- This topic has 661 رد, 10 مشاركون, and was last updated قبل 13 سنة، 6 أشهر by
.
-
المشاركات
-
خلنا اخوانخلنا أخوان
هوانا كان
ساعة من شهر نيسان
سفينة والبحر سكران
لوحة والمطر ألوان
قصة كانت ومعنى
وهذا اليوم فوق الرف
لا معنى ولا عنوان
ما أقدر أوضح لك
ما أقدر أقول أكثر
في لساني الكلام يموت
وفي عيوني الهوى تابوت
خلنا أخوان^_-ALSA7R-_^
العيدعيون الناس
قلوب الناس
بين الفرحة والموال
وسط العيد
وانا اصبح وامسي
على الباب الحديد
مر أحد و أثنين
وثلاثة واربعه
مر الخميس والجمعه
والسبت بغيومه والرعيد
وانا على الباب الحديد
تمطر سما عيوني من الداخل
عذاب … تهزني افكاري
ترسيني بعيد
والمشكلة .. بعدها نفس المشكلة
بعد الحلم نفس الحلم
وبعد العيد في عيوني
مو لابس سوى التنهيد^_-ALSA7R-_^
ياللي معودني على جرح الأهداب
اجرح
ترى تجريح الأحباب عادي
لا صار لك في داخلي قدر و حساب
اللي عذلني فيك تايه و غادي
نبقى و لو طال الزمن رمز الأحباب
نبقى لو إن الوقت لونه رمادي
نعشق بعضنا زايد الشوق ماتاب
مدري من اللي باعذب الحب بادي
الحب فينا طول الأيام ما شاب
بس يتجدد و المشاعر اجدادي
الشوق لا منه حضر نفتح الباب
و ينبت من ورود الغلا كل وادي
و نقطف من ورود الغلا كل ما طاب
و الكل منا للمحبه ينادي
غاب القمر و انا احسبه ما بعد غاب
أثرك بجنبي صرت و الليل هادي
سلامتكم
علمتنيعلمتني وشلون احب
علمني كيف انسى
يابحر ضايع فيه .. الشط والمرسى
علمتني وشلون احن
علمني كيف اقسى
سير علي .. بس امسح دموعي وروح
سير علي .. جب لي معك قلب وروح
سير علي .. اذا تذكرت الجروح
ياطاغي النظرة .. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي .. على وداعك تهتدي
بس انت علمني الجفا
دامني عجزت اعلمك .. كيف الوفا
علمتني كيف السهر .. ونسيتني الممسى
علمتني وشلون احب
علمني كيف انسى^_-ALSA7R-_^
بعض الاحبابماقلت احبك ولا قد قلت ماحبك
احب مالي عيوني وانت تسواها
لو تدري اش كثر تعني لي تعرف انك
اخر امل في حياتي واول مناها
ياكثر احس ان بك مني وبي منك
روح قسمها على شخصين مولاها
لا تقول وش تحب فيني اعشقك كلك
من ليل شعرك لكلك واخر اقصاها
سميتني نصفك الثاني وياشحك
انا بسميك كلي وانت معناها
تعبت اوديك له ياقلب ويردك
لا اخذ حلومي ولا خلاني انساها
كل الحمام استراح وناح في ظلك
والورد الاصفر سقته الروح من ماها
ليتك بعمري ثلاثة اشخاص ماملّك
واحد معي دوم وواحد روحي يملاها
والثالث بجفن عيني لا فقد حسك
او غمض الجفن جاني فيك يتباهى
مو بس احبك انا والله من حبك
احب حتى ثرى الارض اللي تطاها^_-ALSA7R-_^
بعض أحوالأنا مقدر أكون .. اني حبيب في بعض أحوال
أنا كلي أجي .. و الا أروح بعزتي .. كلي
تخيرت الفراق و مادريت إن الفراق وصال
أقول اني نسيتك بس مدري كيف تاصل لي
خذاني لك سؤال في عيونك و الجواب محال
خذاني منك دمع في عيوني مارضى ذلي
رحلت انت و تركت بداخلي طيفك و صبر طال
غدت ذكراك شمس ما تغيب و صورتك ظلي
حكيت و مالقيت من الحكي الا الندم موّال
سكت و مت بالحسره و لا ادري و شهو احسن لي
أحبك كل مافيني يحبك يا خلي البال
تخيلتك دواي و صرت جرحي الصعب يا خلّي
تعبت أرحل مع وجيه البشر بانساك بالترحال
و لا ادري وش يجيبك في وجيه الناس و اهلّي^_-ALSA7R-_^
محتاج لكانتي بكف وباقي الخلق في كف
متعليه في وسط قلبي ولك شان
في غير وصلك مالقلبي ترى شف
محتاج لك يانور عيني وشفقان
لا جابوا اسمك صرت انا تقل مختف
مالي على نفسي الى اطروك سلطان
من غير حبك غضت عيوني الطرف
ياللي جمالك صار للزين عنوان
اريد انا قربك ترى ياغذا الحرف
وان ماحصل موتي ودنياي سيان^_-ALSA7R-_^
حبيبتيحبيبتي لا من غديتي لي سراج اتبعه
وكني غديت من الظما اركض ويطردني السراب
لا تبخلين اليا شربتك ماشربتك من سعه
دامي من جروح الهموم الموجعه كلي صواب
اليوم مرتني السواني والفصول الاربعه
اليوم مريت المواني والمباني والسحاب
اليوم ماكني لقيتك مر صوتك ماسمعه
اليوم ماكني فقدتك من سؤالين وجواب
يابنت في خدك وهج سيل الشموس الساطعه
احرق بداخل داخلي انسان ماهو للتراب
واللي خلق ظلم الليالي بالعيون الهاجعه
اني من الحرمان اتسائل وحرماني جواب
يوم الوداع تخيلي مالي حبيب اوادعه
محروم انا وتخيلي محروم حتى من العذاب
ليتك بعمري ثلاثة اشخاص ماملّك
واحد معي دوم وواحد روحي يملاها
يابنت لي قصه تطول بكلمتين موجعه
هي باختصار اني انا اركض ويطردني السرابطلال الرشيــــد.. الملتـــاع
^_-ALSA7R-_^
تنهيدتين و ناركـلـّمـنـي عـنّـك
أبعرف كل شيٍ عنّك منّك
قلـّي وش أول جروحك
قلـّي وش آخر أمل ترجيه روحك
إحكي عن طبعك
وعن ربعك
عن اللي يهـزّ دمعك
قلـّي وش معنى الحياة
قلـّي بأنفاسك متى قد قلت آه
إحكّ لي عن الحب
إحكّ لي .. إحكّ لي
إحكّ لي عن الشوق
طـر بـي فوق .. فوق
خـذنـي منّك
وإحكّ لي .. عنّك
الـصـدق
إن الأمل من قبل أعرفك .. كذب
والتضحيه أوهـام
وإني أنا من قبل أعرفك
كنت أعرف أنـام
كان السهـر مـو هـالسهـر
لعب .. و أغانـي .. و إخـتصار
صار السهـر تفكير
صار إنتظـار
صار إحتظـار
صار السهـر .. تنهيـدتيـن ونـار
يا منتهـى أمـري
بالهمس قلـّي مرّه يا عمـري
وطـر بـي فوق .. فوق
خـذنـي منّك
وإحـكّ لـي .. عـنّـك^_-ALSA7R-_^
مكانك .. مكانكأموت من فرقاك .. و أموت بلقاك
وأموت من جورك .. و أموت بحنانك
كلٍ قضاه يموت مرّه .. و يفداك
و أنا أموت ألفين مرّه .. عشانك
أذكرك .. لا مني نسيت إني نسيتك
أنساك .. لامني ذكرت نسيانك
رضيت أنا بالهم لرضاك مرضاك
و ارخصت لك قلبٍ جرحته .. وصانك
أجيك في صدري عتاب .. و أبجفاك
و أرجع ألوم الوقت و أقول خانك
أحب فيك .. احساسي إني بلاماك
في عز خوفي منك أحس بأمانك
عجزت أفرق بين وصلك و فرقاك
ياللي عطيت الناس بيدك عنانك
مر تجــــيــــني لين أقول إنـــي إيـاك
و مر تروح بعــــيـــــد و انسى أوانك
أقبل و تقفي .. و اعتذر عن خطاياك
و أقول ما عييت .. عيا زمانك
و إن خانتك دنياك .. أو خنت دنياك
إرجع و تلقابي .. مكانك.. مكانك^_-ALSA7R-_^
جتنيجتني وشافتها عيون حايرات
ذا شعاع الشمس او هذا سناها
ضاعوا اللي جوا معاها مسيرات
واقبلت تمشي تقل محدٍ معاها
ياسنا الفضه وياجيد المهات
ياشذى نبت الخزامى في وطاها
قلت كن بوجنتك زهر النبات
قالت ان الرمش يجرح لي صفاها
تجرح الظلما عيون ناعسات
سلهمت وأغضت تغطرس في بهاها
حققوا بالشوف في لون الشفاة
هو خذا منها الشفق والا عطاها
ولو ظلام الليل يعطينا ثبات
فيه من لون الشعر والا كساها
كيف أباصف زين كاملة الصفات
كيف أباصل في حروفي منتهاهاطلال الرشيــــد
^_-ALSA7R-_^
يوم ذكرى الفراقاليوم ذكرى الفراق ومرت أول سنه
اليوم لي عام متغرب وحيد وحزين
اليوم انا ضيف جرحي جيت بطمنه
اني جمعت الدموع وجبت امانة امين
مايجرح الصادق الا غدر من يامنه
لا جت من احباب قلبك لا تلوم السنين
مليت من هالاماني دام هي مو ممكنه
لاهي تحقق وانا ياسي بوجهي يبين
الوين انا وانت مثل الشمس والازمنه
مع كل صبح يجددني لشمسك حنين
لا قلت احبك .. احبك كنها دندنه
او كنها وردةٍ مابين اصابع جنين
يااجمل الناس لك بين الملا هيمنه
كثير غيرك ولكن مين مثلك ووين
ياعاذلي خذ عيوني يمكن تثمنه
تشوف عيبه وانا اشوفه ملاك حسين
امس افترقنا وانا احسب مرت اول سنه
ياطولها ليلة الفرقا سنة للهزيمطلال الرشيــــد
^_-ALSA7R-_^
آخرحبكنت احسب اني عرفت الحب قبل اعرفك
وعشقت قبل اعشقك واشتقت قبل التقيك
وكنت احسب اني لقيت احباب قبل اوصلك
واثري توهمت في غيرك وانا كنت ابيك
تعال نعطش وتشربني وانا اشربك
تعال قبل الوعداجلس معي نحتريك
تعال شفني وانا استناك .. كم اشبهك
يطري علي ألف راي وراي واحتار فيك
اجي مكان الوعد والا اسبقه انطرك
والا اخذ الموعد اللي يحتريك واجيك
يااخر الحب ذقت الحب في اولك
ويااول الشوق اقصى الشوق ماينتهيك
علمتني كيف اعرفك لين صرت اجهلك
ضيعتني في متاهاتك وكنت ارتجيك
حبيب الاحلام يابعدك ويامقربكحرام يكفي تبعثرني وانا احتويك
ان شفتك بحلم صدقته وانا اتوهمك
وان شفتك بعلم كذبته الين انتشيك
اخاف اغمض عيوني وإن رمشت افقدك
واخاف افتح وتصبح حلم ولا التقيك^_-ALSA7R-_^
البروازقلتيلي إنسى
ومن يومها وأنا كل ليلة قدامي البرواز
حبر العيون ودمع القلم في دفتري
وصورتك رغم الألم
ورغم إنها خذت من أطباعك كثير وخانت البرواز
أشوفها في خاطري
حبيبتي ما بيدي حيلة
لا صرتي الصورة وعيوني البرواز
وشلون ابنسى
أتعبتي الصورة مشاوير
وتعبت أنا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم نزعت منه الجسد تجرحت أطرافها
وبجروحها راحت لمين .. لبروازها الثاني
مسكين .. بيسجنك ويبقى سجين
تشبه لك أقداره خانته
وصورتك يجي يوم وتخونه
حبيبتي .. أو للأسف حبيبته
لا صرتي الصورة وجفونه البرواز
وشلون ينسى
حبيبتي لأجل أنسى جرحك واستريح
بابكي .. وبعد البكى بابكي
واكيد في لحظة بتجي وبيجف دمعي
وعندها صورتك اللي في عيوني
بتعاف برواز الضمى
بتصير صحرا وهو سما
بتمرني الدمعة الأخيرة
تاخذ معاها صورتك وتطيح
وكني بهالدمعة سكين جرحها وجهي
وكني بالمسافة تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقى .. الدمع ما يرقى
وعندها لا نزلت الدمعة من الجرح الأخير
وفارقت وجهي أنا
بغمض عيوني وأكسر البرواز
وأكيد ابنسىعبد الرحمن بن مساعد
^_-ALSA7R-_^
- يجب تسجيل الدخول للرد على هذا الموضوع.