أنا ما أدري وش أحساسك وما أدري وش تظنيني
أنا الصادق في عينك كنت وصرت الكاذب الخوان
أنا أخطيت ما أنكر ولا في عذر يكفيني
سوى أني احبك حيل وأني دائما أنسان
انا أدري بمدى جرحك و أدري الحظ جافيني
يطول الوقت ما أخطي واذا أخطيت كل شيٍ بان
أنا شفت الزهر مايل وظنيته يناديني
قطفته يوم ضميته لقيته لللأسف ذبلان
عرفت أنك زهر عمري عرفت انك بساتيني
وغيرك قيظ ما يروي سراب يسقي العطشان
أنا لو ما حصل ما كان وش اللي يدريني
بأنك ما سواك انتي سكنتي القلب والوجدان؟
أنا آسف على أعذاري عجزت القى عذر فيني
يليق بغلطتي في حقك و يرجع كل شئ كان
أحبك كثر أخطائي و أدري أنك تحبيني
و أدري لو تفارقنا فلا نقدر على النسيان
اذا تقوي على فراقي وبعدي عنك
خليني انا ملّيت من دور الكرامه و لعبة الغفران
قليل العمر ياللي انتي دموعك ماتساويني
حرام انه يضيع فراق
هي من قلها الأحزان

ياللي خذيتي الشمس

لو تتركي لليل .. بعض النور

ياللي جرحتي أمس

ماعاش الا يوم .. وده يكون شهور

يااغلى من دمعي .. واقرب لي من احساس

ياشوقي ياسمعي .. لو تتركي للناس

بعض الدفا والنور .. دامك خذيتي الشمس

داوي جروح الليل .. واهدي الحزن بسمه

لا تجرحين الصبح .. تخفي المسن عنه

مدري جسور الهمس قولي احبك حيل

لاجل امحي احزاني .. واحيا فزمن ثاني

حيث الزمن غيرك فيه الفرح مهجور

ياللي الحسن دربك .. وموت الفرح دمعك

ان كان به شمس.. لو تظهري خدك

او همس من عطرك.. عله يدفي الليل

الليل عذبه الجفا .. والناس في برد وظلام

منك الدفا يبغى الدفا .. والنوم وده لو ينام

ياعذبة الضحكه كفى .. كل الفصول صارت شتا

من يوم اخذتي الشمس

عبد الرحمن بن مساعد

سألتها ليه البحر ساكن عيونك
جاوبتني للغرق
سألتها ليه السواد اللي في عيونك
قالت للأرق
سألتها ليه الخدود
قالت عبق
سألتها هي رقتك مثل النسايم و الورود
قالت لي لأ يمكن أرق
سألتها عن حسنها كنه يقول ماللشعر فيني حدود
قالت صدق
سألتها يا اغلى الأنام .. وشو الغرام ؟؟
قالت لي انك ما تنام .. و أوهام

و تنتظر شمس اللقا و ما تجي شمس اللقا
ومشوار ما يعرف وصول
و لحظه بها كل الفصول
و قلب واحد يحترق
و بعض الصدق
و وقت عصيب و يتبعه وقت عصيب
و لين يتعدى الصباح
و جراح تدمى لو تطيب
و في الأخير .. خل عن خل افترق
و في الأخير كل النهايات الفراق
ما في فرص
مافي نهايات بلقا إلا في خيالات القصص
سألتها وش هو الوفا ؟؟
قالت كفى .. النور من ضيي اختفى
و الليل في عيوني غفى
اترك كثير الأسئله .. اسأل عن عيوني و كفى
اسألني ليه البحر ساكن عيونك ؟؟
ليه السواد اللي في عيونك ؟؟
سألتها جاوبتني للغرق .. للأرق
سألتا عن حسنها كنه يقول
ماللألم فيني حدود
قالت صدق

.. مـا سـألتـوا صـاحـب النظـرة الخجـولـة

! .. كيـف يـسـهـرنـي ولـه وجـهٍ صبـوح
! .. كيـف يظـلـمـني وله طـهـر الطـفـولـة
كيـف يـفـتـنـّي وهـو دايـم يــروح
.. وكيـف أنـا ألقـى ربـيـعه فـي فصـولـه
دام كـذبـه صـادق وصـدقــه مـــزوح
.. لـه صـفـاتٍ تـورد العـاشــق ذهـولـه
مسـتـكـيـن صـامـت وكـلـّه جـمــوح

.. أصـعـب الأشـيـاء و أكثـرهـا سهـولـه
أغـمـض الأشـيـاء و أكثـرهـا وضــوح
.. سهـل تـغـرم بـه وصـعـب إنك تنـولـه

غـامـضٍ طـبعـه وواضـح فـي الجـروح
.. أسـعـد بشـوفـه ولكـن مـا أطـولـه
كنّـي الـوادي وهـو أعـلى السـفـوح
.. يـبتـسـم لا مـنهـم عنّـي حكـوا لـه
ولا حكـوا لـي عنه أعـمـاقي تـنـوح
.. لـي بقـلبـه شـيٍ لكـن مـا يقـولـه
ولـه بـقـلبـي كـلّ و لكـنّـي أبــوح
.. كنّـه الغيـمـه و انـا أرجـي هطـولـه
مـا نـزل غـيثـه ولا بـرقـه يـلــوح

!! .. مـا عـرفـتـوا ليـش تسهـرني فعـولـه
!! .. وليـه يـسكـنّـي وهـو دايـم يــروح
.. هـو يـبـيـني بـسّ أطبـاعـه خجـولـه
ومـا يـبـيـني أغـفـا وهـو وجهـه صبـوح

يسألوني ليه احبك حب ماحبه بشر

وليه انتي في حياتي شمسها وانتي القمر

وليه صوتك لي وصل صحراي يملاها الزهر

علميهم يالحبيبه .. آه يااغلى حبيبه

يسألوني وليتهم مثلي يعيشون الهوى

الاصابع في اليدين الواحده ماهي سوى

عندهم حبك طبيعي .. وعندي فوق المستوى

اعذريهم يالحبيبه .. آه يااغلى حبيبه

يسألوني وفي شفاتي يرتعش حر الجواب

مادروا انتي بحياتي راحتي وانتي العذاب

وانتي حلمي اللي عشقته .. وطار بي فوق السحاب

خبريهم يالحبيبه .. آه يااغلى حبيبه

يسألوني وانتي اكبر من سوالفهم جميع

وانتي أجمل ماخلق ربي بذا الكون الوسيع

واني اتلاشى دون .. عيونك الخجلى واضيع

علميهم يالحبيبه .. آه يااغلى حبيبه

أسير الشوق

تشكي و أنا أشكي و كل منا له ظروف
تقول بي هم و أنا أقول بي هم
لا نظرة تاصل و لا ناظري يشوف
محروم أنا منها و هي غصب تحرم
تعصف بنا الدنيا و نصمد لها وقوف
نموت يبقى حبنا لا يتهدم
حب تعلى فوق ميثاق و حلوف
لو طاح ما اظن الزمان يتبسم
يا حبيبي أنا و انت و الأحزان و الخوف
صرنا رفاقى كلنا بدرب اعتم
درب جمعنا كله رماح و سيوف
و ابله علينا لو مشينا ترزم
تشكي و أنا أشكي و الصبر يشعل الجوف
فينا عظيم الشوق و الجد أعظم
لو كان لهموم الهوى شفات و حروف
كان الحشا من زود ما به تكلم

قل كلام يشرح الخاطر أو ارحل
لا تطولها وهي عندي قصيرة
و لو تبي تزعل و أنا ما اخطيت ازعل
و ابتعد ما دامت الدنيا كبيرة
فوق هذا و الله إني ما اتحمل
المشاعر من طباعك مستجيرة
كان ودك نتفق بالحب تفضل
و كان قلبك ما يبي موجود غيره
غيرك أغلى غيرك أحلى غيرك أجمل
و كل بنت ودها تكون الأسيره
يا عجول بالحكم دايم تمهل
كان لك قلب و لك عين بصيرة
لك نزفت الحب ما القصد أتجمل
كنت صادق في القليل و في كثيره
كنت أنا أسأل عنك أبي لو يوم تسأل
و كنت أدور لك عذر و أقول خيره
القصيد اللي من أعماقي تسلل
كيف ما قدرّت من ينسج حريره
انتظرت الشكر لكنه تحول
للبحور اللي قوافيها غزيره
منت الآخر في جحودك و منت الأول
انت واحد من عرب شبه الجزيره