علميني عنك احكي مايصير

صمتك و صبري معك هو له مصير

مايسر العين براق السحاب
يتعب الظامي على طول المسير
علميني كيف ما تحصل ظروف
مايرد الوقت تأنيب الضمير
ازرعي صحراي بورد الهوى
عن جفاف الصمت خليها غدير
و ابذري نبت الامل في نفس من
قلبه اصبح كون للحب الكبير
لا تقولين افترضنا أو يكون
افترضنا أو مع الدنيا نسير
الهوى ما يقبل انصاف الحلول
يا نصير او يا حبيبي مانصير

.. العناوشهو العنا

غير انتي و اجروحك و أنا

ابجرحك بظما .. و ارضي علي مره

دامك حياة الماء

يا بنت منهو غاب ..

ضحك و حكي و أحباب

و انتي و أنا و قلوبنا .. صرنا

حديث أغراب

.. أثر المفارق صعب

غيمة سواد و ليل

أنساك هذا صعب .. لا مابقى بي حيل

يا عيونك الظلما .. مافي الجفا كلمه

.. و مال الغياب اللسان

..اتصوري

مره نسيتك .. و ابتسمت

.. و اتصدقي

اني على البسمه ندمت

و الأكيد اني بكيت .. ما ابتسمت

أبسألك

.. وشهو الشبه

بين النهايه و الأخير

كلها نفس المصير

و أبسألك

من قال لك ان الهوى جرحه عذاب

و أجمل أيامه غياب

عمر الحزن ما يلبس اثياب جداد

مثل الهجير مايعرف أنفاس البراد

.. العنا وشهو العنا

ابجرحك بظما .. و ارضي علي مره

دامك حياة الماء

سعود بن عبدالله

لا تستحي من نظرتك و انت مشتاق

لا تستحي كل الزمن ما يساوي

لاهند .. لا غادة .. ولاريم ..ونجود
بنات حوّا .. ماتسبب ذهولي

صحيح انا عاشق .. وعاشق بلا حدود
لكن عشقي ماوقف عند ذولي
انا اروم الصعب واصارع الكود
ابعد هدف مايبتعد عن رسولي
بي طيبةٍ لكنها فوق بارود
وبي حدةٍ لو كان طبعي خجولي
احيانا اسافر وابتعد .. وابتعد زود
من شان اعوّد والحقيقه ذلولي
واحيان اغامر واقتحم ذروة الطود
مارجع لما اشبع باقتحامي فضولي
مانيب احسب لشمس برق ورعود
ماهيب تقبل هالموانع فصولي
اغلب مسحاتي بها أشواك وورود
ماني مثالي حيل لكن إصولي
أنظر بعيد ولا تقدمت مااعود
لكن أقدر كل من عاش حولي

احمد الناصر الأحمد

بعض الجروح ان جت من أغراب عادي

والجرح موت الجرح لا جا من أحباب

يامدني اركاب الجفا للبعادي
شمس المغيب ان جت على حبنا غاب
لو كنت أنا الغلطان لو كنت البادي
ماطاب لي نوم ولا خاطري طاب
ماأقساك ياسبة عناي وجهادي
يامحمل القلب العمى لوم وعتاب
صار الأمل قدام عيني رمادي
الله يوم إنه كما سهيل جذاب
شكواي ياليل الأسى ياسهادي
ماظن به يوم يجي نصبح أغراب

عبدالإله المطرف

لي عيون مايفارقها الحزن

الفرح فيها اغترب مبطي ومات

ولي خفوق نبضته هم يكن
في حياتي صار لي همي حياة
ولي ملامح من يراها مايظن
إن لي فكر عجز ليلة يبات
ولي زمان اعترضني مايحن
أتجمل بالصبر صبري ثبات
وبي شعور له فؤادي محتقن
لا بغيت أشكي تغيبه الشفاة
في طريقي طال بي حظي دفن
مات والغربة منحت لي الوصاة
أحتمي في غربتي شارد ذهن
أحتمي بجنح الليالي المظلمات
الحكي من الخلق ماتقبله إذن
دام عيني ماترى درب النجاة

خالد عبدالرحمن ..مخاوي الليل

انا .. انا .. لولاي انا من تكونين
اقولها وانا نعم .. فيك مغرور
انا جعلتك نور وانتي .. من الطين
جرة قلم .. وامحيك من عالم النور
انتي بدوني وردة في البساتين
والورد في دنيا .. البساتين مغمور
لكن معي صرتي .. كما الشوف للعين
والعين لولا الشوف .. ماظن لها دور
هذا وقصدي تعرفي موقعك زين
وحذرا .. ترى من انذرك صار معذور
اما اشتري ودي على العسر .. واللين
والا تراني .. بايعك بيعة البور
بسطور .. خليتك شعار المحبين
وامسحك من دنيا المحبين بسطور

فهد عافت

كيف أطفي الريح بثيابك وكيف اشعلك

كيف اتنثر على جمـرك وكيـف احتويك
نقضت ليل الحرير وجيت ماانت ل هلك
سمّيت باللي فتني بـك وقلت ابتديـك
هذا اول الدرب او هذا الطــريق اولك
جيت آتوقّا عذابات المدى .. و اهتديك
شوقـي مسافـة وهمساتـك مـدار وفلك
ان ماظميتك غلى .. ياعلني ماارتويك
إية اعرفك واعرف اني من غلاك اجهلك
مرات اضمّـك واخـاف اني مشبة عليك
مـرات اشوفـك بنفس الوقت واتخيـلك
وانشد كفـوفي عن اخر سالفة من يديك
أعـنّ لك لـو تصّـب المـوت … واتهيّلك
واجـوع لـك وآتمـنى خنجـرك واشتهيـك
ماقلـت لك عمر سيـف العشق مايقتلك
ماتشوفني حي قدامك وانا امـوت فيك
اشتقت لك قبل اجيك وجيت واشتقت لك

البارحة طول ليلي بين هذي .. وذيـك

مليت جمـر انتظارك واستحيت أسألـك
واحسبتني ما بعد جيتك وفكرت اجيـك
اثرك بقلبي من البارح وانا استعجلك
واثري نسيتك من الفرحة وقمت احتريك

مساعد الرشيدي