كيف الحال يا جماعة مجالسنا ؟؟

راح أقولكم قصة اليوم قتلتني من الضحك لدرجة إني دمعت عيوني وعورني بطني من كثر ما أضحك ، وفي نفس الوقت حزن على صاحبي الي كان متضايق من ولده !! وهو يقول الظاهر إني أنا وأمه دلعناه أكثر من اللزوم

وأريد كل واحد يخلي نفسه في مكان صديقي الذي شرب مقلب ومن من ؟؟؟ من أعز الناس عنده ؟؟؟ ولده

الله يسلمكم صاحبي كان جالس يتسوق في أحد المجمعات التجارية في القرب ، وكان شايل معاه ولده وعمره 5 سنوات تقريباً ، بس هذا الولد شيطان لدرجة إنه أبوه بعض الأوقات ما يقدر يتحكم فيه !! وأنا قبل عن أشوف هذا الولد أسمع والده يتشكي ويقول يوم من الأيام راح أجن والسبب هذا الولد !! المهم ، الولد الظاهر كان يريد شئ من أبوه ، وكان أبوه مستعجل ورفض طلبات الولد … بعدين الولد أصر على الأب بالطلب مره ثانية !! وبعدين الأب قال إذا ما سكت الحين راح أرجعك البيت وما راح تطلع مره ثانية في حياتك !! تخيلوا إيش صار ؟؟ ركض الولد عن الأب وبين الناس وقام يصرخ حال كل الناس !!! ساعدوني ساعدوني !! فيه حرامي يريد يسرقني .. ومن ضمن الناس الموجودين كان فيه رجال كبير في السن ! شاف الولد وقال له إيش فيك … الولد شاور على الأب وقال هذاك الرجال يريد يسرقني وأنا ما أعرفه ، بعدين جاء الأب وصفع الولد وكان يريد يشله بيدينه ، لكن الولد ركض وكرر نفس الكلام لكل الناس ، ساعدوني ساعدوني ، هذا الرجال يريد يسرقني ، بعدين تجمعوا ناس كثير حول هذا الأب وقالوا له إنت صح تريد تسرقة ؟؟ قال حرام عليكم هذا ولدي … وبعدين جابوا الولد وقالوا له … من هذا الرجال .؟؟ قال ما أعرف !! قالوا لكن هذا أبوك وإنت ليش سويت كذاك ؟؟ قال أنا سويت كذاك علشان ما عطاني إلي أريده !! ومن كثر ما عصب صاحب والد الطفل !! آخذ الولد بالقوة وركض بسرعة للسيارة وتوجه إلى البيت وضرب الطفل ضرب وحلف إنه ما راح يخرجة مره ثانية .

مع العلم بأن هذا الطفل هو البكر لهما .

وهنا فيه سؤال ؟

ليش دائماً أول طفل يكون عند الزوجين .. يعامل معامله خاصة .. ويكون مدلع أكثر من باقي أشقاءه وكذلك آخر طفل ؟؟

مع محبتي
أمير القلوب

لماذا

======================================

قوي ورقيق *** أحاسيس ومشاعر *** أخلاق وطيبه *** حب وعشق *** هذا هو ! ! !

أمير القـــــلوب