
29 أغسطس، 2001 الساعة 9:45 م #340017الساحرمشارك
خذاك الزمنخذاك الزمن مني
و ترك لي أشواقي
ليته خذا ذكراك من كل أوراقي
الله على وقت مضى
فيه الرضا
فيه العيون
تعانق أحباب العيون
فيه الخليل
اللي على خلّه يمون
حتّى الظنون
ما تختلف فيه الظنون
فيه الهوى نشوان
فيه ابتسامات الزمان
احكي الهوى
واشكي النوى
واساهر القلب الأليم
بعد الهنا
بعد ما كنا سوا
ليه يا حبي العظيم؟
ليه انطفى فيك الزمان؟
ليه اختفى فيك الأمان؟
خذاك الزمن مني^_-ALSA7R-_^
29 أغسطس، 2001 الساعة 9:46 م #340019الساحرمشارك
يا سامرين الليليا سامرين الليل في بحر الأشواق
يا ليتني معكم يلوح شراعي
بين القمر و الموج لمعه و براق
و النسمة العذبة للأحباب داع
القرب يا الغالين للروح ترياق
و البعد ذبّاح القلوب الوجاع
لا واعنا اللي باطرف الليل مشتاق
خلّوه ربعه مع سلام الوداع
يسهر مع الذكرى على صفر الأوراق
في صفحة تشرب دموع اليراع
بين الرجا و الياس وقّف على ساق
و الدرب بقلوب المواليف ساع^_-ALSA7R-_^
29 أغسطس، 2001 الساعة 9:47 م #340021الساحرمشارك
أعترفلا يصيبك شك مني في غلاك
يا مغلي عيشة أيام العمر
لا يهمك من حكي هذا و ذاك
و لا يصيبك يا بعد عمري كدر
منوة العـــذال يسعون لهلاك
حبنا اللي توّه بعمر الزهر
لو يشوفك من عذلني في هواك
مثل ما أشوفك (عذرني) و اعتذر
و اعترف انك على وصفي ملاك
و إن عندي يوم حبيتك نظر
واجد أهل الزين لكن في بهاك
الجمال بكل معنى مختصر
خالقك سبحانه اختار و عطاك
كل كامل من تواصيف البشر
كان حور العين تشبهك بحلاك
هنّي أهل الخير في يوم الحشر
دامني حي فلا أطمع في سواك
و باستمر أرجي لقا بعد القبر^_-ALSA7R-_^
-
الكاتبالمشاركات
- يجب تسجيل الدخول للرد على هذا الموضوع.